ਖਰੜ (ਪ੍ਰੀਤ ਪੱਤੀ) : ਅੱਜ ਪੈਨਸ਼ਨਰਜ਼ ਭਲਾਈ ਸੰਸਥਾ (ਰਜਿ) ਖਰੜ ਦੀ ਮੀਟਿੰਗ ਗੁਰਦੁਆਰਾ ਦਸਮੇਸ਼ ਨਗਰ ਖਰੜ ਵਿਖੇ ਸ੍ਰੀ ਰਾਮ ਕਿਸ਼ਨ ਧੁੰਨਕੀਆ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਹੋਈ । ਜਿਸ ਵਿਚ ਸ੍ਰੀ ਧੁੰਨਕੀਆ ਜੀ ਵਲੋਂ ਮੁਲਾਜ਼ਮਾਂ ਅਤੇ ਪੈਨਸ਼ਨਰਾਂ ਲਈ ਵਰਤੀ ਜਾ ਰਹੇ ਮਾੜੀ ਕਾਰਗੁਜ਼ਾਰੀ ਅਤੇ ਪੰਜਾਬ ਰੋਡਵੇਜ/ਪੀ ਆਰ ਟੀ ਸੀ ਦੇ ਮੁਲਾਜ਼ਮਾਂ ਦੀ ਕੀਤੀ ਜਾ ਰਹੀ ਹੜਤਾਲ ਦੌਰਾਨ ਕੁੱਟ ਮਾਰ ਦੀ ਨਿੰਦਾ ਕੀਤੀ ਅਤੇ ਸਰਕਾਰ ਵਿਰੁੱਧ ਸਖ਼ਤ ਸਘੰਰਸ਼ ਲਈ ਜਥੇਬੰਦੀਆਂ ਦਾ ਸਾਥ ਦੇਣ ਦਾ ਪ੍ਰਣ ਕੀਤਾ । ਇਸ ਤੋਂ ਇਲਾਵਾ ਮਿਤੀ 21/12/25 ਨੂੰ ਪੈਨਸ਼ਨਰਜ਼ ਦਿਵਸ ਮਨਾਉਣ ਲਈ ਪ੍ਰੋਗਰਾਮ ਵੀ ਉਲੀਕਿਆ ਗਿਆ ਜਿਸ ਵਿਚ ਪੈਨਸ਼ਨਰਜ਼ ਜ਼ੋ 75 ਸਾਲ ਉਮਰ ਭੋਗ ਚੁੱਕੇ ਹਨ ਉਨ੍ਹਾਂ ਨੂੰ ਸਨਮਾਨਿਤ ਕਰਨ ਦਾ ਵੀ ਫੈਸਲਾ ਕੀਤਾ ਗਿਆ ।ਅੱਜ ਦੀ ਮੀਟਿੰਗ ਵਿੱਚ ਸਰਵ ਸ੍ਰੀ ਜੁਗਿੰਦਰ ਸਿੰਘ ਮਾਨਖੇੜੀ , ਗੁਣਵੰਤ ਸਿੰਘ ਸਰੌਂ , ਮਹਿੰਦਰ ਸਿੰਘ ਖੋਖਰ, ਧਰਮ ਸਿੰਘ, ਬਲਦੇਵ ਸਿੰਘ ਭੂਲਰ, ਦਰਸ਼ਨ ਸਿੰਘ , ਜਰਨੈਲ ਸਿੰਘ , ਬਹਾਦਰ ਸਿੰਘ , ਰਣਧੀਰ ਸਿੰਘ ਪ੍ਰਧਾਨ, ਕੁਰਾਲੀ ,ਇੰਦਰਜੀਤ ਸਿੰਘ, ਕੁਲਦੀਪ ਸਿੰਘ,ਰਜਿਦੰਰ ਸਿੰਘ ਘੜੂੰਆਂ, ਮੋਹਨ ਸਿੰਘ , ਸਵਰਨ ਸਿੰਘ,ਸੁਦਾਗਰ ਸਿੰਘ ਕੋਮਲ ਅਤੇ ਬੀਬੀ ਬਲਬੀਰ ਕੌਰ ਸ਼ਾਮਲ ਸਨ।