ਮੁੰਬਈ : ਬਾਲੀਵੁੱਡ ਸਟਾਰ ਸੰਨੀ ਦਿਓਲ ਇਨੀਂ ਦਿਨੀਂ ਬੈਕ-ਟੂ-ਬੈਕ ਹਿੱਟ ਪ੍ਰੋਜੈਕਟਾਂ ਕਾਰਨ ਛਾਏ ਹੋਏ ਹਨ। 'ਬਾਰਡਰ 2' ਦੀ ਸ਼ਾਨਦਾਰ ਸਫਲਤਾ ਤੋਂ ਬਾਅਦ ਹੁਣ ਸੰਨੀ ਦੇ ਪ੍ਰਸ਼ੰਸਕਾਂ ਦੀਆਂ ਨਜ਼ਰਾਂ ਉਨ੍ਹਾਂ ਦੀ ਅਗਲੀ ਫਿਲਮ 'ਗੱਬਰੂ' 'ਤੇ ਟਿਕੀਆਂ ਹੋਈਆਂ ਹਨ। ਤਾਜ਼ਾ ਜਾਣਕਾਰੀ ਅਨੁਸਾਰ ਇਹ ਫਿਲਮ 8 ਮਈ ਨੂੰ ਦੇਸ਼ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹੈ।
ਸੰਨੀ ਦੇ ਦਿਲ ਦੇ ਬੇਹੱਦ ਕਰੀਬ ਹੈ 'ਗੱਬਰੂ'
ਇੱਕ ਇੰਟਰਵਿਊ ਦੌਰਾਨ ਸੰਨੀ ਦਿਓਲ ਨੇ ਖੁਦ ਖੁਲਾਸਾ ਕੀਤਾ ਕਿ 'ਗੱਬਰੂ' ਉਨ੍ਹਾਂ ਦੇ ਦਿਲ ਦੇ ਸਭ ਤੋਂ ਕਰੀਬੀ ਪ੍ਰੋਜੈਕਟਾਂ ਵਿੱਚੋਂ ਇੱਕ ਹੈ। ਸ਼ਸ਼ਾਂਕ ਉਦਾਪੁਰਕਰ ਦੇ ਨਿਰਦੇਸ਼ਨ ਹੇਠ ਬਣੀ ਇਹ ਫਿਲਮ ਹਿੰਮਤ, ਪਛਾਣ ਅਤੇ ਲਚਕੀਲੇਪਨ (Resilience) ਦੇ ਵਿਸ਼ਿਆਂ 'ਤੇ ਅਧਾਰਤ ਹੈ। ਫਿਲਮ ਵਿੱਚ ਸੰਨੀ ਦੇ ਨਾਲ ਸਿਮਰਨ ਅਤੇ ਪ੍ਰੀਤ ਕਮਾਨੀ ਵੀ ਅਹਿਮ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ।
ਸੰਗੀਤ ਦੀ ਦੁਨੀਆ ਦੇ ਵੱਡੇ ਨਾਮ ਜੁੜੇ
ਫਿਲਮ ਦੇ ਸੰਗੀਤ ਨੂੰ ਲੈ ਕੇ ਵੀ ਕਾਫੀ ਚਰਚਾ ਹੈ। 'ਗੱਬਰੂ' ਵਿੱਚ ਮਿੱਥੂਨ ਵਲੋਂ ਤਿਆਰ ਕੀਤੀਆਂ ਧੁਨਾਂ ਹੋਣਗੀਆਂ, ਜਦਕਿ ਗੀਤਾਂ ਦੇ ਬੋਲ ਸਤਿੰਦਰ ਸਰਤਾਜ, ਸਈਦ ਕਾਦਰੀ ਅਤੇ ਅਨੁਰਾਗ ਸੈਕੀਆ ਵਰਗੇ ਦਿੱਗਜਾਂ ਨੇ ਲਿਖੇ ਹਨ। ਫਿਲਮ ਨੂੰ ਪੀਵੀਆਰ ਆਈਨੋਕਸ (PVR INOX) ਪਿਕਚਰਜ਼ ਵੱਲੋਂ ਦੇਸ਼ ਭਰ ਵਿੱਚ ਡਿਸਟ੍ਰੀਬਿਊਟ ਕੀਤਾ ਜਾਵੇਗਾ। ਸੰਨੀ ਦਿਓਲ ਅੱਜਕੱਲ੍ਹ ਆਪਣੀ ਹਾਲੀਆ ਰਿਲੀਜ਼ ਹੋਈ ਫਿਲਮ 'ਬਾਰਡਰ 2' ਦੀ ਸਫਲਤਾ ਦਾ ਜਸ਼ਨ ਮਨਾ ਰਹੇ ਹਨ, ਜਿਸ ਵਿੱਚ ਉਨ੍ਹਾਂ ਨਾਲ ਦਿਲਜੀਤ ਦੋਸਾਂਝ ਅਤੇ ਵਰੁਣ ਧਵਨ ਵਰਗੇ ਸਿਤਾਰੇ ਨਜ਼ਰ ਆਏ ਸਨ।