ਰਮੇਸ਼ ਗਰਗ
ਅੱਗਰਵਾਲ ਸਭਾ ਰਜਿ, ਸੁਨਾਮ ਵੱਲੋਂ 17 ਨਵੰਬਰ ਦਿਨ ਸੋਮਵਾਰ ਨੂੰ ਲਗਾਏ ਜਾਣ ਵਾਲੇ ਅੱਖਾਂ ਦੀ ਜਾਂਚ ਤੇ ਅਪ੍ਰੇਸ਼ਨ ਕੈਂਪ ਦੀਆਂ ਤਿਆਰੀਆਂ ਮੁਕੰਮਲ ਹੋ ਗਈਆਂ ਹਨ, ਤਿਆਰੀਆਂ ਦਾ ਜਾਇਜਾ ਲੈਣ ਲਈ ਸਭਾ ਦੀ ਇੱਕ ਵਿਸੇ਼ਸ਼ ਮੀਟਿੰਗ ਪ੍ਰਧਾਨ ਵਿਕਰਮ ਗਰਗ ਵਿੱਕੀ ਦੀ ਪ੍ਰਧਾਨਗੀ ਹੇਠ ਹੋਈ ਜਿਸ ਵਿੱਚ ਤਿਆਰੀਆਂ ਤੇ ਵਿਚਾਰ ਚਰਚਾ ਕੀਤੀ ਗਈ। ਪ੍ਰਧਾਨ ਵਿਕਰਮ ਗਰਗ ਵਿੱਕੀ ਨੇ ਦੱਸਿਆ ਕੇ ਕੈਂਪ ਨੂੰ ਕਾਮਯਾਬ ਕਰਨ ਲਈ ਸਭਾ ਦੇ ਸਾਰੇ ਮੈਂਬਰ ਪੂਰੀ ਮਿਹਨਤ ਕਰ ਰਹੇ ਹਨ, ਇਸ ਸੰਬੰਧੀ ਵੱਖ ਵੱਖ ਕਮੇਟੀਆਂ ਬਣਾ ਕੇ ਉਨ੍ਹਾਂ ਨੂੰ ਜਿਮੇਵਾਰੀ ਦੇ ਦਿੱਤੀ ਗਈ ਹੈ। ਉਨ੍ਹਾਂ ਆਸ ਪ੍ਰਗਟਾਈ ਕੇ ਇਹ ਕੈਂਪ ਬਹੁਤ ਹੀ ਕਾਮਯਾਬ ਰਹਿਣ ਵਾਲਾ ਹੈ ਇਹ ਲਈ ਸਭਾ ਦੇ ਮੈਂਬਰਾਂ ਤੋਂ ਇਲਾਵਾ ਹੋਰ ਭਰਾਵਾਂ ਦਾ ਵੀ ਬਹੁਤ ਸਹਿਯੋਗ ਮਿਲ ਰਿਹਾ ਹੈ। ਉਨ੍ਹਾਂ ਦੱਸਿਆ ਕੇ ਇਹ ਕੈਂਪ ਜਾਖਲ ਰੋਡ ਤੇ ਬਾਲਾ ਜੀ ਰੋਡ ਤੇ ਸਥਿਤ ਚੰਡੀਗੜ੍ਹ ਆਈ ਹਸਪਤਾਲ ਵਿੱਚ ਲਾਇਆ ਜਾ ਰਿਹਾ ਹੈ। ਡਾਕਟਰ ਸੰਦੀਪ ਤਾਇਲ ਜੀ ਅਤੇ ਉਨ੍ਹਾਂ ਨਾਲ ਹੋਰ ਵੀ ਮਾਹਰ ਡਾਕਟਰ ਅੱਖਾਂ ਦੀ ਜਾਂਚ ਕਰਨਗੇ ਤੇ ਲੋੜਵੰਦਾਂ ਨੂੰ ਦਵਾਈਆਂ ਮੁਫਤ ਦਿੱੱਤੀਆਂ ਜਾਣਗੀਆਂ ਅਤੇ ਲੋੜਵੰਦਾਂ ਦੇ ਲੈਂਜ ਵੀ ਮੁਫਤ ਪਾਏ ਜਾਣਗੇ,ਇਹ ਲੈਂਜ ਬਹੁਤ ਹੀ ਵਧੀਆ ਕੁਆਲਟੀ ਦੇ ਅਤੇ ਨਵੀਂ ਤਕਨੀਕ ਨਾਲ ਪਾਏ ਜਾਣਗੇ।
ਕੈਂਪ ਦੇ ਪ੍ਰੋਜੈਕਟ ਚੇਅਰਮੈਨ ਯਸ਼ਪਾਲ ਮੰਗਲਾ ਤੇ ਇੰਜੀ, ਰਾਜੇਸ਼ ਗਰਗ ਨੇ ਦੱਸਿਆ ਕੇ ਕੈਂਪ ਨੂੰ ਕਾਮਯਾਬ ਕਰਨ ਲਈ ਵੱਡੇ ਪੱਧਰ ਤੇ ਪ੍ਰਚਾਰ ਕੀਤਾ ਜਾ ਰਿਹਾ ਹੈ, ਵੱਖ ਵੱਖ ਸੰਸਥਾਵਾਂ, ਨਗਰ ਕੌਸਲਰਾਂ ਅਤੇ ਪਿੰਡਾ ਵਿੱਚ ਗੂਰੁ ਘਰਾਂ ਰਾਹੀਂ ਅਨਾਊਂਸਮੈਂਟ ਕਰਵਾਈ ਗਈ ਹੈ ਅਤੇ ਫਲਕਸਾਂ ਲਗਾਈਆਂ ਗਈਆਂ ਹਨ ਅਤੇ ਸ਼ਹਿਰ ਤੇ ਇਲਾਕੇ ਵਿੱਚ ਮੁਨਾਦੀ ਕਰਵਾਈ ਜਾ ਰਹੀ ਹੈ।
ਕ੍ਰਿਸ਼ਨ ਸੰਦੋਹਾ ਨੇ ਕਿਹਾ ਕਿ ਕੈਂਪ ਨੂੰ ਵੱਡੇ ਪੱਧਰ ਤੇ ਕਾਮਯਾਬ ਕਰਨ ਤੇ ਲੋੜਵੰਦ ਲੋਕਾਂ ਦੀ ਵਧੇਰੇ ਸ਼ਮੂਲੀਅਤ ਲਈ ਸੁਨਾਮ ਤੇ ਦਿੜਬਾ ਹਲਕਿਆਂ ਵਿੱਚ ਪਿੰਡਾਂ ਦੇ ਸਰਪੰਚ ਸਾਹਿਬਾਨਾਂ ਨਾਲ ਵੀ ਫੋਨਾ ਰਾਹੀਂ ਤਾਲਮੇਲ ਕਰਕੇ ਉਨ੍ਹਾਂ ਨੂੰ ਵੀ ਕੈਂਪ ਵਿੱਚ ਵੱਧ ਤੋਂ ਵੱਧ ਲੋਕਾਂ ਦੀ ਸ਼ਮੂਲੀਅਤ ਯਕੀਨੀ ਬਣਾਉਣ ਲਈ ਬੇਨਤੀ ਕੀਤੀ ਗਈ ਹੈ ਉਨ੍ਹਾਂ ਨੇ ਇਸ ਕੰਮ ਲਈ ਪੂਰੀ ਮੱਦਦ ਕਰਨ ਦਾ ਯਕੀਨ ਦੁਆਇਆ ਹੈ। ਇਸ ਮੌਕੇ ਤੇ ਪ੍ਰਧਾਨ ਵਿਕਰਮ ਗਰਗ ਵਿੱਕੀ, ਰਵੀ ਕਮਲ ਗੋਇਲ, ਰਾਜਨ ਹੋਡਲਾ, ਯਸ਼ਪਾਲ ਮੰਗਲਾ, ਇੰਜੀ, ਰਾਜੇਸ਼ ਗਰਗ, ਰਾਮ ਲਾਲ ਰਾਮਾ, ਹਰੀਦੇਵ ਗੋਇਲ, ਕ੍ਰਿਸ਼ਨ ਸੰਦੋਹਾ, ਡਾਕਟਰ ਸੱਤ ਪਾਲ ਗਰਗ, ਯੋਗੇਸ਼ ਗਰਗ, ਸੰਜੀਵ ਕੁਮਾਰ, ਰਾਜੀਵ ਬਿੰਦਲ, ਅਸੋ਼ਕ ਘੋਗਾ, ਕੇਵਲ ਕ੍ਰਿਸ਼ਨ ਮੈਨੇਜਰ, ਆਰ,ਡੀ ਕਾਂਸਲ, ਪਵਨ ਸੈਕਟਰੀ, ਲਾਜਪੱਤ ਰਾਏ ਗਰਗ, ਪ੍ਰਭਾਤ ਜਿੰਦਲ, ਰਾਮ ਲਾਲ ਤਾਇਲ, ਨਰੇਸ਼ ਭੁਟਾਲੀਆ, ਜੀਵਨ ਬਾਂਸਲ ਮੰਜੂ ਗਰਗ ਤੇ ਰਿਧਿਮਾ ਰਾਣੀ ਆਦਿ ਹਾਜਰ ਸਨ।ਇਸ ਮੌਕੇ ਤੇ ਅਗਰਵਾਲ ਸਭਾ ਦੇ ਸਰਗਰਮ ਸਾਥੀਆਂ ਉਘੇ ਪੱਤਰਕਾਰ ਸ੍ਰੀ ਆਰ, ਐਨ, ਕਾਂਸਲ ਅਤੇ ਭਾਜਪਾ ਆਗੂ ਸ਼ਮਸਾ਼ਨ ਭੂੰਮੀ ਕਮੇਟੀ ਦੇ ਪ੍ਰਧਾਨ ਸ੍ਰੀ ਵਿਨੋਦ ਗੁਪਤਾ ਜੀ ਨੂੰ ਦੋ ਮਿੰਟ ਮੋਨ ਰੱਖ ਕੇ ਸ਼ਰਧਾਂਜਲੀ ਭੇਂਟ ਕੀਤੀ ਗਈ,।