ਅੱਜ ਯਾਨੀ 1 ਮਾਰਚ ਤੋਂ ਮੈਸੇਜਿੰਗ ਐਪਸ ਲਈ ਸਿਮ ਬਾਈਡਿੰਗ (Sim Binding) ਦਾ ਨਵਾਂ ਨਿਯਮ ਲਾਗੂ ਹੋਣ ਜਾ ਰਿਹਾ ਹੈ, ਜਿਸ ਦਾ ਸਿੱਧਾ ਅਸਰ ਵਟਸਐੱਪ (WhatsApp), ਟੈਲੀਗ੍ਰਾਮ (Telegram) ਅਤੇ ਸਿਗਨਲ (Signal) ਦੀ ਵਰਤੋਂ ਕਰਨ ਵਾਲੇ ਯੂਜ਼ਰਸ 'ਤੇ ਪਵੇਗਾ। ਸਰਕਾਰ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਇਸ ਨਿਯਮ ਨੂੰ ਲਾਗੂ ਕਰਨ 'ਚ ਹੁਣ ਕੋਈ ਦੇਰੀ ਨਹੀਂ ਕੀਤੀ ਜਾਵੇਗੀ।
ਕੀ ਹੈ ਸਿਮ ਬਾਈਡਿੰਗ ਨਿਯਮ?
ਇਸ ਨਵੇਂ ਨਿਯਮ ਅਨੁਸਾਰ, ਤੁਹਾਡਾ ਮੈਸੇਜਿੰਗ ਐਪ ਕੇਵਲ ਉਦੋਂ ਹੀ ਕੰਮ ਕਰੇਗਾ ਜਦੋਂ ਤੁਹਾਡੇ ਫ਼ੋਨ 'ਚ ਉਹੀ ਸਿਮ ਐਕਟਿਵ (Active) ਹੋਵੇਗੀ, ਜਿਸ ਨੰਬਰ 'ਤੇ ਉਹ ਐਪ ਰਜਿਸਟਰਡ ਹੈ। ਜੇਕਰ ਤੁਸੀਂ ਫ਼ੋਨ 'ਚ ਕੋਈ ਹੋਰ ਸਿਮ ਰੱਖੀ ਹੈ ਅਤੇ ਵਟਸਐੱਪ ਕਿਸੇ ਦੂਜੇ ਨੰਬਰ ਨਾਲ ਚਲਾ ਰਹੇ ਹੋ, ਤਾਂ ਤੁਹਾਡੀ ਐਪ ਕੰਮ ਕਰਨਾ ਬੰਦ ਕਰ ਸਕਦੀ ਹੈ। ਇਹ ਨਿਯਮ ਉਨ੍ਹਾਂ ਲੋਕਾਂ ਲਈ ਮੁਸ਼ਕਲ ਖੜ੍ਹੀ ਕਰ ਸਕਦਾ ਹੈ ਜੋ ਸੈਕੰਡਰੀ ਨੰਬਰਾਂ ਰਾਹੀਂ ਵਟਸਐਪ ਚਲਾਉਂਦੇ ਹਨ।
ਆਪਣੇ ਵਟਸਐਪ ਨੂੰ ਬੰਦ ਹੋਣ ਤੋਂ ਕਿਵੇਂ ਬਚਾਈਏ?
ਯੂਜ਼ਰਸ ਕੋਲ ਇਸ ਸਮੱਸਿਆ ਦੇ ਹੱਲ ਲਈ 2 ਮੁੱਖ ਵਿਕਲਪ ਹਨ:
ਸਿਮ ਬਦਲਣਾ: ਜਿਸ ਨੰਬਰ 'ਤੇ ਵਟਸਐਪ ਚੱਲ ਰਿਹਾ ਹੈ, ਉਹੀ ਸਿਮ ਆਪਣੇ ਫ਼ੋਨ 'ਚ ਪਾ ਲਓ।
ਅਕਾਊਂਟ ਸ਼ਿਫਟ ਕਰਨਾ: ਜੇਕਰ ਸਿਮ ਬਦਲਣਾ ਸੰਭਵ ਨਹੀਂ ਹੈ, ਤਾਂ ਤੁਸੀਂ ਆਪਣੇ ਵਟਸਐਪ ਅਕਾਊਂਟ ਨੂੰ ਮੌਜੂਦਾ ਪ੍ਰਾਇਮਰੀ ਨੰਬਰ 'ਤੇ ਟਰਾਂਸਫਰ ਕਰ ਸਕਦੇ ਹੋ।
ਅਕਾਊਂਟ ਸ਼ਿਫਟ ਕਰਨ ਦਾ ਤਰੀਕਾ (Step-by-Step):
- ਸਭ ਤੋਂ ਪਹਿਲਾਂ ਵਟਸਐਪ ਦੀ Settings 'ਚ ਜਾਓ।
- Account ਵਿਕਲਪ 'ਤੇ ਕਲਿੱਕ ਕਰੋ ਅਤੇ ਫਿਰ Change Number ਨੂੰ ਚੁਣੋ।
- Next ਦਬਾ ਕੇ ਪਹਿਲਾਂ ਆਪਣਾ ਪੁਰਾਣਾ ਨੰਬਰ (ਜਿਸ 'ਤੇ ਵਟਸਐੱਪ ਚੱਲ ਰਿਹਾ ਹੈ) ਅਤੇ ਫਿਰ ਨਵਾਂ ਪ੍ਰਾਇਮਰੀ ਨੰਬਰ ਦਰਜ ਕਰੋ।
- ਇਸ ਤੋਂ ਬਾਅਦ ਤੁਸੀਂ ਚੁਣ ਸਕਦੇ ਹੋ ਕਿ ਆਪਣੇ ਸੰਪਰਕਾਂ (Contacts) ਨੂੰ ਨਵੇਂ ਨੰਬਰ ਬਾਰੇ ਸੂਚਿਤ ਕਰਨਾ ਹੈ ਜਾਂ ਨਹੀਂ।
- Done 'ਤੇ ਕਲਿੱਕ ਕਰਦੇ ਹੀ ਵੈਰੀਫਿਕੇਸ਼ਨ ਤੋਂ ਬਾਅਦ ਤੁਹਾਡਾ ਅਕਾਊਂਟ ਨਵੇਂ ਨੰਬਰ 'ਤੇ ਸ਼ਿਫਟ ਹੋ ਜਾਵੇਗਾ।
ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ
- ਅਕਾਊਂਟ ਸ਼ਿਫਟ ਕਰਨ ਤੋਂ ਪਹਿਲਾਂ ਆਪਣੀਆਂ ਚੈਟਾਂ ਅਤੇ ਵੀਡੀਓਜ਼ ਦਾ ਬੈਕਅੱਪ (Backup) ਜ਼ਰੂਰ ਲੈ ਲਓ।
- ਪ੍ਰਕਿਰਿਆ ਦੌਰਾਨ ਤੁਹਾਡੇ ਦੋਵੇਂ ਨੰਬਰ ਐਕਟਿਵ ਹੋਣੇ ਚਾਹੀਦੇ ਹਨ।
- ਨਵੇਂ ਨੰਬਰ 'ਤੇ ਸ਼ਿਫਟ ਹੋਣ ਤੋਂ ਬਾਅਦ ਚੈਟ ਬੈਕਅੱਪ ਆਪਸ਼ਨ ਨੂੰ ਦੁਬਾਰਾ ਆਨ ਕਰਨਾ ਨਾ ਭੁੱਲੋ।