ਨਵਾਸ਼ਹਿਰ (ਮਨੋਰੰਜਨ ਕਾਲੀਆ) : ਬੀਤੀ ਦੇਰ ਰਾਤ ਨਵਾਂਸ਼ਹਿਰ ਦੇ ਇਕ ਕਰਿਆਨਾ ਵਪਾਰੀ ਦਾ ਤੇਜਧਾਰ ਹਥਿਆਰਾ ਨਾਲ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਗਿਆ | ਉਸਦੀ ਲਾਸ਼ ਬਲਾਚੌਰ ਦੀ ਇਕ ਸੜਕ ਤੋ ਆਪਦੀ ਕਾਰ ਵਿੱਚ ਟੁੱਕ ਵੱਢ ਕੀਤੇ ਹਾਲਾਤਾ ਵਿੱਚ ਮਿਲੀ | ਪੁਲਿਸਨੇ ਅਣਪਛਾਤੇ ਲੋਕਾ ਦੇ ਖਿਲਾਫ ਕਤਲ ਦਾ ਮਾਮਲਾ ਦਰਜ ਕਰਕੇ ਛਾਣਬੀਣ ਸ਼ੁਰੂ ਕਰ ਦਿੱਤੀ ਹੈ |
ਪ੍ਰਾਪਤ ਜਾਣਕਾਰੀ ਅਨੁਸਾਰ ਰੇਲਵੇ ਰੋਡ ਤੇ ਕਰਿਆਨਾ ਦੀ ਦੁਕਾਨ ਕਰਨੇ ਵਾਲੇ ਵਪਾਰੀ ਅਤੇ ਵਪਾਰ ਮੰਡਲ ਨਵਾਸ਼ਹਿਰ ਦੇ ਵਾਈਸ ਪ੍ਰਧਾਨ ਰਵੀ ਸੋਬਤੀ ਬੀਤੀ ਦੇਰ ਸ਼ਾਮ ਆਪਣੇ ਕਾਰ ਵਿੱਚ ਆਪਣੇ ਘਰ ਕੰਮ ਕਰਦੀ ਔਰਤ ਨੂੰ ਪਿੰਡ ਮਹਾਲੌ ਲੈਣ ਗਏ ਸੀ | ਜਦ ਕਾਫੀ ਸਮੇ ਬਾਦ ਉਹ ਘਰ ਵਾਪਸ ਨਹੀ ਆਏ ਤਾਂ ਘਰਦਿਆ ਨੇ ਉਸਦੀ ਭਾਲ ਸ਼ੁਰੂ ਕੀਤੀ | ਉਸਦਾ ਫੋਨ ਬੰਦ ਆ ਰਿਹਾ ਸੀ | ਇਸ ਤੋ ਬਾਦ ਘਰਦਿਆ ਨੇ ਇਸਦੀ ਸੂਚਨਾ ਪੁਲਿਸ ਨੂੰ ਦਿੱਤੀ | ਪੁਲਿਸ ਨੇ ਉਸਦੀ ਮੋਬਾਇਲ ਲੋਕੇਸ਼ਨ ਬਲਾਚੌਰ ਇਲਾਕੇ ਵਿੱਚ ਪਾਈ | ਜਦੋ ਪੁਲਿਸ ਤੇ ਘਰ ਦੇ ਪੁਲਿਸ ਲੋਕੇਸ਼ਨ ਵਾਲੀ ਸਾਈਡ ਤੇ ਪਹੁੰਚੇ ਤਾਂ ਉਸਦੀ ਕਾਰ ਵਿੱਚ ਬੁਰੀ ਤਰਾ ਨਾਲ ਵੱਢ ਟੁੱਕ ਕੀਤੀ ਹੋਈ ਲਾਸ਼ ਪਈ ਸੀ | ਦੱਸਿਆ ਜਾਦਾ ਹੈ ਕਿ ਲਾਸ਼ ਨੂੰ ਕਥਿਤ ਤੌਰ ਤੇ ਸਾੜਨ ਦੀ ਵੀ ਕੋਸ਼ਿਸ਼ ਕੀਤੀ ਗਈ | ਸੂਤਰ ਦੱਸਦੇ ਹਨ ਕਿ ਇਸ ਮਾਮਲੇ ਵਿੱਚ ਪੁਲਿਸ ਨੇ ਕੁਝ ਲੋਕਾ ਨੂੰ ਪੁੱਛਗਿਛ ਲਈ ਹਿਰਾਸਤ ਵਿੱਚ ਲਿਆ ਹੈ | ਪੁਲਿਸ ਦੇ ਆਲਾ ਅਧਿਕਾਰੀਆ ਦਾ ਕਹਿਣਾ ਹੈ ਕਿ ਪੁਲਿਸ ਹੱਥ ਕੁਝ ਸੁਰਾਗ ਮਿਲੇ ਹਨ | ਜਲਦ ਹੀ ਕਤਲ ਦੀ ਇਸ ਗੁੱਥੀ ਨੂੰ ਸੁਲਝਾਇਆ ਜਾਵੇਗਾ | ਬਲਾਚੌਰ ਪੋਸਟ ਮਾਰਟ ਦੇ ਬਾਦ ਲਾਸ਼ ਵਾਰਿਸਾ ਦੇ ਹਵਾਲੇ ਕਰ ਦਿੱਤੀ ਗਈ | ਇਥੇ ਇਹ ਜਿਕਰਯੋਗ ਹੈ ਕਿ ਕੁਝ ਦਿਨ ਪਹਿਲਾ ਹੀ ਰੇਲਵੇ ਰੋਡ ਨਜਦੀਕ ਇਕ ਵਪਾਰੀ ਦੀ ਦੁਕਾਨ ਦੇ ਫਾਇਰਿੰਗ ਹੋਈ ਸੀ | ਅਜੇ ਇਹ ਮਸਲਾ ਹੱਲ ਨਹੀ ਹੋਇਆ ਵਪਾਰੀ ਦੇ ਇਸ ਕਤਲ ਤੋ ਬਾਦ ਵਪਾਰੀ ਵਰਗ ਵਿੱਚ ਭਾਰੀ ਰੋਸ਼ ਹੈ | ਉਨਾ ਨੇ ਪੁਲਿਸ ਤੋ ਲਾਅ ਆਰਡਰ ਦੀ ਸਥਿਤੀ ਨੂੰ ਸੁਧਾਰਨੇ ਦੀ ਮੰਗ ਕੀਤੀ ਹੈ |