ਕਾਕਾਮੀਗਾਹਾਰਾ : ਡਰੈਗ ਫਲਿਕਰ ਦੀਪਿਕਾ ਦੇ ਸ਼ਾਨਦਾਰ 9 ਗੋਲਾਂ ਦੀ ਬਦੌਲਤ ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਏਸ਼ੀਆਈ ਖੇਡਾਂ ਵਿੱਚ ਆਪਣਾ ਬੇਮਿਸਾਲ ਪ੍ਰਦਰਸ਼ਨ ਜਾਰੀ ਰੱਖਦਿਆਂ ਬੁੱਧਵਾਰ ਨੂੰ ਪੂਲ-ਬੀ ਦੇ ਮੈਚ ਵਿੱਚ ਥਾਈਲੈਂਡ ਨੂੰ 20-1 ਨਾਲ ਕਰਾਰੀ ਹਾਰ ਦਿੱਤੀ। ਭਾਰਤ ਲਈ ਦੀਪਿਕਾ ਨੇ (ਦੂਜੇ, 8ਵੇਂ, 9ਵੇਂ, 24ਵੇਂ, 33ਵੇਂ, 36ਵੇਂ, 39ਵੇਂ, 51ਵੇਂ ਅਤੇ 57ਵੇਂ ਮਿੰਟ) ਵਿੱਚ 9 ਗੋਲ ਦਾਗੇ।
ਤਜਰਬੇਕਾਰ ਫਾਰਵਰਡ ਨਵਨੀਤ ਕੌਰ ਨੇ ਚਾਰ (4ਵੇਂ, 29ਵੇਂ, 35ਵੇਂ ਅਤੇ 51ਵੇਂ ਮਿੰਟ) ਅਤੇ ਰੁਤੂਜਾ ਪਿਸਾਲ ਨੇ ਤਿੰਨ (10ਵੇਂ, 11ਵੇਂ ਅਤੇ 47ਵੇਂ ਮਿੰਟ) ਗੋਲ ਕੀਤੇ। ਇਸ ਤੋਂ ਇਲਾਵਾ ਤਜਰਬੇਕਾਰ ਮਿਡਫੀਲਡਰ ਨੇਹਾ (19ਵੇਂ), ਲਾਲਰੇਮਸੀਆਮੀ (26ਵੇਂ), ਸਾਕਸ਼ੀ ਰਾਣਾ (29ਵੇਂ) ਅਤੇ ਕਪਤਾਨ ਸਲੀਮਾ ਟੇਟੇ (45ਵੇਂ ਮਿੰਟ) ਨੇ ਇੱਕ-ਇੱਕ ਗੋਲ ਕੀਤਾ। ਥਾਈਲੈਂਡ ਲਈ ਇੱਕੋ-ਇੱਕ ਗੋਲ 49ਵੇਂ ਮਿੰਟ ਵਿੱਚ ਇੰਪਾ ਕੁੰਜੀਰਾ ਨੇ ਕੀਤਾ।
ਇਸ ਤੋਂ ਪਹਿਲਾਂ ਵੀ ਭਾਰਤ ਨੇ ਆਪਣੇ ਪਿਛਲੇ ਮੈਚਾਂ ਵਿੱਚ ਸ਼ਾਨਦਾਰ ਜਿੱਤ ਦਰਜ ਕਰਦਿਆਂ ਉਜ਼ਬੇਕਿਸਤਾਨ ਨੂੰ 19-0 ਅਤੇ ਥਾਈਲੈਂਡ ਨੂੰ 17-1 ਨਾਲ ਹਰਾਇਆ ਸੀ।