ਨਵਾਂਸ਼ਹਿਰ (ਮਨੋਰੰਜਨ ਕਾਲੀਆ)- .ਬੀਤੀ ਰਾਤ ਪਿੰਡ ਕੁੱਲਪੁਰ ਵਿੱਚ ਆਪਣੇ ਖੇਤਾ ਤੋ ਵਾਪਸ ਆ ਰਹੇ ਇਕ ਨੌਜਵਾਨ ਨੂੰ ਤਿੰਨ ਮੋਟਰਸਾਈਕਿਲਾ ਤੇ ਸਵਾਰ ਪੰਜ ਵਿਆਕਤੀ ਨੇ ਘੇਰ ਕੇ ਗੋਲੀਆ ਮਾਰ ਕੇ ਮੌਤ ਦੇ ਘਾਟ ਉਤਾਰ ਦਿੱਤਾ | ਪੁਲਿਸ ਨੇ ਪੰਜ ਲੋਕਾ ਦੇ ਖਿਲਾਫ ਮਾਮਲਾ ਦਰਜ ਕਰਕੇ ਤਫਤੀਸ਼ ਸ਼ੁਰੂ ਕਰ ਦਿੱਤੀ ਹੈ | ਮਿ੍ਤਕ ਨੌਜਵਾਨ ਤੇ ਵੀ ਸੱਤ ਅਪਰਾਧਿਕ ਮਾਮਲੇ ਦਰਜ ਹਨ | ਦੂਸਰੇ ਪਾਸੇ ਸ਼ੋਸ਼ਲ ਮੀਡੀਆ ਅਕਾਉਟ ਪੋਸਟ ਪਾ ਕੇ ਬੰਬੀਹਾ ਗਰੁੱਪ ਨੇ ਕਥਿਤ ਤੌਰ ਤੇ ਇਸ ਮਾਮਲੇ ਦੀ ਜਿੰਮੇਵਾਰੀ ਲਈ ਹੈ |
ਬਲਾਚੌਰ ਦੇ ਡੀਐਸਪੀ ਸ਼ਾਮ ਸੁੰਦਰ ਸ਼ਰਮਾ ਨੇ ਦੱਸਿਆ ਕਿ ਪਿੰਡ ਕੁੱਲਪੁਰ ਨਿਵਾਸੀ ਹਰਦੀਪ ਸਿੰਘ ਦੀਪਾ (37) ਆਪਣੀ ਪਤਨੀ ਦੇ ਨਾਲ ਖੇਤਾ ਵਿੱਚ ਪੱਠੇ ਵੱਢ ਰਿਹਾ ਸੀ | ਜਦ ਉਹ ਆਪਣੀ ਸਕੂਟਰੀ ਪੱਢਿਆ ਦੀ ਭਰੀ ਘਰ ਛੱਡਣ ਜਾ ਰਿਹਾ ਸੀ ਤਾਂ ਰਾਸਤੇ ਵਿੱਚ ਤਿੰਨ ਮੋਟਰਸਾਈਕਿਲਾ ਤੇ ਸਵਾਰ ਪੰਜ ਨੌਜਵਾਨਾ ਨੇ ਉਸਨੂੰ ਘੇਰ ਕੇ ਉਸ ਉੱਤੇ ਗੋਲੀਆ ਚਲਾ ਦਿੱਤੀਆ | ਉਸਨੂੰ ਤੁਰੰਤ ਇਲਾਜ ਦੇ ਲਈ ਸਿਵਿਲ ਹਸਪਤਾਲ ਗੜਸ਼ੰਕਰ ਲਿਆਦਾ ਗਿਆ ਜਿਥੇ ਡਾਕਟਰਾ ਨੇ ਉਸਨੂੰ ਮਿ੍ਤਕ ਐਲਾਨ ਕਰ ਦਿੱਤਾ | ਦੱਸਿਆ ਜਾ ਰਿਹਾ ਹੈ ਕਿ ਦੀਪੇ ਦੇ ਉਪਰ ਕਰੀਬ ਇਕ ਦਰਜਨ ਗੋਲੀਆ ਚਲਾਈਆ ਗਈਆ | ਦੀਪਾ ਆਪਣੇ ਪਿੱਛੇ ਪਤਨੀ ,ਦੋ ਬੇਟੀਆ ਤੇ ਇਕ ਬੇਟਾ ਛੱਡ ਗਿਆ ਹੈ | ਪੁਲਿਸ ਨੇ ਦੀਪੇ ਦੀ ਭਰਾ ਸੰਦੀਪ ਸਿੰਘ ਦੇ ਬਿਆਨਾ ਤੇ ਪੰਜ ਲੋਕਾ ਦੇ ਖਿਲਾਫ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ |