ਪ੍ਰੀਤ ਪੱਤੀ
ਖਰੜ - ਫਰੈਡਜ਼ ਫੌਰਐਵਰ ਵੈੱਲਫੇਅਰ ਸੁਸਾਇਟੀ (ਰਜਿ) ਖਰੜ ਵੱਲੋਂ ਮਾਤਾ - ਪਿਤਾ/ ਬਜ਼ੁਰਗਾਂ ਦਾ ਸਤਿਕਾਰ ਸਮਾਰੋਹ ਸ਼੍ਰੀ ਰਾਮ ਭਵਨ ਖਰੜ ਵਿਖੇ ਕਰਵਾਇਆ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਸੁਸਾਇਟੀ ਦੇ ਪ੍ਰਧਾਨ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਅੱਜ ਕੱਲ ਦੀ ਭੱਜ ਦੌੜ ਭਰੀ ਜਿੰਦਗੀ ਵਿੱਚ ਬੱਚੇ ਵੱਡੇ ਸਾਰੇ ਮਸਰੂਫ਼ ਰਹਿੰਦੇ ਹਨ। ਪਰਿਵਾਰ ਛੋਟੇ ਹੁੰਦੇ ਹਨ ਤੇ ਘਰ ਵਿੱਚ ਬਜ਼ੁਰਗਾਂ ਨੂੰ ਇਕੱਲਾਪਨ ਮਹਿਸੂਸ ਹੁੰਦਾ ਹੈ।
ਜਿੰਦਗੀ ਦੇ ਇਸ ਮੋੜ ਤੇ ਉਨ੍ਹਾਂ ਨੂੰ ਦੁਨਿਆਵੀ ਸਹੂਲਤਾਂ ਨਾਲੋ ਆਪਣੇ ਬੱਚਿਆ ਵਲੋਂ ਆਦਰ ਸਤਿਕਾਰ ਤੇ ਸਰੀਰਿਕ ਦੇਖ ਰੇਖ਼ ਦੀ ਜਿਆਦਾ ਲੋੜ ਹੁੰਦੀ ਹੈ। ਇਸ ਸੋਚ ਨੂੰ ਮੁੱਖ ਰੱਖਦੇ ਹੋਏ 20 ਪਰਿਵਾਰਾਂ ਦੇ ਬਜ਼ੁਰਗਾਂ ਨੂੰ ਹਾਰ ਪਾ ਕੇ, ਲੋਈ/ਸ਼ਾਲ, ਉਪਹਾਰ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ। ਸਮਾਰੋਹ ਵਿੱਚ ਆਏ ਬਜ਼ੁਰਗ ਬਹੁਤ ਖੁਸ਼ ਸਨ। ਉਹ ਆਪਣੇ ਬੱਚਿਆਂ ਵੱਲੋਂ ਕੀਤੇ ਜਾ ਰਹੇ ਸਮਾਜ ਸੇਵਾ ਦੇ ਕੰਮਾਂ ਤੋਂ ਬਹੁਤ ਖੁਸ਼ੀ ਮਹਿਸੂਸ ਕਰ ਰਹੇ ਸਨ ਤੇ ਉਨ੍ਹਾਂ ਨੇ ਸੰਸਥਾ ਦੇ ਮੈਂਬਰਾਂ ਨੂੰ ਹੋਰ ਤਰੱਕੀ ਕਰਨ ਦਾ ਆਸ਼ੀਰਵਾਦ ਦਿੱਤਾ। ਇਸ ਮੌਕੇ ਤੇ ਕੁਲਵਿੰਦਰ ਸਿੰਘ, ਸਤੀਸ਼ ਕੁਮਾਰ, ਰੇਨੂੰ, ਨਵਨੀਤ ਸਿੰਘ, ਪਰਦੀਪ ਕੁਮਾਰ, ਨੀਲਮ, ਸਤਵੰਤ ਕੌਰ, ਦਿਨੇਸ਼ ਸ਼ਰਮਾ, ਮੀਨੂ ਰਾਣੀ, ਪੂਜਾ ਆਜ਼ਾਦ, ਸ਼ੰਮੀ ਦਰੀਆਲ, ਤਰਨਜੋਤ ਸਿੰਘ ਬੇਦੀ, ਮਨੋਜ ਕੁਮਾਰ, ਵਿਮਲ ਸ਼ਰਮਾ, ਪਰਵਿੰਦਰ ਧੀਮਾਨ, ਤਿਲਕ ਰਾਜ, ਗੁਲਜ਼ਾਰ ਅਹਿਮਦ, ਦਰਸ਼ਨ ਕੁਮਾਰ ਬੱਗਾ, ਨਰਿੰਦਰ ਕੁਮਾਰ, ਮਨਜੀਤ ਬੈਦਵਾਣ, ਹਰਸਿਮਰਨ ਸਿੰਘ, ਗੁਰਲੀਨ ਕੌਰ, ਭਗਵੰਤ ਸਿੰਘ, ਅਨਿਲ ਕੁਮਾਰ ਆਦਿ ਹਾਜ਼ਰ ਸਨ।