ਮੁੰਬਈ : ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਸ਼ਾਹਿਦ ਕਪੂਰ ਦੀ ਨਵੀਂ ਫਿਲਮ 'ਓ ਰੋਮੀਓ' (O Romeo) ਨੇ ਬਾਕਸ ਆਫਿਸ 'ਤੇ ਧਮਾਕੇਦਾਰ ਸ਼ੁਰੂਆਤ ਕੀਤੀ ਹੈ। ਵਿਸ਼ਾਲ ਭਾਰਦਵਾਜ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫਿਲਮ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੇ ਪਹਿਲੇ ਤਿੰਨ ਦਿਨਾਂ (ਵੀਕੈਂਡ) ਦੌਰਾਨ 30 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ।
ਕਮਾਈ ਦੇ ਅੰਕੜੇ
ਬਾਕਸ ਆਫਿਸ ਟਰੈਕਰ 'ਸੈਕਨਿਲਕ' ਦੇ ਅੰਕੜਿਆਂ ਮੁਤਾਬਕ ਫਿਲਮ ਦੀ ਕਮਾਈ ਦੀ ਰਫਤਾਰ ਕੁਝ ਇਸ ਤਰ੍ਹਾਂ ਰਹੀ।
ਪਹਿਲਾ ਦਿਨ (ਸ਼ੁੱਕਰਵਾਰ): 8.5 ਕਰੋੜ ਰੁਪਏ
ਦੂਜਾ ਦਿਨ (ਸ਼ਨੀਵਾਰ): 12.65 ਕਰੋੜ ਰੁਪਏ
ਤੀਜਾ ਦਿਨ (ਐਤਵਾਰ): 09 ਕਰੋੜ ਰੁਪਏ
ਕੁੱਲ ਕਮਾਈ: 30.15 ਕਰੋੜ ਰੁਪਏ (ਲਗਭਗ)
ਇਹ ਵੀ ਪੜ੍ਹੋ: ਜੇਲ੍ਹ ਦੀਆਂ ਸਲਾਖਾਂ ਪਿੱਛੇ 'ਕਾਮੇਡੀ ਕਿੰਗ'; ਕੀ ਅੱਜ ਮਿਲੇਗੀ ਰਾਜਪਾਲ ਯਾਦਵ ਨੂੰ ਰਾਹਤ?
ਸ਼ਾਹਿਦ-ਵਿਸ਼ਾਲ ਦੀ 'ਹਿੱਟ' ਜੋੜੀ
ਦੱਸ ਦੇਈਏ ਕਿ ਸ਼ਾਹਿਦ ਕਪੂਰ ਅਤੇ ਨਿਰਦੇਸ਼ਕ ਵਿਸ਼ਾਲ ਭਾਰਦਵਾਜ ਦੀ ਜੋੜੀ ਚੌਥੀ ਵਾਰ ਇਕੱਠੇ ਕੰਮ ਕਰ ਰਹੀ ਹੈ। ਇਸ ਤੋਂ ਪਹਿਲਾਂ ਇਹ ਜੋੜੀ 'ਕਮੀਨੇ' (2009), 'ਹੈਦਰ' (2014) ਅਤੇ 'ਰੰਗੂਨ' (2017) ਵਰਗੀਆਂ ਫਿਲਮਾਂ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਚੁੱਕੀ ਹੈ।
ਸਟਾਰ ਕਾਸਟ ਤੇ ਨਿਰਮਾਤਾ
ਸਾਜਿਦ ਨਾਡਿਆਡਵਾਲਾ ਦੇ ਬੈਨਰ ਹੇਠ ਬਣੀ ਇਸ ਫਿਲਮ ਵਿੱਚ ਸ਼ਾਹਿਦ ਕਪੂਰ ਦੇ ਨਾਲ ਤ੍ਰਿਪਤੀ ਡਿਮਰੀ ਮੁੱਖ ਭੂਮਿਕਾ ਵਿੱਚ ਹੈ। ਫਿਲਮ ਦੀ ਖਾਸ ਗੱਲ ਇਸ ਦੀ ਮਜ਼ਬੂਤ ਸਟਾਰ ਕਾਸਟ ਹੈ, ਜਿਸ ਵਿੱਚ ਨਾਨਾ ਪਾਟੇਕਰ, ਵਿਕਰਾਂਤ ਮੈਸੀ, ਤਮੰਨਾ ਭਾਟੀਆ, ਫਰੀਦਾ ਜਲਾਲ ਅਤੇ ਅਵਿਨਾਸ਼ ਤਿਵਾਰੀ ਵਰਗੇ ਦਿੱਗਜ ਕਲਾਕਾਰ ਸ਼ਾਮਲ ਹਨ। 13 ਫਰਵਰੀ ਨੂੰ ਰਿਲੀਜ਼ ਹੋਈ ਇਸ ਫਿਲਮ ਨੂੰ ਲੈ ਕੇ ਦਰਸ਼ਕਾਂ ਵਿੱਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਕਮਾਈ ਦੇ ਅੰਕੜੇ ਹੋਰ ਵਧ ਸਕਦੇ ਹਨ।