ਮੁੰਬਈ : ਭਾਰਤ ਦੇ ਸਟਾਰ ਕ੍ਰਿਕਟਰ ਰੋਹਿਤ ਸ਼ਰਮਾ ਨੇ ਅਗਲੇ ਸਾਲ ਹੋਣ ਵਾਲੇ ਵਨ ਡੇ ਵਿਸ਼ਵ ਕੱਪ ’ਚ ਖੇਡਣ ਦੀ ਸੰਭਾਵਨਾ ਬਾਰੇ ਪੁੱਛੇ ਜਾਣ ’ਤੇ ਵੀਰਵਾਰ ਨੂੰ ਇੱਥੇ ਕਿਹਾ ਕਿ ਅਕਤੂਬਰ 2027 ਅਜੇ ਬਹੁਤ ਦੂਰ ਹੈ। ਇੱਥੇ ਇਕ ਪ੍ਰੋਗਰਾਮ ਦੌਰਾਨ ਸਾਬਕਾ ਕਪਤਾਨ ਨੇ ਇਕ ਲਾਈਨ ’ਚ ਜਵਾਬ ਦਿੱਤਾ। ਟੀ-20 ਅੰਤਰਰਾਸ਼ਟਰੀ ਤੇ ਟੈਸਟ ਕ੍ਰਿਕਟ ’ਚ ਨਾ ਖੇਡਣ ਦੇ ਕਾਰਨ ਰੋਹਿਤ ਦੇ ਵਨ ਡੇ ਫਾਰਮੈੱਟ ’ਚ ਭਵਿੱਖ ਨੂੰ ਲੈ ਕੇ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ। ਰੋਹਿਤ ਨੇ ਕਿਹਾ, ‘‘ਅਕਤੂਬਰ 2027 ਅਜੇ ਬਹੁਤ ਦੂਰ ਹੈ, ਤਦ ਦੇਖਾਂਗੇ।’’ ਵਨ ਡੇ ਵਿਸ਼ਵ ਕੱਪ 2027 ਦੀ ਸਾਂਝੀ ਮੇਜ਼ਬਾਨੀ ਦੱਖਣੀ ਅਫਰੀਕਾ, ਜ਼ਿੰਬਾਬਵੇ ਤੇ ਨਾਮੀਬੀਆ ਕਰਨਗੇ।