ਖਰੜ (ਪ੍ਰੀਤ ਪ੍ਰੀਤ) : ਫਰੈਡਜ਼ ਫੌਰਐਵਰ ਵੈੱਲਫੇਅਰ ਸੁਸਾਇਟੀ ਰਜਿ ਖਰੜ ਮੁਹਾਲੀ ਵੱਲੋਂ ਪੰਜਾਬ ਪੁਲਿਸ ਦੇ ਰਿਟਾਇਰਡ ਅਧਿਕਾਰੀਆਂ ਨਾਲ ਮਿਲ ਕੇ ਸਰਕਾਰੀ ਪ੍ਰਾਇਮਰੀ ਸਕੂਲ ਪਿੰਡ ਸ਼ਾਮਪੁਰ ਦੇ 70 ਵਿਦਿਆਰਥੀਆਂ ਨੂੰ ਨਵੇਂ ਗਰਮ ਟ੍ਰੈਕ ਸੂਟ ਵੰਡੇ ਗਏ। ਸੁਸਾਇਟੀ ਦੇ ਪ੍ਰਧਾਨ ਸ. ਜਸਵਿੰਦਰ ਸਿੰਘ ਤੇ ਸ਼੍ਰੀ ਦਰਸ਼ਨ ਕੁਮਾਰ ਬੱਗਾ ਜੀ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਉਹਨਾਂ ਨੂੰ ਸਕੂਲ਼ ਦੇ ਅਧਿਆਪਕਾਂ ਵੱਲੋਂ ਸਕੂਲ਼ ਦੇ ਸਾਰੇ ਵਿਦਿਅਰਥੀਆਂ ਲਈ ਗਰਮ ਟ੍ਰੈਕ ਸੂਟ ਦੀ ਮੰਗ ਕੀਤੀ ਗਈ ਸੀ। ਇਸ ਮੰਗ ਨੂੰ ਮੁੱਖ ਰੱਖਦੇ ਹੋਏ ਪੁਲਿਸ ਦੇ ਸੇਵਾਮੁਕਤ ਅਧਿਕਾਰੀਆਂ ਨਾਲ਼ ਮਿਲ ਕੇ ਬੱਚਿਆਂ ਲਈ ਸੂਟ ਤੇ ਖਾਣ ਪੀਣ ਦਾ ਸਮਾਨ ਵੰਡਿਆ ਗਿਆ ਹੈ। ਇਸ ਮੌਕੇ ਤੇ ਸ਼੍ਰੀ ਆਰ. ਕੇ.ਸ਼ਰਮਾ, ਸ੍ਰੀ ਜਗਦੀਸ਼ ਚੰਦ , ਸ਼੍ਰੀ ਪਰਦੀਪ ਕੁਮਾਰ ਬਿੱਟੂ, ਸ. ਰਘਬੀਰ ਸਿੰਘ,ਸ. ਕਰਮਜੀਤ ਸਿੰਘ, ਸ. ਅਮਰਜੀਤ ਸਿੰਘ, ਸ. ਜਸਪਾਲ ਸਿੰਘ, ਸ. ਕੁਲਦੀਪ ਸਿੰਘ, ਸ਼੍ਰੀ ਅਸ਼ੋਕ ਪਾਲ ਤੋਂ ਇਲਾਵਾ ਸਕੂਲ਼ ਦਾ ਸਾਰਾ ਸਟਾਫ਼ ਹਾਜ਼ਿਰ ਸੀ।