ਚੰਡੀਗੜ੍ਹ/ਮਾਲੇਰਕੋਟਲਾ : ਪੰਜਾਬ ਦੇ ਸਾਬਕਾ DGP ਮੁਹੰਮਦ ਮੁਸਤਫਾ ਦੇ ਖਿਲਾਫ਼, ਉਨ੍ਹਾਂ ਦੇ ਪੁੱਤਰ ਅਕੀਲ ਅਖਤਰ ਦੀ ਮੌਤ ਦੇ ਮਾਮਲੇ 'ਚ, ਹੱਤਿਆ ਦੀ FIR ਦਰਜ ਕਰਵਾਉਣ ਵਾਲੇ ਸ਼ਮਸ਼ੂਦੀਨ ਚੌਧਰੀ (Shamshuddin Chaudhary) ਦੀਆਂ ਮੁਸ਼ਕਿਲਾਂ ਵਧਦੀਆਂ ਨਜ਼ਰ ਆ ਰਹੀਆਂ ਹਨ। ਮਾਲੇਰਕੋਟਲਾ ਦੇ ਅਨਵਰ ਮਹਿਬੂਬ ਨਾਂ ਦੇ ਵਿਅਕਤੀ ਨੇ ਬੁੱਧਵਾਰ (12 ਨਵੰਬਰ) ਨੂੰ CBI ਅਤੇ ਪੰਜਾਬ ਵਿਜੀਲੈਂਸ ਬਿਊਰੋ ਨੂੰ ਇੱਕ ਸ਼ਿਕਾਇਤ ਸੌਂਪੀ ਹੈ, ਜਿਸ ਵਿੱਚ ਸ਼ਮਸ਼ੂਦੀਨ 'ਤੇ 'ਦਲਾਲ' ਹੋਣ ਅਤੇ ਬੇਨਾਮੀ ਜਾਇਦਾਦ ਰੱਖਣ ਦੇ ਗੰਭੀਰ ਦੋਸ਼ ਲਗਾਏ ਗਏ ਹਨ।
"ਸ਼ਮਸ਼ੂਦੀਨ DIG ਭੁੱਲਰ ਦਾ 'ਦਲਾਲ' ਸੀ"
ਸ਼ਿਕਾਇਤਕਰਤਾ ਅਨਵਰ ਮਹਿਬੂਬ ਨੇ ਦੋਸ਼ ਲਾਇਆ ਹੈ ਕਿ ਸ਼ਮਸ਼ੂਦੀਨ ਚੌਧਰੀ, Suspended DIG ਹਰਚਰਨ ਭੁੱਲਰ (Harcharan Bhullar) ਲਈ "ਦਲਾਲੀ" ਕਰਦਾ ਸੀ। ਸ਼ਿਕਾਇਤ 'ਚ ਕਿਹਾ ਗਿਆ ਹੈ ਕਿ ਜਦੋਂ ਹਰਚਰਨ ਭੁੱਲਰ ਸਾਲ 2011 ਤੋਂ 2013 ਤੱਕ ਸੰਗਰੂਰ ਦੇ SSP ਤਾਇਨਾਤ ਸਨ, ਉਦੋਂ ਸ਼ਮਸ਼ੂਦੀਨ ਨੇ ਉਨ੍ਹਾਂ ਲਈ ਇਹ ਕੰਮ ਕੀਤਾ। ਦੋਸ਼ ਹੈ ਕਿ ਸ਼ਮਸ਼ੂਦੀਨ, SSP ਭੁੱਲਰ ਦੇ ਘਰ "ਕਬਾਬ ਪਹੁੰਚਾਉਣ ਦਾ ਕੰਮ" ਵੀ ਕਰਦਾ ਸੀ।
ਖਾਤਿਆਂ ਦੀ ਜਾਂਚ ਦੀ ਮੰਗ
ਸ਼ਿਕਾਇਤਕਰਤਾ ਅਨਵਰ ਮਹਿਬੂਬ ਨੇ ਕਿਹਾ ਕਿ ਜੇਕਰ CBI ਸ਼ਮਸ਼ੂਦੀਨ ਚੌਧਰੀ ਦੇ ਬੈਂਕ ਖਾਤਿਆਂ ਦੀ ਜਾਂਚ ਕਰੇਗੀ, ਤਾਂ "ਸਾਰਾ ਕੁਝ ਕਲੀਅਰ ਹੋ ਜਾਵੇਗਾ"। ਉਨ੍ਹਾਂ ਦੋਸ਼ ਲਾਇਆ ਕਿ ਸ਼ਮਸ਼ੂਦੀਨ ਕੋਲ ਵੱਡੇ ਪੱਧਰ 'ਤੇ ਬੇਨਾਮੀ ਜਾਇਦਾਦ ਹੈ ਅਤੇ ਉਸਦੀਆਂ ਕਈ ਕੰਪਨੀਆਂ ਦੂਜਿਆਂ ਦੇ ਨਾਂ 'ਤੇ ਚੱਲ ਰਹੀਆਂ ਹਨ।