ਨਵੀਂ ਦਿੱਲੀ : ਇਲੈਕਟ੍ਰਿਕ ਦੋਪਹੀਆ ਵਾਹਨ ਨਿਰਮਾਤਾ ਓਲਾ ਇਲੈਕਟ੍ਰਿਕ ਦੀ ਮੋਟਰਸਾਈਕਲ 'ਰੋਡਸਟਰ ਐਕਸ+' ਨੂੰ ਸਰਕਾਰੀ ਪ੍ਰਮਾਣੀਕਰਣ ਪ੍ਰਾਪਤ ਹੋ ਗਿਆ ਹੈ ਅਤੇ ਹੁਣ ਸਪਲਾਈ ਸ਼ੁਰੂ ਹੋ ਜਾਵੇਗੀ। ਕੰਪਨੀ ਨੇ ਮੰਗਲਵਾਰ ਨੂੰ ਇੱਕ ਬਿਆਨ ਵਿੱਚ ਕਿਹਾ ਕਿ 'ਰੋਡਸਟਰ ਐਕਸ+' (9.1 kWh) ਨੂੰ ਸਰਕਾਰੀ ਟੈਸਟਿੰਗ ਏਜੰਸੀ, ਮਾਨੇਸਰ ਵਿੱਚ ਇੰਟਰਨੈਸ਼ਨਲ ਸੈਂਟਰ ਫਾਰ ਆਟੋਮੋਟਿਵ ਟੈਕਨਾਲੋਜੀ (ICAT) ਦੁਆਰਾ ਕੇਂਦਰੀ ਮੋਟਰ ਵਾਹਨ ਨਿਯਮ (CMVR), 1989 ਦੇ ਤਹਿਤ ਮਨਜ਼ੂਰੀ ਦੇ ਦਿੱਤੀ ਗਈ ਹੈ। ਬਿਆਨ ਵਿੱਚ ਕਿਹਾ ਗਿਆ ਹੈ "ਇਸ ਪ੍ਰਮਾਣੀਕਰਣ ਦੇ ਨਾਲ, ਓਲਾ ਇਲੈਕਟ੍ਰਿਕ ਹੁਣ 'ਰੋਡਸਟਰ ਐਕਸ+' (9.1 kWh) ਦੀ ਸਪਲਾਈ ਸ਼ੁਰੂ ਕਰ ਦੇਵੇਗਾ" ।
ਇਹ ਇੱਕ ਵੱਡਾ ਮੀਲ ਪੱਥਰ ਹੈ ਕਿਉਂਕਿ ਇਹ ਭਾਰਤ ਵਿੱਚ ਪੂਰੀ ਤਰ੍ਹਾਂ (ਇਨ-ਹਾਊਸ) ਵਿਕਸਤ 4680 ਭਾਰਤ ਸੈੱਲ ਬੈਟਰੀ ਪੈਕ ਨਾਲ ਪ੍ਰਮਾਣਿਤ ਹੋਣ ਵਾਲਾ ਪਹਿਲਾ ਇਲੈਕਟ੍ਰਿਕ ਮੋਟਰਸਾਈਕਲ ਬਣ ਗਿਆ ਹੈ। ਓਲਾ ਇਲੈਕਟ੍ਰਿਕ ਦੇ ਬੁਲਾਰੇ ਨੇ ਕਿਹਾ 'ਰੋਡਸਟਰ ਐਕਸ+' ਦਾ ਸਰਕਾਰੀ ਪ੍ਰਮਾਣੀਕਰਣ ਭਾਰਤ ਵਿੱਚ ਪੂਰੀ ਇਲੈਕਟ੍ਰਿਕ ਵਾਹਨ ਤਕਨਾਲੋਜੀ ਬਣਾਉਣ ਵੱਲ ਓਲਾ ਇਲੈਕਟ੍ਰਿਕ ਦੇ ਸਫ਼ਰ ਵਿੱਚ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ "।