ਨਵੀਂ ਦਿੱਲੀ ’ਚ ਆਯੋਜਿਤ ‘ਇੰਡੀਆ ਏ. ਆਈ. ਇੰਪੈਕਟ ਸਿਖਰ ਸੰਮੇਲਨ’ ’ਚ ਮਾਈਕ੍ਰੋਸਾਫਟ ਨੇ ਦਹਾਕੇ ਦੇ ਅਖੀਰ ਤੱਕ 50 ਅਰਬ ਡਾਲਰ ਨਿਵੇਸ਼ ਕਰਨ ਦਾ ਐਲਾਨ ਕੀਤਾ। ਕੰਪਨੀ ਦੀ ਵਾਈਸ ਚੇਅਰ ਬ੍ਰੈਡ ਸਮਿਥ ਨੇ ਕਿਹਾ ਕਿ ਵਿਕਸਤ ਅਤੇ ਵਿਕਾਸਸ਼ੀਲ ਦੇਸ਼ਾਂ ਵਿਚਾਲੇ ਵਧਦੀ ‘ਏ. ਆਈ. ਖਾਈ’ ਆਰਥਿਕ ਅਸਮਾਨਤਾ ਡੂੰਘੀ ਹੋ ਸਕਦੀ ਹੈ।
ਨਿਵੇਸ਼ 5 ਥੰਮ੍ਹਾਂ (ਬੁਨਿਆਦੀ ਢਾਂਚਾ, ਹੁਨਰ ਵਿਕਾਸ, ਬਹੁ-ਭਾਸ਼ਾਈ ਏ. ਆਈ., ਸਥਾਨਕ ਨਵੀਨਤਾ ਅਤੇ ਅਪਣਾਉਣ ਦੇ ਮਾਪਦੰਡ) ’ਤੇ ਕੇਂਦਰਿਤ ਹੋਵੇਗਾ।
ਪਿਛਲੇ ਵਿੱਤੀ ਸਾਲ ’ਚ ਕੰਪਨੀ ਨੇ ਗਲੋਬਲ ਸਾਊਥ ਦੇ ਡਾਟਾ ਸੈਂਟਰ ਢਾਂਚੇ ’ਤੇ 8 ਅਰਬ ਡਾਲਰ ਤੋਂ ਵੱਧ ਖਰਚ ਕੀਤੇ।
‘ਮਾਈਕ੍ਰੋਸਾਫਟ ਐਲੀਵੇਟ’ ਤਹਿਤ 2028 ਤੱਕ 2 ਕਰੋੜ ਲੋਕਾਂ ਨੂੰ ਏ. ਆਈ. ਸਰਟੀਫਿਕੇਸ਼ਨ ਅਤੇ ਭਾਰਤ ’ਚ 2030 ਤੱਕ 2 ਕਰੋੜ ਲੋਕਾਂ ਨੂੰ ਸਿਖਲਾਈ ਦੇਣ ਦਾ ਟੀਚਾ ਹੈ। ਬਹੁ-ਭਾਸ਼ਾਈ ਏ. ਆਈ. ਅਤੇ ਅਧਿਆਪਕਾਂ ਦੇ ਸਿਖਲਾਈ ਪ੍ਰੋਗਰਾਮ ਵੀ ਸ਼ੁਰੂ ਕੀਤੇ ਗਏ ਹਨ।