ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਦੇ ਪ੍ਰਿੰਸੀਪਲ ਸਕੱਤਰ ਡਾ. ਪੀ.ਕੇ. ਮਿਸ਼ਰਾ ਨੇ ਦੱਖਣ ਅਫ਼ਰੀਕਾ ਦੀ ਪ੍ਰਧਾਨਗੀ ਵਿੱਚ ਆਯੋਜਿਤ ਜੀ-20 ਆਫ਼ਤ ਜ਼ੋਖਮ ਘਟਾਉਣ (ਡੀਆਰਆਰ) ਮੰਤਰੀ ਪੱਧਰੀ ਮੀਟਿੰਗ ਵਿੱਚ ਭਾਰਤੀ ਵਫ਼ਦ ਦੀ ਅਗਵਾਈ ਕੀਤੀ। ਇਸ ਮੀਟਿੰਗ ਵਿੱਚ ਮੰਤਰੀਆਂ ਨੇ 13 ਅਕਤੂਬਰ ਨੂੰ ਅੰਤਰਰਾਸ਼ਟਰੀ ਆਫ਼ਤ ਜ਼ੋਖਮ ਘਟਾਉਣ ਦਿਵਸ ਦੇ ਮੌਕੇ ‘ਤੇ “ਸਾਰਿਆਂ ਲਈ ਅਨੁਕੂਲਤਾ: ਇਕਜੁੱਟਤਾ, ਸਮਾਨਤਾ ਅਤੇ ਸਥਿਰਤਾ ਰਾਹੀਂ ਆਫ਼ਤ ਜ਼ੋਖਮ ਘਟਾਉਣ ਨੂੰ ਮਜ਼ਬੂਤ ਬਣਾਉਣ” ਦੇ ਐਲਾਨ ਨੂੰ ਅਪਣਾਇਆ।
ਇਸ ਮੌਕੇ ‘ਤੇ ਆਪਣੇ ਸੰਬੋਧਨ ਵਿੱਚ, ਡਾ. ਮਿਸ਼ਰਾ ਨੇ ਭਾਰਤ ਦੇ ਇਸ ਵਿਸ਼ਵਾਸ ‘ਤੇ ਜ਼ੋਰ ਦਿੱਤਾ ਕਿ ਆਫ਼ਤ ਜ਼ੋਖਮ ਘਟਾਉਣ ਦੀ ਕੋਈ ਲਾਗਤ ਨਹੀਂ ਹੈ ਸਗੋਂ ਇਹ ਸਾਡੇ ਸਾਂਝੇ ਭਵਿੱਖ ਵਿੱਚ ਇੱਕ ਸਮੂਹਿਕ ਨਿਵੇਸ਼ ਹੈ। ਉਨ੍ਹਾਂ ਨੇ ਜੀ-20 ਡੀਆਰਆਰ ਕਾਰਜ ਸਮੂਹ (2023) ਦੇ ਗਠਨ ਵਿੱਚ ਭਾਰਤ ਦੀ ਮੋਹਰੀ ਭੂਮਿਕਾ ਅਤੇ ਬਹੁ-ਖਤਰੇ ਦੀ ਸ਼ੁਰੂਆਤੀ ਚੇਤਾਵਨੀ ਪ੍ਰਣਾਲੀਆਂ ਨੂੰ ਅੱਗੇ ਵਧਾਉਣ, ਭਵਿੱਖਬਾਣੀ ਕਾਰਵਾਈ ਲਈ ਭਵਿੱਖਬਾਣੀ ਵਿੱਤਪੋਸ਼ਣ ਦਾ ਲਾਭ ਉਠਾਉਣ ਅਤੇ ਅਨੁਕੂਲਤਾ ਲਈ ਜਨਤਕ-ਨਿਜੀ ਭਾਗੀਦਾਰੀ ਨੂੰ ਹੁਲਾਰਾ ਦੇਣ ਦੀ ਭਾਰਤ ਦੀ ਨਿਰੰਤਰ ਪ੍ਰਤੀਬੱਧਤਾ ‘ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਆਫ਼ਤ ਰੋਧੀ ਬੁਨਿਆਦੀ ਢਾਂਚੇ ਲਈ ਗਠਜੋੜ (ਸੀਡੀਆਰਆਈ) ਰਾਹੀਂ ਭਾਰਤ ਦੀ ਅਗਵਾਈ ਨੂੰ ਦੁਹਰਾਇਆ, ਜਿਸ ਨੇ 50 ਦੇਸ਼ਾਂ ਨੂੰ ਤਕਨੀਕੀ ਸਹਾਇਤਾ ਪ੍ਰਦਾਨ ਕੀਤੀ ਹੈ।
ਡਾ. ਮਿਸ਼ਰਾ ਨੇ ਆਫ਼ਤ ਜ਼ੋਖਮ ਘਟਾਉਣ ਦੇ ਏਜੰਡੇ ਦੇ ਤਹਿਤ ਸਾਂਝੇਦਾਰੀ ਦੀ ਭਾਵਨਾ ਨੂੰ ਹੁਲਾਰਾ ਦੇਣ ਅਤੇ ਅਫ਼ਰੀਕਾ ਦੇ ਦ੍ਰਿਸ਼ਟੀਕੋਣ ਨੂੰ ਵਿਆਪਕ ਬਣਾਉਣ ਲਈ ਦੱਖਣ ਅਫ਼ਰੀਕਾ ਦੀ ਪ੍ਰਧਾਨਗੀ ਦੀ ਸ਼ਲਾਘਾ ਕੀਤੀ।
ਡੀਆਰਆਰ ਵਿੱਚ ਨਿਵੇਸ਼ ਲਈ ਸਵੈ-ਇੱਛਤ ਉੱਚ-ਪੱਧਰੀ ਸਿਧਾਂਤਾਂ ‘ਤੇ ਮੰਤਰੀ ਪੱਧਰੀ ਗੋਲਮੇਜ਼ ਸੰਮੇਲਨ ਦੌਰਾਨ, ਡਾ, ਮਿਸ਼ਰਾ ਨੇ ਜ਼ੋਖਮ ਸੂਚਨਾ, ਵਿੱਤਪੋਸ਼ਣ ਰਣਨੀਤੀ, ਇਨੋਵੇਸ਼ਨ ਅਤੇ ਸਥਾਨਕ ਪੱਧਰ ਦੇ ਨਿਵੇਸ਼ ‘ਤੇ ਅਧਾਰਿਤ ਭਾਰਤ ਦੇ ਏਕੀਕ੍ਰਿਤ ਦ੍ਰਿਸ਼ਟੀਕੋਣ ਦਾ ਵੀ ਜ਼ਿਕਰ ਕੀਤਾ। ਭਾਰਤ ਦੇ ਸ਼ਾਸਨ ਮਾਡਲ ਨੇ ਡੀਆਰਆਰ ਨੂੰ ਆਪਣੀ ਰਾਸ਼ਟਰੀ ਅਨੁਕੂਲਨ ਯੋਜਨਾ, ਖੇਤਰੀ ਨੀਤੀਆਂ ਅਤੇ ਵਿੱਤ ਪੋਸ਼ਣ ਸਾਧਨਾਂ ਵਿੱਚ ਸ਼ਾਮਲ ਕੀਤਾ ਹੈ, ਜਿਸ ਨਾਲ ਇਹ ਯਕੀਨੀ ਹੁੰਦਾ ਹੈ ਕਿ ਵਿਕਾਸ ਯੋਜਨਾ ਦੇ ਹਰੇਕ ਪੱਧਰ ਵਿੱਚ ਅਨੁਕੂਲਤਾ, ਸਮਾਵੇਸ਼ ਅਤੇ ਸਥਿਰਤਾ ਸ਼ਾਮਲ ਹੋਵੇ।
ਇਸ ਮੌਕੇ ‘ਤੇ, ਡਾ. ਮਿਸ਼ਰਾ ਨੇ ਦੱਖਣ ਅਫ਼ਰੀਕਾ ਦੇ ਸਹਿਕਾਰੀ ਸ਼ਾਸਨ ਅਤੇ ਰਵਾਇਤੀ ਮਾਮਲੇ ਮੰਤਰੀ ਸ਼੍ਰੀ ਵੇਲੇਨਕੋਸਿਨੀ ਹਲਾਬੀਸਾ, ਆਸਟ੍ਰੇਲੀਆ ਦੀ ਐਮਰਜੈਂਸੀ ਪ੍ਰਬੰਧਨ ਮੰਤਰੀ ਸੁਸ਼੍ਰੀ ਕ੍ਰਿਸਟੀ ਮੈਕਬੇਨ ਅਤੇ ਹੋਰ ਜੀ-20 ਮੈਂਬਰਾਂ ਅਤੇ ਅੰਤਰਰਾਸ਼ਟਰੀ ਸੰਗਠਨਾਂ ਦੇ ਵਫ਼ਦ ਪ੍ਰਮੁੱਖਾਂ ਦੇ ਨਾਲ ਦੁਵੱਲੀ ਮੀਟਿੰਗ ਕਰਦੇ ਹੋਏ ਆਫ਼ਤ ਅਨੁਕੂਲਨ ਦੀ ਦਿਸ਼ਾ ਵਿੱਚ ਸਹਿਯੋਗਾਤਮਕ ਯਤਨਾਂ ਨੂੰ ਮਜ਼ਬੂਤ ਕੀਤਾ।
ਪ੍ਰੋਗਰਾਮ ਦੀ ਸਮਾਪਤੀ ਕਰਦੇ ਹੋਏ ਡਾ. ਮਿਸ਼ਰਾ ਨੇ ਘਰੇਲੂ ਪੱਧਰ ‘ਤੇ ਅਤੇ ਅੰਤਰਰਾਸ਼ਟਰੀ ਸਾਂਝੇਦਾਰੀਆਂ ਦੇ ਰਾਹੀਂ ਐਲਾਨ ਪੱਤਰਾਂ ਦੀ ਵਚਨਬੱਧਤਾਵਾਂ ਨੂੰ ਅੱਗੇ ਵਧਾਉਣ ਦੇ ਪ੍ਰਤੀ ਭਾਰਤ ਦੀ ਵਚਨਬੱਧਤਾ ਦੀ ਮੁੜ ਪੁਸ਼ਟੀ ਕੀਤੀ।