ਸਾਹਨੇਵਾਲ ਕੁਹਾੜਾ (ਕੁਲਦੀਪ ਸਿੰਘ ਕੁਹਾੜਾ) : ਅਦਾਰਾ ਦੇਸ਼ ਪ੍ਰਦੇਸ ਦੇ ਲੁਧਿਆਣਾ ਤੋਂ ਪੱਤਰਕਾਰ ਹਰਜਿੰਦਰ ਸਿੰਘ ਝੱਜ ਨੂੰ ਉਸ ਵਕਤ ਗਹਿਰਾ ਸਦਮਾ ਪੁੱਜਾ ਜਦੋਂ ਬੀਤੇ ਦਿਨ ਸਵੇਰੇ ਤੜਕੇ ਉਹਨਾਂ ਦੇ ਪਿਤਾ ਜੀ ਸੰਤ ਬਾਬਾ ਰਣਜੀਤ ਸਿੰਘ ਜੀ ਇਸ ਫਾਨੀ ਸੰਸਾਰ ਨੂੰ ਅਲਵਿਦਾ ਆਖ ਗੁਰੂ ਚਰਨਾਂ ਵਿੱਚ ਜਾ ਵਿਰਾਜੇ।ਸੰਤ ਬਾਬਾ ਰਣਜੀਤ ਸਿੰਘ ਜੀ ਦੀ ਬੀਤੀ 21 ਜਨਵਰੀ ਸਵੇਰੇ ਤੜਕੇ ਅਚਾਨਕ ਹੀ ਮੌਤ ਹੋ ਗਈ।ਉਹ ਪਿਛਲੇ ਕਾਫੀ ਅਰਸੇ ਤੋਂ ਚਾਹ ਵਾਲੇ ਕੌਂਚ ਵੈਲੀ ਪਿੰਡ ਬਹਿਰਾਲ ਵਿਖੇ ਗੁਰਦੁਆਰਾ ਸਹਿਬ ਨੇੜੇ ਸ੍ਰੀ ਪਾਉਂਟਾ ਸਾਹਿਬ ਵਿੱਚ ਮੁੱਖ ਸੇਵਾਦਾਰ ਵੱਜੋ ਸੇਵਾ ਨਿਭਾ ਰਹੇ ਸਨ ।ਉਸ ਹਲਕੇ ਦੀਆਂ ਨਾਮ ਲੇਵਾ ਸੰਗਤਾਂ ਨੂੰ ਜਿਥੇ ਸੰਤ ਬਾਬਾ ਰਣਜੀਤ ਸਿੰਘ ਦੇ ਸਦਾ ਵਾਸਤੇ ਵਿਛੜ ਜਾਣ ਨਾਲ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ। ਉਥੇ ਹੀ 21 ਜਨਵਰੀ ਦੀ ਸਵੇਰ ਝੱਜ ਪ੍ਰੀਵਾਰ ਨੂੰ ਇਹ ਦੁਖਦਾਈ ਖ਼ਬਰ ਸੁਣਦਿਆਂ ਹੀ ਗਹਿਰਾ ਸਦਮਾਂ ਪੁੱਜਾ। ਸੰਤ ਬਾਬਾ ਰਣਜੀਤ ਸਿੰਘ ਜੀ ਦਾ 21 ਜਨਵਰੀ ਬਾਅਦ ਦੁਪਹਿਰ ਗੁਰਦੁਆਰਾ ਸਾਹਿਬ ਵਿਖੇ ਭਾਰੀ ਗਿਣਤੀ ਵਿੱਚ ਨਾਮ ਲੇਵਾ ਸੰਗਤਾਂ ਨੇ ਨਮ ਅੱਖਾਂ ਨਾਲ ਸੰਸਕਾਰ ਕਰ ਦਿੱਤਾ ਹੈ।