ਇਲਾਕਾ ਕੌਂਸਲਰ ਦੀ ਮਿਹਨਤ ਦੇ ਬੂਟੇ ਨੂੰ ਲੱਗਿਆ ਬੂਰ, ਨਿੱਜਰ ਰੋਡ ਦੇ ਮੁਕਮਲ ਹੋਣ ਮਗਰੋਂ ਲੋਕਾ ਨੇ ਕੀਤਾ ਕੌਂਸਲਰ ਰਾਜਵੀਰ ਸਿੰਘ ਰਾਜੀ ਦਾ ਧੰਨਵਾਦ

ਖਰੜ (ਪ੍ਰੀਤ ਪੱਤੀ) : ਖਰੜ ਸ਼ਹਿਰ ਦੇ ਵਾਰਡ ਨੰਬਰ 12 ਨਿੱਜਰ ਚੌਂਕ ਤੋਂ ਸੈਂਟਰਲ ਬੈਂਕ ਤੱਕ ਰੋਡ ਤੇ ਅੱਜ ਸੜਕ ਤੇ ਲੁਕ ਪਾਉਣ ਦਾ ਕੰਮ ਪੂਰੀ ਤਰ੍ਹਾਂ ਤੋ ਮੁਕਮਲ ਹੋ ਗਿਆ। ਇਸ ਮੌਕੇ ਸਥਾਨਕ ਲੋਕਾਂ ਚ ਖੁਸ਼ੀ ਦੀ ਲਹਿਰ ਦੇਖੀ ਗਈ। ਪਿਛਲੇ ਲਮੇ ਸਮੇਂ ਤੋ ਇਹ ਸੜਕ ਦੀ ਖਸਤਾ ਹਾਲਤ ਹੋਣ ਕਾਰਨ ਲੋਕਾਂ ਨੂੰ ਆਏ ਦਿਨ ਹੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ। ਇਹ ਸੜਕ ਦਾ ਕੰਮ ਪੂਰਾ ਹੋਣ ਮਗਰੋਂ ਨਿੱਜਰ ਚੌਂਕ ਤੋਂ ਐਲ.ਆਈ.ਸੀ ਕਲੋਨੀ, ੳਮ ਐਨਕਲੇਵ, ਵੈਸਟਨ ਟਾਵਰ, ਮਾਡਲ ਟਾਊਨ,ਰਾਜਧਾਨੀ ਐਨਕਲੇਵ ,ਪਾਰਵਤੀ ਐਨਕਲੇਵ ਅਤੇ ਛੱਜੂ ਮਾਜਰਾ ਕਲੋਨੀ ਆਦਿ ਨੂੰ ਪਹੁੰਚ ਕਰਨ ਵਾਲੇ ਵਸਨੀਕਾ ਨੇ ਸੁਖ ਦਾ ਸਾਹ ਲਿਆ ਹੈ। ਇਲਾਕਾ ਨਿਵਾਸੀਆਂ ਮੁਤਾਬਕ ਸੜਕ ਬਣਨ ਦੋਰਾਨ ਇਲਾਕਾ ਕੌਂਸਲਰ ਰਾਜਬੀਰ ਸਿੰਘ ਰਾਜੀ ਨੇ ਦਿਨ-ਰਾਤ ਚੱਲ ਰਹੇ ਕੰਮ ਦੀ ਕੋਲ ਖੜ੍ਹੇ ਹੋਕੇ ਆਪਣੀ ਨਿਗਰਾਨੀ ਹੇਠ ਕੰਮ ਨੂੰ ਪੂਰਾ ਕਰਵਾਇਆ ਹੈ । ਜਿਸ ਨਾਲ ਕੰਮ ਵੀ ਤਸੱਲੀ ਵਾਲਾ ਹੋਇਆ ਹੈ ਇਸ ਕੰਮ ਦੀ ਸਾਰੇ ਵਾਰਡਾਂ ਵਿੱਚ ਵਾਰਡ ਵਾਸੀਆ ਵਲੋ ਕੌਂਸਲਰ ਦੀ ਇਸ ਮਿਹਨਤ ਅਤੇ ਯਤਨਾਂ ਦੀ ਸ਼ਲਾਘਾ ਹੋ ਰਹੀ ਹੈ। ਇਸ ਸੜਕ ਨੂੰ ਪੂਰਾ ਕਰਵਾਉਣ ਵਿੱਚ ਰਾਜਵੀਰ ਸਿੰਘ ਰਾਜੀ ਨੇ ਹਲਕਾ ਵਿਧਾਇਕ ਅਨਮੋਲ ਗਗਨ ਮਾਨ , ਮੈਂਬਰ ਪਾਰਲੀਮੈਂਟ ਮਾਲਵਿੰਦਰ ਸਿੰਘ ਕੰਗ,ਨਗਰ ਕੌਂਸਲ ਦੇ ਪ੍ਰਧਾਨ ਮੈਡਮ ਅੰਜੂ ਚੰਦਰ ਅਤੇ ਨਗਰ ਕੌਂਸਲ ਅਧਿਕਾਰੀਆਂ ਦਾ ਧੰਨਵਾਦ ਕੀਤਾ ਹੌਟ ਪ੍ਰੀਮਿਕਸ ਮਿਕਸਚਰ ਪਵਾਈ ਗਈ ਹੈ ਜਿਸਦੀ ਮਿਆਦ ਹੋਰਨਾਂ ਨਾਲੋ ਵੱਧ ਹੁੰਦੀ ਹੈ। ਕੌਂਸਲਰ ਰਾਜੀ ਨੇ ਦੱਸਿਆ ਕਿ ਇਸ ਸੜਕ ਦੇ ਦੋਹੇ ਪਾਸੇ 2.5 -2.5 ਫੁੱਟ ਬਰਮ ਵਧਾਈ ਗਈ ਹੈ ਜਿਸ ਨਾਲ ਸੜਕ ਦੀ ਚੌੜਾਈ 5 ਫੁੱਟ ਤਕ ਵੱਧ ਗਈ ਹੈ। 56 ਲੱਖ ਦੀ ਲਾਗਤ ਨਾਲ ਇਹ ਸੜਕ ਬਣਕੇ ਤਿਆਰ ਹੋਈ ਹੈ।