ਖਰੜ — ਪ੍ਰੀਤ ਪੱਤੀ: ਸ਼੍ਰੀ ਰਾਧਾ ਕਿਸ਼ੋਰੀ ਕ੍ਰਿਪਾ ਮੰਡਲ ਵੱਲੋਂ ਦੁਸ਼ਹਿਰਾ ਗਰਾਉਂਡ ਖਰੜ ਵਿਖੇ ਆਯੋਜਿਤ ਰਸ ਮਹਾਂ-ਉਤਸਵ ਦੌਰਾਨ ਪ੍ਰਸਿੱਧ ਭਜਨ ਗਾਇਕ ਚਿੱਤਰ ਵਿਚਿੱਤਰ ਬਿਹਾਰੀ ਦਾਸ ਜੀ ਨੇ ਆਪਣੀ ਸੁਰੀਲੀ ਤੇ ਭਗਤੀਮਈ ਆਵਾਜ਼ ਨਾਲ ਅਜਿਹਾ ਰੰਗ ਜਮਾਇਆ ਕਿ ਪੂਰਾ ਪੰਡਾਲ ਭਗਤੀ ਦੇ ਰਸ ਵਿੱਚ ਡੁੱਬ ਗਿਆ। ਸ਼੍ਰੀ ਕ੍ਰਿਸ਼ਨ–ਰਾਧਾ ਰਾਣੀ ਦੇ ਭਜਨਾਂ ਨਾਲ ਉਨ੍ਹਾਂ ਨੇ ਐਸੀ ਰੂਹਾਨੀ ਲਹਿਰ ਪੈਦਾ ਕੀਤੀ ਕਿ ਸ਼ਰਧਾਲੂ ਭਾਵਾਂ ਵਿੱਚ ਝੂਮ ਉੱਠੇ।
ਸਮਾਗਮ ਦੀ ਸ਼ੁਰੂਆਤ “ਬੋਲੋ ਵਰਿੰਦਾਵਨ ਬਿਹਾਰੀ ਲਾਲ ਕੀ ਜੈ” ਭਜਨ ਨਾਲ ਹੋਈ, ਜਿਸ ਨੇ ਮਾਹੌਲ ਨੂੰ ਭਗਤੀ ਦੇ ਰੰਗ ਨਾਲ ਭਰ ਦਿੱਤਾ।
ਇਸ ਤੋਂ ਬਾਅਦ ਗਾਏ ਗਏ "ਮੇਰੀ ਵਿਨਤੀ ਯਹੀ ਹੈ ਰਾਧਾ ਰਾਨੀ, " ਦਮ ਆਵੇ ਨਾ ਆਵੇ, “ਮੋਰ ਪੰਖ ਵਾਲਾ ਮਿਲ ਗਿਆ” ਅਤੇ “ਕਾਲੀ ਕਮਲੀ ਵਾਲਾ ਮੇਰਾ ਯਾਰ ਹੈ” ਵਰਗੇ ਭਜਨਾਂ ਤੇ ਸੈਂਕੜੇ ਸ਼ਰਧਾਲੂ ਨੱਚਣ ਅਤੇ ਝੂਮਣ ਲਈ ਮਜਬੂਰ ਹੋ ਗਏ। ਹਰ ਪਾਸੇ ਭਾਵਨਾ, ਰਸ ਅਤੇ ਭਗਤੀ ਦਾ ਸੁੰਦਰ ਮੇਲ ਦਿਖਾਈ ਦਿੱਤਾ।
ਇਸ ਤੋਂ ਪਹਿਲਾਂ ਪੂਜਨੀਕ ਸ੍ਰੀ ਚੰਦਰ ਕਾਂਤ ਜੀ ਅਖਿਲ ਭਾਰਤੀ ਗੌਕਥਾਵਾਚਕ ਵੱਲੋਂ ਗਊ ਕਥਾ ਰਾਹੀਂ ਸ਼ਰਧਾਲੂਆਂ ਨੂੰ ਉਨ੍ਹਾਂ ਦੇ ਜੀਵਨ ਵਿੱਚ ਗਊ ਕਥਾ ਦਾ ਮਹੱਤਵ ਬਾਰੇ ਜਾਣੂ ਕਰਵਾ।
ਇਸ ਮੌਕੇ ‘ਤੇ ਏਡੀਜੀਪੀ ਪੰਜਾਬ ਅਜੇ ਕੁਮਾਰ ਪਾਂਡੇ, ਕਾਂਗਰਸੀ ਆਗੂ ਗੁਰਪ੍ਰਤਾਪ ਸਿੰਘ ਪਡਿਆਲਾ, ਨਗਰ ਕੌਂਸਲ ਖਰੜ ਦੀ ਪ੍ਰਧਾਨ ਅੰਜੂ ਚੰਦਰ ਅਤੇ ਪ੍ਰਿੰਸੀਪਲ ਜਸਵੀਰ ਚੰਦਰ , ਖੁਸ਼ਵੰਤ ਰਾਏ ਗੀਗਾ ਬੀਜੇਪੀ ਆਗੂ , ਨਰਿੰਦਰ ਰਾਣਾ ਬੀਜੇਪੀ ਆਗੂ , ਅਮਰੀਕ ਸਿੰਘ ਹੈਪੀ ਬੀਜੇਪੀ ਆਗੂ ਨੇ ਵੀ ਸ਼ਿਰਕਤ ਕੀਤੀ। ਉਨ੍ਹਾਂ ਨੇ ਰਸ ਮਹਾਂ-ਉਤਸਵ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ ਕਿ ਇਸ ਤਰ੍ਹਾਂ ਦੇ ਆਧਿਆਤਮਿਕ ਸਮਾਰੋਹ ਸਮਾਜ ਵਿੱਚ ਪਿਆਰ, ਭਾਈਚਾਰਾ ਅਤੇ ਸਕਾਰਾਤਮਕਤਾ ਨੂੰ ਵਧਾਉਂਦੇ ਹਨ।ਸ਼੍ਰੀ ਰਾਧਾ ਕਿਸ਼ੋਰੀ ਕ੍ਰਿਪਾ ਮੰਡਲ ਦੇ ਸੇਵਾਦਾਰਾਂ ਚੋਂ ਪਰਮਿੰਦਰ ਸੇਠੀ ਨੇ ਦੱਸਿਆ ਕਿ ਇਸ ਉਤਸਵ ਦਾ ਮੁੱਖ ਉਦੇਸ਼ ਭਗਤੀ, ਸੱਭਿਆਚਾਰ ਅਤੇ ਭਾਈਚਾਰੇ ਦੀ ਭਾਵਨਾ ਨੂੰ ਮਜ਼ਬੂਤ ਕਰਨਾ ਹੈ। ਸ਼ਰਧਾਲੂਆਂ ਲਈ ਅਟੁੱਟ ਲੰਗਰ ਵੀ ਵਰਤਾਇਆ ਗਿਆ ਅਤੇ ਸਮਾਪਤੀ ‘ਤੇ ਸ਼ਰਧਾਲੂਆਂ ਨੂੰ ਪ੍ਰਸਾਦ ਵੰਡਿਆ ਗਿਆ।