ਨਵਾਂਸ਼ਹਿਰ (ਮਨੋਰੰਜਨ ਕਾਲੀਆ) : ਇੱਥੋਂ ਨਜ਼ਦੀਕ ਪ੍ਰਸਿੱਧ ਪਿੰਡ ਬਰਨਾਲਾ ਕਲਾਂ ਵਿਖੇ ਭਗਤ ਪੂਰਨ ਸਿੰਘ ਲੋਕ ਸੇਵਾ ਟਰਸੱਟ ਵਲੋਂ ਗੁਰਦਵਾਰਾ ਸਾਧ ਸੰਗਤ ਵਿਖੇ 14ਵਾਂ ਸਲਾਨਾ ਖੂਨਦਾਨ ਕੈਂਪ ਆਯੋਜਿਤ ਕੀਤਾ ਗਿਆ। ਕੈਂਪ ਦਾ ਉਦਘਾਟਨ ਟਰਸੱਟ ਦੇ ਚੇਅਰਮੈਨ ਹਰਪ੍ਰਭਮਹਿਲ ਸਿੰਘ ਵਲੋਂ ਖੁਦ ਖੂਨਦਾਨ ਕਰਕੇ ਕੀਤਾ ਗਿਆ। ਬੀ.ਡੀ.ਸੀ ਬਲੱਡ ਸੈਂਟਰ ਨਵਾਂਸ਼ਹਿਰ ਦੀ ਤਕਨੀਕੀ ਟੀਮ ਨੇ ਡਾਕਟਰ ਅਜੇ ਬੱਗਾ ਦੀ ਅਗਵਾਈ ਵਿੱਚ ਸਵੈ-ਇਛੁੱਕ ਖੂਨਦਾਨੀਆਂ ਤੋਂ ਖੂਨ ਦੇ 40 ਯੂਨਿਟ ਪ੍ਰਾਪਤ ਕੀਤੇ । ਖੂਨਦਾਨੀਆਂ ਨੂੰ ਸਨਮਾਨਿਤ ਕਰਨ ਤੇ ਸਰਟੀਫਿਕੇਟ ਭੇਟ ਕਰਨ ਦੀ ਰਸਮ ਟਰੱਸਟ ਦੇ ਮੈਂਬਰਾਂ ਵਲੋਂ ਨਿਭਾਈ ਗਈ ਵਲੰਟੀਅਰ ਮਹਿਲਾਵਾਂ ਨੂੰ ਆਪਣੀ ਤਰਫੋਂ ਜੀ.ਐਸ.ਤੂਰ ਨੇ ਵਿਸ਼ੇਸ਼ ਸਨਮਾਨ ਚਿੰਨ ਭੇਟ ਕੀਤੇ। ਇਸ ਮੌਕੇ ਹਰਪ੍ਰਭਮਹਿਲ ਸਿੰਘ ਨੇ ਦੱਸਿਆ ਕਿ ਟਰਸੱਟ ਨੇ ਭਗਤ ਪੂਰਨ ਸਿੰਘ ਜੀ ਵਲੋਂ ਵਿਖਾਏ ਮਾਰਗ ਦਰਸ਼ਨ ਤੇ ਚੱਲਦਿਆਂ ਲੋਕ ਭਲਾਈ ਦੇ ਬਹੁਤ ਸਾਰੇ ਪ੍ਰੋਜੈਕਟਾਂ ਤੇ ਕੰਮ ਜਾਰੀ ਰੱਖਿਆ ਹੋਇਆ ਹੈ। ਜਿਸ ਵਿੱਚ ਖ਼ੂਨਦਾਨ ਕੈਂਪਾਂ ਤੋਂ ਇਲਾਵਾ ਅੱਖਾਂ ਦੇ ਮੁਫਤ ਕੈਂਪ, ਸਿਲਾਈ ਟ੍ਰੇਨਿੰਗ ਕੋਰਸ, ਪਿੰਡ ਨੂੰ ਸੜ੍ਹਕ ਸੁਰਖਿੱਆ ਜਾਗਰੂਕਤਾ ਵਾਸਤੇ ਰੋਲ ਮਾਡਲ ਬਣਾਉਣਾ, ਵਾਤਾਵਰਣ ਨੂੰ ਸ਼ੁੱਧ ਕਰਨ ਦੇ ਯਤਨਾਂ ਵਜੋਂ ਬੂਟੇ ਲਗਾਉਣੇ ਤੇ ਵੰਡਣੇ , ਲੋੜਵੰਦਾਂ ਦੀ ਮਦੱਦ ਦੀ ਪਹਿਚਾਣ ਅਤੇ ਮਦੱਦ ਆਦਿ ਪ੍ਰਮੁੱਖ ਹਨ। ਕੈੱਪ ਵਿੱਚ ਹਰਪ੍ਰਭਮਹਿਲ ਸਿੰਘ, ਜੀ.ਐਸ.ਤੂਰ, ਜੇ.ਐਸ.,ਗਿੱਦਾ, ਡਾ.ਅਜੇ ਬੱਗਾ, ਸੁੱਖਰਾਜ ਸਿੰਘ ਤੂਰ, ਚੈਨ ਸਿੰਘ, ਮਹਿੰਦਰ ਸਿੰਘ ਦੁਆਬਾ ਮਾਰਬਲ, ਮਨਜੀਤ ਸਿੰਘ, ਸਤਸਰੂਪ ਸਿੰਘ, ਸੁੱਚਾ ਸਿੰਘ, ਅਵਤਾਰ ਸਿੰਘ, ਗੁਰਜੋਤ ਸਿੰਘ, ਭਾਈ ਜਸਪਾਲ ਸਿੰਘ, ਸੁੱਚਾ ਸਿੰਘ ਅਤੇ ਸੰਗਤਾਂ ਹਾਜਰ ਸਨ। ਇਸ ਦੌਰਾਨ ਗੁਰੂ ਦੇ ਅਤੁੱਟ ਲੰਗਰਾਂ ਦੀ ਸੇਵਾ ਵੀ ਜਾਰੀ ਰਹੀ।