ਐਂਟੀ ਡਰੱਗ ਫਾਉਂਡੇਸ਼ਨ ਐਨ.ਜੀ.ਓ ਵਲ੍ਹੋਂ ਖਰੜ ਵਿਖੇ ਪੰਜਾਬ ਨਸ਼ਾ ਮੁਕਤੀ ਜਾਗਰੁਕਤਾ ਅਭਿਆਨ ਤਹਿਤ ਰੈਲੀ ਕੱਢੀ ਗਈ।

ਪ੍ਰੀਤ ਪੱਤੀ

ਖਰੜ -ਐਂਟੀ ਡਰੱਗ ਫਾਉਂਡੇਸ਼ਨ ਐਨ.ਜੀ.ਓ ਵਲ੍ਹੋਂ ਖਰੜ ਵਿਖੇ ਪੰਜਾਬ ਨਸ਼ਾ ਮੁਕਤੀ ਜਾਗਰੁਕਤਾ ਅਭਿਆਨ ਤਹਿਤ ਰੈਲੀ ਕੱਢੀ ਗਈ।ਨਸ਼ਿਆਂ ਦੇ ਵਿਰੁੱਧ ਰੈਲੀ ਵਿੱਚ ਵੱਖ-ਵੱਖ ਪਾਰਟੀਆਂ ਦੇ ਅਹੁਦੇਦਾਰਾਂ, ਸਮਾਜ ਸੇਵੀ ਸੰਸਥਾਵਾਂ ਅਤੇ ਭਾਰੀ ਗਿਣਤੀ ਵਿੱਚ ਨੌਜਵਾਨਾਂ ਨੇ ਸ਼ਿਰਕਤ ਕੀਤੀ।
"ਨਸ਼ਾ ਪੰਜਾਬ ਵਿੱਚ ਰਹਿਣ ਨਹੀਂ ਦੇਣਾ, ਅਮਲੀ ਕਿਸੇ ਨੂੰ ਕਹਿਣ ਨਹੀਂ ਦੇਣਾ"
ਵਿਸ਼ੇਸ਼ ਨਾਅਰਾ ਨਸ਼ਿਆਂ ਦੇ ਵਿਰੁੱਧ ਰੈਲੀ ਵਿੱਚ ਲਗਾਇਆ ਗਿਆ। ਇਹ ਰੈਲੀ ਸਿਟੀ ਹਾਰਟ ਖਰੜ ਤੋਂ ਹੁੰਦੀ ਹੋਈ ਆਰਿਆ ਕਾਲਜ ਰੋਡ, ਮੇਨ ਬਾਜ਼ਾਰ ਖਰੜ, ਭੁਰੂ ਚੌਂਕ ਤੋਂ ਹੁੰਦੀ ਹੋਈ ਬੱਸ ਸਟੈਂਡ ਖਰੜ ਤੇ ਜਾ ਕੇ ਸਮਾਪਤ ਹੋਈ।

ਐਂਟੀ ਡਰੱਗ ਫਾਉਂਡੇਸ਼ਨ ਨਸ਼ਾ ਮੁਕਤੀ ਜਾਗਰੂਕਤਾ ਅਭਿਆਨ ਰੈਲੀ ਜਿਸ ਵਿੱਚ ਵਿਸ਼ੇਸ਼ ਤੌਰ ਤੇ ਪਹੁੰਚੇ- ਅਮਰੀਕ ਸਿੰਘ ਹੈਪੀ, ਗੁਰਪ੍ਰਤਾਪ ਸਿੰਘ ਪਡਿਆਲਾ, ਮੁਕੇਸ਼ ਚੌਧਰੀ, ਗੁਰਪ੍ਰੀਤ ਘੜੂਆਂ, ਮਨਦੀਪ ਸਿੰਘ ਮੁੰਡੀ ਖਰੜ, ਮਨਰਾਜ ਸਿੰਘ ਮੰਨਾ ਐਮ.ਸੀ. , ਮਨਮੋਹਨ ਸਿੰਘ ਮੋਹਣਾ, ਮਨਮੋਹਨ ਸਿੰਘ ਮਨੀ ਬਿਲਡਰ। ਇਸ ਮੌਕੇ ਵਿਸ਼ੇਸ਼ ਨਾਅਰਾ ਲਗਾਇਆ ਗਿਆ, "ਨਸ਼ਾ ਪੰਜਾਬ ਵਿੱਚ ਰਹਿਣ ਨਹੀਂ ਦੇਣਾ, ਅਮਲੀ ਕਿਸੇ ਨੂੰ ਕਹਿਣ ਨਹੀਂ ਦੇਣਾ "। ਇਸ ਮੌਕੇ ਫੈਡਰੈਸ਼ਨ ਦੇ ਪ੍ਰਧਾਨ ਗੁਰਿੰਦਰ ਸਿੰਘ, ਜਗਮੀਤ ਸਿੰਘ ਖੰਨਾ, ਅਮਨਦੀਪ ਸਿੰਘ ਜਗਰਾਓ ਵੀ ਹਾਜਰ ਸਨ। ਇਸ ਮੌਕੇ ਕੁਲਜਿੰਦਰ ਸਿੰਘ ਗੋਲਾ ਨੂੰ ਮੋਹਾਲੀ ਅਤੇ ਚੰਡੀਗੜ੍ਹ ਦਾ ਪ੍ਰਧਾਨ ਲਗਾਇਆ ਗਿਆ।ਗੁਰਪ੍ਰਤਾਪ ਸਿੰਘ ਪਡਿਆਲਾ ਅਤੇ ਅਮਰੀਕ ਸਿੰਘ ਹੈਪੀ ਵੱਲੋਂ ਸਰੋਪਾ ਪਾ ਕੇ ਪੰਜਾਬ ਦੇ ਪ੍ਰਧਾਨ ਅਤੇ ਜਿਲ੍ਹਾ ਪ੍ਰਧਾਨ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਅਮਰੀਕ ਸਿੰਘ ਹੈਪੀ ਨੇ ਬੋਲਦਿਆਂ ਕਿਹਾ ਕਿ ਪੰਜਾਬ ਵਿੱਚ ਨਸ਼ਾ ਬਹੁਤ ਜਿਆਦਾ ਵੱਧ ਗਿਆ ਹੈ। ਹਰ ਰੋਜ਼ ਨੌਜਵਾਨ ਮੁੰਡੇ ਮਰ ਰਹੇ ਹਨ। ਭਾਵੇਂ ਇਹ ਸਰਕਾਰ ਕੋਸ਼ਿਸ਼ ਤਾਂ ਕਰ ਰਹੀ ਹੈ ਪਰ ਫਿਰ ਵੀ ਕਿਤੇ ਨਾ ਕਿਤੇ ਨਾਕਾਮ ਰਹੀ ਹੈ। ਪੰਜਾਬ ਦੇ ਲੋਕਾਂ ਨੂੰ ਪਿੰਡ ਪੱਧਰ, ਗਲੀ ਮੁਹੱਲੇ ਪੱਧਰ ਤੇ ਨਸ਼ਿਆਂ ਵਿਰੁੱਧ ਹਿੰਮਤ ਕਰਨੀ ਚਾਹੀਦੀ ਹੈ। ਜੇਕਰ ਲੋਕ ਅੱਗੇ ਆਉਣਗੇ ਤਾਂ ਹੀ ਪੰਜਾਬ ਵਿੱਚੋਂ ਨਸ਼ਾ ਖਤਮ ਹੋ ਸਕਦਾ ਹੈ।ਇਸ ਮੌਕੇ ਤੇ ਨੌਜਵਾਨਾਂ ਦਾ ਭਾਰੀ ਇਕੱਠ ਵੇਖਣ ਨੂੰ ਮਿਲਿਆ। ਗੁਰਪ੍ਰਤਾਪ ਸਿੰਘ ਪਡਿਆਲਾ ਵੱਲੋਂ ਕਿਹਾ ਕਿ ਜਿਹੜਾ ਨਸ਼ਾ ਕਰਨ ਵਾਲਾ ਉਹਨੂੰ ਫੜਿਆ ਜਾਂਦਾ ਉਹਦਾ ਘਰ ਤੋੜਿਆ ਜਾਂਦਾ ਪ੍ਰੰਤੂ ਜੋ ਨਸ਼ਾ ਸਪਲਾਈ ਕਰਦਾ ਹੈ। ਜਿਸ ਗਰਾਊਂਡ ਲੈਵਲ ਤੋਂ ਨਸ਼ਾ ਆਉਂਦਾ ਹੈ ਉਸ ਦਾ ਕੋਈ ਵੀ ਧਿਆਨ ਨਹੀਂ ਕੀਤਾ ਜਾਂਦਾ ਅਤੇ ਨਾਹੀ ਕੋਈ ਕਾਰਵਾਈ ਹੁੰਦੀ ਹੈ। ਇਸ ਸਰਕਾਰ ਵੱਲੋਂ ਗਰਾਊਂਡ ਲੈਵਲ ਤੇ ਕੋਈ ਵੀ ਕਾਰਵਾਈ ਨਹੀਂ ਹੁੰਦੀ ਪਰੰਤੂ ਸੋਸ਼ਲ ਮੀਡੀਆ ਤੇ ਵਧਾ ਚੜਾ ਕੇ ਕਾਰਵਾਈ ਦਿਖਾਈ ਜਾਂਦੀ ਹੈ।

ਇਸ ਨਸ਼ਾ ਮੁਕਤੀ ਜਾਗਰੂਕਤਾ ਅਭਿਆਨ ਰੈਲੀ ਵਿੱਚ ਵਿਸ਼ੇਸ਼ ਤੌਰ ਤੇ ਗੁਰਿੰਦਰ ਸਿੰਘ ਪੰਜਾਬ ਪ੍ਰੈਜੀਡੈਂਟ, ਹਰਸ਼ਦੀਪ ਸਿੰਘ ਜਨਰਲ ਸੈਕਟਰੀ ਇੰਡੀਆ, ਜਗਮੀਤ ਸਿੰਘ ਖੰਨਾ ਪ੍ਰੈਜੀਡੈਂਟ , ਅਮਨਦੀਪ ਸਿੰਘ ਜਗਰਾਉ ਪ੍ਰੈਜੀਡੈਂਟ, ਡਾਕਟਰ ਸੰਦੀਪ ਜਨਰਲ ਸੈਕਟਰੀ ਪੰਜਾਬ ਟੀਮ, ਕੁਲਜਿੰਦਰ ਸਿੰਘ ਮੋਹਾਲੀ ਜਿਲ੍ਹਾ ਪ੍ਰੈਜੀਡੈਂਟ, ਸੁਖਪ੍ਰੀਤ ਸਿੰਘ ਵਾਈਸ ਪ੍ਰੈਜੀਡੈਂਟ ਮੋਹਾਲੀ , ਗੁਰਜੰਟ ਸਿੰਘ ਸੀਨੀਅਰ ਵਾਈਸ ਪ੍ਰੈਜੀਡੈਂਟ ਮੋਹਾਲੀ, ਮਨਦੀਪ ਸਿੰਘ ਜਨਰਲ ਸੈਕਟਰੀ ਮੋਹਾਲੀ , ਅਮਨਦੀਪ ਸਿੰਘ ਕੈਸ਼ੀਅਰ ਮੋਹਾਲੀ, ਹਰਮਨ ਮਾਵੀ ਐਡਵਾਈਜ਼ਰ ਮੋਹਾਲੀ ਮੌਕੇ ਤੇ ਹਾਜਰ ਸਨ।