ਮਹਿੰਦਰਾ ਸਮੂਹ ਨੇ ਕਿਹਾ ਕਿ ਉਹ ਅਗਲੇ 10 ਸਾਲਾਂ ’ਚ ਮਹਾਰਾਸ਼ਟਰ ’ਚ 15,000 ਕਰੋੜ ਰੁਪਏ ਦਾ ਨਿਵੇਸ਼ ਕਰੇਗਾ। ਇਸ ’ਚ ਨਾਗਪੁਰ ’ਚ ਇਕ ਵਾਹਨ ਅਤੇ ਟਰੈਕਟਰ ਨਿਰਮਾਣ ਪਲਾਂਟ ਸਥਾਪਤ ਕਰਨਾ ਸ਼ਾਮਲ ਹੈ।
ਮਹਿੰਦਰਾ ਮੌਜੂਦਾ ਉਤਪਾਦ ਅਤੇ ਇੰਜਣ ਸਮਰੱਥਾ ਦੇ ਵਿਸਥਾਰ ਦੇ ਨਾਲ-ਨਾਲ ਆਪਣੇ ‘ਐਡਵਾਂਸ ਟੈਕਨਾਲੋਜੀ’ ਕਾਰੋਬਾਰ ਦੇ ਵਿਕਾਸ ਲਈ ਇਗਤਪੁਰੀ-ਨਾਸਿਕ ਖੇਤਰ ’ਚ ਜ਼ਮੀਨ ਐਕਵਾਇਰ ਕਰੇਗਾ। ਸਮੂਹ ਨੇ ਕਿਹਾ ਕਿ ਨਾਗਪੁਰ ਪਲਾਂਟ ਵਾਹਨਾਂ ਅਤੇ ਟਰੈਕਟਰਾਂ ਲਈ ਸਮੂਹ ਦਾ ਸਭ ਤੋਂ ਵੱਡਾ ਏਕੀਕ੍ਰਿਤ ਨਿਰਮਾਣ ਕਾਰਖਾਨਾ ਹੋਵੇਗਾ ਅਤੇ ਇਸ ’ਚ 2028 ’ਚ ਉਤਪਾਦਨ ਸ਼ੁਰੂ ਹੋ ਜਾਵੇਗਾ। ਇਸ ਪਲਾਂਟ ਦੀ ਸਾਲਾਨਾ ਉਤਪਾਦਨ ਸਮਰੱਥਾ 5 ਲੱਖ ਤੋਂ ਵੱਧ ਵਾਹਨਾਂ ਅਤੇ 1 ਲੱਖ ਟਰੈਕਟਰਾਂ ਦੀ ਹੋਵੇਗੀ, ਜਿਸ ਨਾਲ ਇਹ ਦੇਸ਼ ’ਚ ਮਹਿੰਦਰਾ ਦਾ ਸਭ ਤੋਂ ਵੱਡਾ ਏਕੀਕ੍ਰਿਤ ਨਿਰਮਾਣ ਕੇਂਦਰ ਬਣ ਜਾਵੇਗਾ।