ਪ੍ਰੀਤ ਪੱਤੀ
ਖਰੜ - ਭਾਰਤੀ ਜਨਤਾ ਪਾਰਟੀ ਜ਼ਿਲ੍ਹੇ ਮੋਹਾਲੀ ਦੇ ਵਾਈਸ ਪ੍ਰਧਾਨ ਪਵਨ ਮਨੋਚਾ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਹੈ ਕਿ ਸਾਡੇ ਪੰਜਾਬ ਦੇ ਪ੍ਰਭਾਰੀ ਅਤੇ ਸਾਬਕਾ ਸੀਐਮ ਗੁਜਰਾਤ ਸ੍ਰੀ ਵਿਜੇ ਰੂਪਾਨੀ ਜੀ ਸਾਡੇ ਵਿੱਚ ਨਹੀਂ ਰਹੇ । ਸਾਨੂੰ ਬਹੁਤ ਹੀ ਦੁਖ ਹੋਇਆ ਹੈ । ਪੰਜਾਬ ਵਿੱਚ ਉਹਨਾਂ ਨੇ ਬੀਜੇਪੀ ਨੂੰ ਬਹੁਤ ਹੀ ਮਜਬੂਤ ਕੀਤਾ ਹੈ ਅਤੇ ਸਾਨੂੰ ਉਹਨਾਂ ਕੋਲੋਂ ਬਹੁਤ ਕੁਝ ਸਿੱਖਣੇ ਨੂੰ ਮਿਲਿਆ ਹੈ । ਸ੍ਰੀ ਵਿਜੇ ਰੂਪਾਨੀ ਜੀ ਸ਼ਕਤੀ ਕੇਂਦਰ ਇਨਚਾਰਜ ਤੋਂ ਲੈ ਕੇ ਐਮਸੀ ਤੋਂ ਬਾਅਦ ਉਹ ਗੁਜਰਾਤ ਦੇ ਸੀਐਮ ਦੇ ਤੌਰ ਤੇ ਉਹਨਾਂ ਨੇ ਆਪਣੀ ਬਾਗ਼ਡੋਰ ਸੰਭਾਲੀ। ਸ਼੍ਰੀ ਵਿਜੇ ਰੁਪਾਨੀ ਜੀ 1956 ਤੋਂ ਲੈ ਕੇ ਉਹਨਾਂ ਨੇ ਅੱਜ ਤੱਕ ਆਪਣੀ ਸਾਰੀ ਜਿੰਦਗੀ ਬੀਜੇਪੀ ਦੇ ਨਾਮ ਲਗਾ ਦਿੱਤੀ ਅਤੇ ਸ੍ਰੀ ਵਿਜੇ ਰੂਪਾਨੀ ਜੀ ਨੇ ਗੁਜ਼ਰਾਤ ਦੇ ਸੀਐਮ ਹੋਣ ਦੇ ਨਾਤੇ ਵੀ ਆਪਣੀ ਡਿਊਟੀ ਇਮਾਨਦਾਰੀ ਨਾਲ ਨਿਭਾਈ। ਸ੍ਰੀ ਵਿਜੇ ਰੂਪਾਨੀ ਜੀ ਦਾ ਇਹ ਘਾਟਾ ਪੰਜਾਬ ਵਿੱਚ ਅਤੇ ਪੂਰੇ ਭਾਰਤ ਵਿੱਚ ਕਦੇ ਵੀ ਪੂਰਾ ਨਹੀਂ ਹੋ ਸਕਦਾ ।ਪਰਮਾਤਮਾ ਸ੍ਰੀ ਵਿਜੇ ਰੂਪਾਨੀ ਜੀ ਦੀ ਰੂਹ ਨੂੰ ਆਪਣੇ ਚਰਨਾਂ ਨਾਲ ਲਗਾਏ ਰੱਖੇ ਅਤੇ ਉਹਨਾਂ ਦੀ ਆਤਮਾ ਨੂੰ ਸ਼ਾਂਤੀ ਦੇਵੇ।