ਨਵਾਸ਼ਹਿਰ (ਮਨੋਰੰਜਨ ਕਾਲੀਆ) : ਆਰ. ਕੇ. ਆਰੀਆ ਕਾਲਜ ਨਵਾਂ ਸ਼ਹਿਰ ਵਿੱਚ ਪ੍ਰਿੰਸੀਪਲ ਡਾਕਟਰ ਪੁਨੀਤ ਅਨੇਜਾ ਦੀ ਯੋਗ ਅਗਵਾਈ ਵਿੱਚ ਚੱਲ ਰਹੇ ਐਨ.ਐਸ.ਐਸ.ਦੇ ਸੱਤ ਰੋਜ਼ਾ ਕੈਂਪ ਦੇ ਛੇਵੇਂ ਦਿਨ ਵਿਦਿਆਰਥੀਆਂ ਨੇ ਪਿੰਡ ਹਿਆਲਾ ਵਿੱਚ ਸਮਾਜਿਕ ਕੁਰੀਤੀਆਂ ਜਿਵੇਂ ਭਰਿਸ਼ਟਾਚਾਰ, ਨਸ਼ਿਆਂ ਦੇ ਦੁਰ ਪ੍ਰਭਾਵ ,ਪਾਣੀ ਦੀ ਦੁਰਵਰਤੋਂ ,ਵਾਤਾਵਰਨ ਵਿੱਚ ਨਿਘਾਰ ਆਦਿ ਵਿਸ਼ਿਆਂ ਉੱਪਰ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਇੱਕ ਰੈਲੀ ਕੱਢੀ। ਇਹ ਰੈਲੀ ਪਿੰਡ ਦੇ ਸ਼ੁਰੂਆਤ ਵਿੱਚ ਸਕੂਲ ਤੋਂ ਲੈ ਕੇ ਪਿੰਡ ਦੇ ਅੰਤ ਤੱਕ ਕੱਢੀ ਗਈ।
ਇਸ ਰੈਲੀ ਦੇ ਦੌਰਾਨ ਵਿਦਿਆਰਥੀਆਂ ਵੱਲੋਂ ਪਾਣੀ ਬਚਾਓ ਜੀਵਨ ਬਚਾਓ, ਵਾਤਾਵਰਨ ਦੀ ਕਰੋ ਸੰਭਾਲ ਤਾਂ ਹੀ ਬਣੇਗਾ ਜੀਵਨ ਖੁਸ਼ਹਾਲ, ਨਸ਼ਿਆਂ ਨੂੰ ਕਹੋ ਨਾ, ਜ਼ਿੰਦਗੀ ਨੂੰ ਕਹੋ ਹਾਂ, ਰੁੱਖ ਲਗਾਓ ਧਰਤੀ ਬਚਾਓ, ਭ੍ਰਸ਼ਟਾਚਾਰ ਤੇ ਵਾਰ ਕਰੋ, ਆਪਣੇ ਦੇਸ਼ ਨਾਲ ਪਿਆਰ ਕਰੋ, ਜਨ ਜਨ ਜਗਾਉਣਾ ਹੈ ਮੱਤ ਦਾਨ ਕਰਾਉਣਾ ਹੈ ਆਦਿ ਨਾਹਰੇ ਬੋਲ ਕੇ ਲੋਕਾਂ ਨੂੰ ਇਹਨਾਂ ਕੁਰੀਤੀਆਂ ਦੇ ਬਾਰੇ ਜਾਗਰੂਕ ਕਰਾਇਆ ਗਿਆ। ਇਸ ਰੈਲੀ ਉਪਰੰਤ ਸ੍ਰੀ ਵਿਨੋਦ ਭਾਰਦਵਾਜ ਪ੍ਰਧਾਨ ਆਰ.ਕੇ ਆਰੀਆ ਕਾਲਜ ਮੈਨੇਜਿੰਗ ਕਮੇਟੀ ਦੇ ਆਸ਼ੀਰਵਾਦ ਨਾਲ ਵਲੰਟੀਅਰਸ ਦੀ ਸਹਾਇਤਾ ਨਾਲ ਇਕੱਠੇ ਕੀਤੇ ਗਏ ਪੈਸਿਆਂ ਨਾਲ ਜਰੂਰੀ ਵਸਤੂਆਂ ਜਿਵੇਂ ਕਿ ਰਾਸ਼ਨ, ਗਰਮ ਕੱਪੜੇ ਆਦਿ ਦੀ ਬਸ ਨੂੰ ਵਲੰਟੀਅਰਜ ਨਾਲ ਪਿੰਡ ਭਰੋ ਮਾਜਰਾ ਦੇ ਬਿਰਧ ਆਸ਼ਰਮ ਲਿਜਾਇਆ ਗਿਆ ਜਿੱਥੇ ਵਿਦਿਆਰਥੀਆਂ ਨੇ ਇਹ ਵਸਤੂਆਂ ਬਿਰਧ ਆਸ਼ਰਮ ਨੂੰ ਵੰਡੀਆ। ਉਥੇ ਉਹਨਾਂ ਨੇ ਮੌਜੂਦ ਬਿਰਧ ਲੋਕਾਂ ਨਾਲ ਗੱਲਬਾਤ ਕੀਤੀ। ਇਸ ਤੋਂ ਬਾਅਦ ਸਾਰੇ ਵਿਦਿਆਰਥੀਆਂ ਨੇ ਗੁਰਦੁਆਰਾ ਰਾਜਾ ਸਾਹਿਬ ਜਾ ਕੇ ਮੱਥਾ ਟੇਕਿਆ ਅਤੇ ਸੇਵਾ ਕੀਤੀ। ਇਸ ਮੌਕੇ ਐਨ.ਐਸ.ਐਸ.ਦੇ ਪ੍ਰੋਗਰਾਮ ਅਫਸਰ ਪ੍ਰੋਫੈਸਰ ਰੋਬਿਨ ਕੁਮਾਰ ,ਪ੍ਰੋਫੈਸਰ ਅਮਨਦੀਪ ਕੌਰ ਅਤੇ ਹਾਜ਼ਰ ਸਨ।