ਸ਼੍ਰੀਨਗਰ : ਜੰਮੂ ਕਸ਼ਮੀਰ ਦੇ ਮੁੱਖ ਮੰਤਰੀ ਉਮਰ ਅਬਦੁੱਲਾ ਨੇ ਬੁੱਧਵਾਰ ਨੂੰ ਕੇਸਰੀਆ, ਸਫੈਦ ਅਤੇ ਹਰੇ ਰੰਗ ਵਾਲਾ ਤਿਰੰਗਾ ਰਿਬਨ ਦੇਖਣ ਤੋਂ ਬਾਅਦ ਉਸ ਨੂੰ ਕੱਟਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਉਸ ਨੂੰ ਖੋਲ੍ਹ ਕੇ ਆਯੋਜਕਾਂ ਨੂੰ ਵਾਪਸ ਸੌਂਪ ਦਿੱਤਾ ਅਤੇ ਨਿਰਦੇਸ਼ ਦਿੱਤਾ ਕਿ ਇਸ ਨੂੰ ਸਨਮਾਨਪੂਰਵਕ ਰੱਖਿਆ ਜਾਵੇ। ਅਬਦੁੱਲਾ ਇੱਥੇ ਕਸ਼ਮੀਰ ਹਾਟ 'ਚ 'ਆਪਣੀ ਕਲਾ ਸਮਰੱਥਾ ਨੂੰ ਜਾਣਨ' ਪ੍ਰੋਗਰਾਮ ਦਾ ਉਦਘਾਟਨ ਕਰ ਰਹੇ ਸਨ।
ਇਸੇ ਦੌਰਾਨ ਉਹ ਇਕ ਵੀਡੀਓ 'ਚ ਰਿਬਨ ਵੱਲ ਵਧਦੇ ਹੋਏ ਅਤੇ ਉਸ ਕੋਲ ਜਾਣ 'ਤੇ ਉਸ ਦਾ ਤਿਰੰਗਾ ਰੰਗ ਦੇਖ ਕੇ ਰੁਕਦੇ ਹੋਏ ਦੇਖੇ ਜਾ ਸਕਦੇ ਹਨ। ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਪ੍ਰੋਗਰਾਮ 'ਚ ਉਨ੍ਹਾਂ ਨਾਲ ਉੱਪ ਮੁੱਖ ਮੰਤਰੀ ਸੁਰਿੰਦਰ ਚੌਧਰੀ, ਉਨ੍ਹਾਂ ਦੇ ਸਲਾਹਕਾਰ ਨਾਸਿਰ ਅਸਲਮ ਵਾਨੀ ਅਤੇ ਕਈ ਹੋਰ ਲੋਕ ਵੀ ਮੌਜੂਦ ਸਨ। ਰਿਬਨ ਵਾਪਸ ਕਰਨ ਤੋਂ ਬਾਅਦ ਅਬਦੁੱਲਾ ਸ਼ਹਿਰ ਦੇ ਮੱਧ 'ਚ ਸਥਿਤ ਕਸ਼ਮੀਰ ਹਾਟ 'ਚ ਹੋਰ ਗਤੀਵਿਧੀਆਂ ਅਤੇ ਪ੍ਰੋਗਰਾਮਾਂ 'ਚ ਸ਼ਾਮਲ ਹੋਏ।