ਠੇਕੇ ਤੇ ਹੈਡ ਗ੍ਰਨੇਡ ਸੁੱਟਣ ਵਾਲੇ ਆਰੋਪੀ ਦਾ ਪੁਲਿਸ ਨੇ ਕੀਤਾ ਐਨਕਾਉਟਰ

 ਨਵਾਂਸ਼ਹਿਰ (ਮਨੋਰੰਜਨ ਕਾਲੀਆ)-ਚਾਰ ਦਿਨ ਪਹਿਲਾ ਨਵਾਸ਼ਹਿਰ ਦੇ ਅੰਬੇਡਕਰ ਚੌਕ ਵਿੱਚ ਸਥਿਤ  ਇਕ ਸ਼ਰਾਬ ਦੇ ਠੇਕੇ ਤੇ ਹੈਡ ਗ੍ਰਨੇਡ ਸੁੱਟਣ ਵਾਲੇ ਇਕ ਆਰੋਪੀ ਦਾ ਮੰਗਲਵਾਰ ਨੂੰ  ਪੁਲਿਸ ਨਾਲ ਐਨਕਾਉਟਰ ਹੋ ਗਿਆ | ਗੋਲੀਵਾਰੀ ਦੇ ਦੌਰਾਨ ਆਰੋਪੀ ਦੇ ਲੱਤ ਵਿੱਚ ਗੋਲੀ ਲੱਗੀ ਅਤੇ ਉਹ ਜਖਮੀ ਹੋ ਗਿਆ | ਜਿਸ ਨੂੰ  ਇਲਾਜ ਲਈ ਸਿਵਲ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ | ਪੁਲਿਸ ਨੇ ਆਰੋਪੀ ਦੀ ਪਹਿਚਾਣ ਤੇ ਕੁੱਲ ਪੰਜ ਲੋਕਾ ਨੂੰ  ਗਿਰਫਤਾਰ ਕੀਤਾ ਹੈ |  ਇਨਾ ਵਿੱਚੋ ਤਿੰਨ ਨਬਾਲਿਗ ਦੱਸੇ ਜਾਦੇ ਹਨ | ਆਰੋਪੀਆ ਕੋਲੋ ਇਕ ਹੈਡ ਗ੍ਰਨੇਡ , ਇਕ 32 ਬੌਰ ਪਿਸਤੌਲ ਤੋ ਦੋ ਜਿੰਦਾ ਕਾਰਤੂਸ ਬਰਾਮਦ ਕੀਤੇ ਗਏ ਹਨ |  

 ਇਸ ਸਬੰਧ ਵਿੱਚ ਜਾਣਕਾਰੀ ਦਿੰਦੇ ਹੋਏ ਐਸਐਸਪੀ ਡਾ ਮਹਿਤਾਬ ਸਿੰਘ ਨੇ ਦੱਸਿਆ ਕਿ ਠੇਕੇ ਤੇ ਬੰਬ ਸੁੱਟਣ ਦੀ ਘਟਨਾ ਤੋ ਬਾਦ ਪੁਲਿਸ ਲਗਾਤਾਰ ਆਰੋਪੀਆ ਦੀ ਭਾਲ ਕਰ ਰਹੀ ਸੀ |  ਇਸ ਦੌਰਾਨ ਕਾਊਟਰ ਐਟੀਲੀਜੇਸ ਦੀ ਇਨਪੱੁਟ ਤੇ ਪੁਲਿਸ ਨੇ ਰਲ ਕੇ ਆਪ੍ਰੇਸ਼ਨ ਚਲਾਇਆ | ਇਨਾ ਵਿੱਚੋ ਇਕ ਆਰੋਪੀ  ਸੋਨੂੰ ਵਾਸੀ ਕਪੂਰਥਲਾ ਨੂੰ  ਕਾਬੂ ਕਰਕੇ ਜਦੋ ਬਹਿਰਾਮ ਥਾਣੇ ਦੇ ਮੂੰਨਾ ਫਰਾਲਾ ਰੋਡ ਤੇ ਹਥਿਆਰਾ ਦੀ ਬਰਾਮਦਗੀ ਲਈ ਲੈ ਕੇ ਗਏ ਤਾਂ ਉਸਨੇ ਉਥੇ ਛੁਪਾਈ ਗਈ ਪਿਸਤੌਲ ਨਾਲ  ਪੁਲਿਸ ਤੇ ਦੋ ਫਾਇਰ ਕੀਤੇ | ਜੋ ਕਿ ਪੁਲਿਸ ਕਰਮਚਾਰੀਆ ਨੂੰ  ਨਾ ਲਗੱਦੇ ਹੋਏ ਉਨਾ ਦੀ ਗੱਡੀ ਤੇ ਲੱਗੇ | ਪੁਲਿਸ ਨੇ ਜਵਾਬੀ ਕਾਰਵਾਈ ਦੌਰਾਨ ਇਕ ਗੋਲੀ ਸੋਨੂੰ ਦੀ ਲੱਤ ਵਿੱਚ ਲੱਗੀ ਤੇ ਉਹ ਜਖਮੀ ਹੋ ਗਿਆ |  ਐਸਐਸਪੀ ਮਹਿਤਾਬ ਸਿੰਘ ਨੇ ਦੱਸਿਆ ਕਿ ਇਸ ਦੀ ਪੁੱਛਗਿੱਛ ਤੇ ਪੁਲਿਸ ਨੇ ਦੋ ਲੋਕਾ ਨੂੰ  ਜੈਪੁਰ (ਰਾਜਸਥਾਨ) ਤੋ  ਗਿਰਫਤਾਰ ਕੀਤਾ ਹੈ | ਇਸ ਤੋ ਇਲਾਵਾ ਦੋ ਹੋਰ ਆਰੋਪੀਆ ਨੂੰ  ਵੀ ਗਿਰਫ੍ਰਤਾਰ ਕੀਤਾ ਗਿਆ ਹੈ | ਉਨਾ ਦੱਸਿਆ ਕਿ ਇਸ ਮਾਮਲੇ ਵਿੱਚ ਕੁੱਲ ਪੰਜ ਲੋਕਾ ਨੂੰ  ਗਿਰਫਤਾਰ ਕੀਤਾ ਗਿਆ ਹੈ ਜਿੰਨਾ ਵਿੱਚ ਤਿੰਨ ਨਬਾਲਿਗ ਦੱਸੇ ਜਾਦੇ ਹਨ |  ਇਕ ਬਾਲਕ ਆਰੋਪੀ ਦੀ ਪਹਿਚਾਣ ਰਿਤਿਕ ਦੇ ਰੂਪ ਵਿੱਚ ਹੋਈ |  ਇਨਾ ਨੇ ਨਵਾਂਸ਼ਹਿਰ ਵਿੱਚ ਵਾਰਦਾਤ ਨੂੰ   ਪਾਕਿਸਤਾਨ ਵਿੱਚ ਬੈਠੇ  ਰਿੰਦਾ ਅਤੇ ਈਸ਼ਾਨ ਅਖਤਰ ਦੇ ਇਸ਼ਾਰੇ  ਤੇ ਅੰਜਾਮ ਦਿੱਤਾ |  ਇਸ ਤਰਾ ਇਸਦੀਆ ਕੜੀਆ ਪਾਕਿਸਤਾਨ ਨਾਲ ਜੁੜਦੀਆ ਹਨ | ਉਨਾ ਦੱਸਿਆ ਕਿ ਪੁਲਿਸ ਇਸ ਗੱਲ ਦੀ ਵੀ ਜਾਂਚ ਕਰ ਰਹੀ ਹੈ ਕਿ ਇਨਾ ਆਰੋਪੀਆ ਨੂੰ   ਪੈਸੇ ਦੇ ਲਾਲਚ ਦੇਕੇ  ਤਾ ਨਹੀ ਇਸ ਘਟਨਾ ਨੂੰ  ਅੰਜਾਮ ਦਿੱਤਾ ਗਿਆ | ਉਨਾ ਦੱਸਿਆ ਕਿ ਆਰੋਪੀਆ ਨੂੰ  ਅਦਾਲਤ ਵਿੱਚ ਪੇਸ਼ ਕਰਕੇ ਰਿਮਾਂਡ ਲਿਆ ਜਾਵੇਗਾ |  ਰਿਮਾਂਡ ਦੇ ਦੌਰਾਨ ਜਿੰਨਾ ਤੋ ਅਹਿਮ ਖੁਲਾਸੇ ਹੋਣ ਦੀ ਉਮੀਦ ਹੈ |