ਖਰੜ (ਪ੍ਰੀਤ ਪੱਤੀ) : ਭਾਰਤੀ ਜਨਤਾ ਪਾਰਟੀ ਦੇ ਜਿਲਾ ਸੀਨੀਅਰ ਮੀਤ ਪ੍ਰਧਾਨ ਮੋਹਾਲੀ ਪਵਨ ਮਨੋਚਾ ਵੱਲੋਂ ਪ੍ਰਸ਼ਾਸਨ ਕੋਲੋਂ ਕਈ ਸਾਲਾਂ ਤੋਂ ਮੰਗ ਕੀਤੀ ਜਾ ਰਹੀ ਹੈ ਕਿ ਓਮ ਇਨਕਲਾਬ ਸੋਸਾਇਟੀ ਨਿੱਜਰ ਚੌਕ ਵਿਖੇ ਕਈ ਸਾਲਾਂ ਤੋਂ ਘਰਾਂ ਦੇ ਵਿੱਚ ਬਰਸਾਤ ਪੈਣ ਦੇ ਕਾਰਨ ਤੇ ਹੋਰ ਪਿੰਡਾਂ ਦਾ ਪਾਣੀ ਕਈ ਸਾਲਾਂ ਤੋਂ ਤਿੰਨ ਤਿੰਨ ਫੁੱਟ ਘਰ ਵਿੱਚ ਪਾਣੀ ਵੜ ਜਾਂਦਾ ਹੈ ਜਿਸ ਦੇ ਕਾਰਨ ਖਾਣ ਪੀਣ ਦਾ ਸਮਾਨ ਅਤੇ ਗਰਾਊਂਡ ਫਲੋਰ ਵਿੱਚ ਬੈਡ,ਸੋਫੇ ਹਰੇਕ ਸਾਲ ਖਰਾਬ ਹੋ ਜਾਂਦੇ ਹਨ ਪਰ ਪ੍ਰਸ਼ਾਸਨ ਇਸ ਵੱਲ ਕਦੇ ਵੀ ਉਚੇਚੇ ਤੌਰ ਤੇ ਧਿਆਨ ਨਹੀਂ ਦੇ ਰਿਹਾ ਕਿਉਂਕਿ ਜਦੋਂ ਤਿੰਨ ਤਿੰਨ ਚਾਰ ਚਾਰ ਫੁੱਟ ਪਾਣੀ ਘਰਾਂ ਵਿੱਚ ਆਇਆ ਹੁੰਦਾ ਹੈ ਹਰੇਕ ਸਾਲ ਐਸ.ਡੀ.ਐਮ. ਸਾਹਿਬ, ਈ.ਓ. ਸਾਹਿਬ ਅਤੇ ਕਮੇਟੀ ਦੇ ਕਰਮਚਾਰੀ ਦੇਖ ਕੇ ਚਲੇ ਜਾਂਦੇ ਹਨ ਕਿ ਅਗਲੇ ਸਾਲ ਨੂੰ ਇਸ ਦਾ ਪ੍ਰਬੰਧ ਕੀਤਾ ਜਾਵੇਗਾ ਕਿ ਪਾਣੀ ਅਗਲੀ ਵਾਰ ਨਹੀਂ ਆਵੇਗਾ ਜਦੋਂ ਕਿ ਪਹਿਲਾਂ ਤਾਂ ਖਾਲੀ ਦੇਸੂਮਾਜਰੇ ਦਾ ਹੀ ਪਾਣੀ ਆਉਂਦਾ ਸੀ ਹੁਣ ਹਾਈਵੇ ਦਾ ਪਾਣੀ ਵੀ ਇਸ ਸੋਸਾਇਟੀ ਦੇ ਨੇੜੇ ਹੀ ਗੇੜ ਦਿੱਤਾ ਗਿਆ ਹੈ ਉਹ ਸਾਰਾ ਪਾਣੀ ਥੋੜੀ ਬਾਰਿਸ਼ ਪੈਣ ਕਾਰਨ ਓਮ ਇਨਕਲਾਬ ਵਿੱਚ ਵੜ ਜਾਂਦਾ ਹੈ ।ਇਸਦਾ ਵਾਰ ਵਾਰ ਐਸ.ਡੀ.ਐਮ. ਸਾਹਿਬ ਨੂੰ ਵੀ ਮੰਗ ਪੱਤਰ ਦਿੱਤਾ ਗਿਆ ਅਤੇ ਦੋ ਸਾਲਾਂ ਵਿਚ ਹਰ ਵਾਰ ਸਾਨੂੰ ਭਰੋਸਾ ਦਵਾਇਆ ਗਿਆ ਕਿ ਇਸ ਦਾ ਬਜਟ ਪਾਸ ਹੋ ਚੁੱਕਾ ਹੈ। ਪ੍ਰੰਤੂ ਨਾ ਹੀ ਅਜੇ ਕੋਈ ਕੰਮ ਸ਼ੁਰੂ ਕੀਤਾ ਨਾ ਹੀ ਅੱਗੇ ਕੋਈ ਇਸਦਾ ਹੱਲ ਕੱਢਿਆ ਜਾ ਰਿਹਾ ਹੈ ਲੇਕਿਨ ਸਮੱਸਿਆ ਦਿਨ ਪ੍ਰਤੀ ਦਿਨ ਵੱਧਦੀ ਹੀ ਜਾ ਰਹੀ ਹੈ ਹੁਣ ਜੋ ਕਿ ਦੇਸੂਮਾਜਰੇ ਦੀ ਪੁਲੀ ਰਾਹੀ ਪਾਰਸ ਇਨਕਲੇਵ ਅਤੇ ਪਾਲਮ ਇਨਕਲੇਵ ਦਾ ਪਾਣੀ ਵੀ ਆ ਰਿਹਾ ਹੈ । ਮੇਰੀ ਪ੍ਰਸ਼ਾਸਨ ਅੱਗੇ ਬੇਨਤੀ ਹੈ ਕਿ ਇਸ ਵਾਰ ਇਸਦਾ ਜਲਦ ਤੋਂ ਜਲਦ ਧਿਆਨ ਕੀਤਾ ਜਾਵੇ ਸਾਨੂੰ ਆਪਣੀਆਂ ਬਿਲਡਿੰਗਾਂ ਦਾ ਬਹੁਤ ਹੀ ਡਰ ਹੈ ਕਿਉਂਕਿ ਪਾਣੀ ਹਮੇਸ਼ਾ ਹੀ ਦੋ ਦੋ ਫੁੱਟ ਬਿਲਡਿੰਗਾਂ ਵਿੱਚ ਖੜਾ ਰਹਿੰਦਾ ਹੈ ਕਈ ਸਾਲਾਂ ਤੋਂ ਪ੍ਰਸ਼ਾਸਨ ਆ ਕੇ ਚੱਕਰ ਲਗਾ ਕੇ ਚਲ ਜਾਂਦਾ ਹੈ ਲੇਕਿਨ ਪ੍ਰਸ਼ਾਸਨ ਵੱਲੋਂ , ਨਗਰ ਕੌਂਸਲ ਖਰੜ ਵੱਲੋਂ ਨਾਹੀ ਨੈਸ਼ਨਲ ਹਾਈਵੇ ਵਲੋਂ ਇਸ ਸੋਸਾਇਟੀ ਵੱਲ ਕਦੇ ਵੀ ਧਿਆਨ ਨਹੀਂ ਦਿੱਤਾ ਜਾਂਦਾ।
ਉਨ੍ਹਾਂ ਵੱਲੋਂ ਚਿਤਾਵਨੀ ਦਿੱਤੀ ਗਈ ਹੈ ਕਿ ਬਰਸਾਤਾਂ ਦੌਰਾਨ ਓਮ ਇਨਕਲੇਵ ਵਿਚ ਕਿਸੇ ਵੀ ਨਾਗਰਿਕ ਦਾ ਜਾਨੀ ਤੇ ਮਾਲੀ ਨੁਕਸਾਨ ਹੁੰਦਾ ਹੈ ਤਾਂ , ਇਸ ਦੀ ਜਿੰਮੇਵਾਰੀ ਸਿੱਧੀ ਤੌਰ ਤੇ ਪ੍ਰਸ਼ਾਸਨ ਅਤੇ ਨਗਰ ਕੌਂਸਲ ਉੱਤੇ ਹੋਵੇਗੀ। ਜੇਕਰ ਹੁਣ ਥੋੜੇ ਦਿਨਾਂ ਵਿੱਚ ਇਸ ਸੋਸਾਇਟੀ ਵੱਲ ਧਿਆਨ ਨਾ ਦਿੱਤਾ ਤਾਂ ਪ੍ਰਸ਼ਾਸਨ ਦੇ ਖਿਲਾਫ ਹਾਈ ਕੋਰਟ ਵਿੱਚ ਰਿੱਟ ਪਾ ਦਿੱਤੀ ਜਾਵੇਗੀ ਜਿਸ ਦੇ ਵਿੱਚ ਪਾਰਟੀਆਂ ਐਸ.ਡੀ.ਐਮ. ਸਾਹਿਬ , ਈ.ਓ. ਸਾਹਿਬ ਨਗਰ ਕੌਂਸਲ ਖਰੜ ਅਤੇ ਨੈਸ਼ਨਲ ਹਾਈਵੇ ਅਥਾਰਟੀ ਨੂੰ ਬਣਾਇਆ ਜਾਵੇਗਾ ਕਿਉਂਕਿ ਪਾਣੀ ਵੀ ਇਨਾ ਜਿਆਦਾ ਹਰ ਵਕਤ ਖੜਾ ਰਹਿੰਦਾ ਹੈ ਜਿਸ ਦੇ ਕਾਰਨ ਮੱਛਰ ਅਤੇ ਹੋਰ ਵੀ ਜ਼ਹਿਰੀਲੇ ਜਾਨਵਰ ਉੱਥੇ ਹਰ ਵਕਤ ਮੌਜੂਦ ਰਹਿੰਦੇ ਹਨ । ਕਿਰਪਾ ਕਰਕੇ ਜਲਦ ਤੋ ਜਲਦ ਇਸ ਵੱਲ ਧਿਆਨ ਦਿੱਤਾ ।