ਫਰੈਡਜ਼ ਫੌਰਐਵਰ ਵੈੱਲਫੇਅਰ ਸੁਸਾਇਟੀ (ਰਜਿ ) ਖਰੜ 'ਤੇ ਸ਼ਿਵ ਸ਼ਕਤੀ ਕਲੱਬ ਖਰੜ ਵੱਲੋਂ ਮਿਲ ਕੇ ਮੁਫ਼ਤ ਐਚ ਪੀ ਵੀ ਵੈਕਸੀਨ ਤੇ ਦੰਦਾ ਦੇ ਚੈਕ ਅੱਪ ਦਾ ਮੈਡੀਕਲ ਕੈਂਪ ਲਗਾਇਆ

ਖਰੜ (ਪ੍ਰੀਤ ਪੱਤੀ) : ਫਰੈਡਜ਼ ਫੌਰਐਵਰ ਵੈੱਲਫੇਅਰ ਸੁਸਾਇਟੀ ਰਜਿ ਖਰੜ ਤੇ ਸ਼ਿਵ ਸ਼ਕਤੀ ਕਲੱਬ ਖਰੜ ਵੱਲੋਂ ਮਿਲ ਕੇ ਮੁਫ਼ਤ ਐਚ ਪੀ ਵੀ ਵੈਕਸੀਨ ਤੇ ਦੰਦਾ ਦੇ ਚੈਕ ਅੱਪ ਦਾ ਕੈਂਪ ਲਗਾਇਆ ਗਿਆ। ਸੁਸਾਇਟੀ ਦੇ ਪ੍ਰਧਾਨ ਸ੍ਰ ਜਸਵਿੰਦਰ ਸਿੰਘ ਤੇ ਕਲੱਬ ਦੇ ਪ੍ਰਧਾਨ ਸ਼੍ਰੀ ਦੀਪਕ ਕੌਸ਼ਲ ਨੇ ਦੱਸਿਆ ਕਿ ਅੱਜ ਦੇ ਕੈਂਪ ਵਿੱਚ 14 ਸਾਲ ਤੋਂ 26 ਸਾਲ ਦੀ 154 ਲੜਕੀਆਂ ਨੂੰ ਐੱਚ ਪੀ ਵੀ ਵੈਕਸੀਨ ਦੀ ਦੁਸਰੀ ਖੁਰਾਕ ਦੇ ਟੀਕੇ ਲਗਾਏ ਗਏ। ਇਹ ਟੀਕੇ ਭਵਿੱਖ ਵਿੱਚ ਲੜਕੀਆਂ ਨੂੰ ਸਰਵਿਕਸ ਦੇ ਕੈਂਸਰ ਤੋਂ ਬਚਾਅ ਲਈ ਲਗਾਏ ਜਾਂਦੇ ਹਨ। ਪੀਜੀਆਈ ਚੰਡੀਗੜ੍ਹ ਦੇ ਗਾਇਨੀ ਵਿਭਾਗ ਦੇ ਪ੍ਰੋ. ਰਸ਼ਮੀ ਬੱਗਾ, ਡਾਕਟਰ ਦੀਪਕ ਦੀ ਦੇਖ ਰੇਖ ਵਿੱਚ ਟੀਕੇ ਲਗਾਏ ਗਏ। ਡਾਕਟਰ ਸੁਗੰਧ ਕੌਰ ਵਲੋਂ ਦੰਦਾਂ ਦਾ ਚੈਕ ਅੱਪ ਕੀਤਾ ਗਿਆ। ਕੈਂਪ ਵਿੱਚ ਸ਼੍ਰੀ ਰਮੇਸ਼ ਸ਼ਰਮਾ ਐਡਵੋਕੇਟ, ਸ਼੍ਰੀ ਵਿਜੇ ਕੁਮਾਰ ਟਿੰਕੂ, ਸ਼੍ਰੀ ਕਮਲ ਕਿਸ਼ੋਰ ਸ਼ਰਮਾ, ਸ਼੍ਰੀਮਤੀ ਸਵਰਨਜੀਤ ਕੌਰ ਮਹਿਮਾਨ ਵਜੋਂ ਸ਼ਾਮਿਲ ਹੋਏ। ਆਏ ਹੋਏ ਮਹਿਮਾਨਾਂ ਨੇ ਦੋਹਾਂ ਕਲੱਬਾਂ ਵਲੋਂ ਕੀਤੇ ਜਾ ਰਹੇ ਲੋਕ ਭਲਾਈ ਦੇ ਕਾਰਜਾਂ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਤੇ ਕੁਲਵਿੰਦਰ ਸਿੰਘ,ਪੰਕਜ਼ ਕੁਮਾਰ, ਰੇਨੂੰ, ਪਰਦੀਪ ਕੁਮਾਰ, ਦਿਨੇਸ਼ ਰਾਬਰਾ, ਸਤਵੰਤ ਕੌਰ, ਪੂਜਾ ਆਜ਼ਾਦ, ਹਿਤੇਂਦਰ ਸਿੰਘ ਬੇਦੀ, ਤਿਲਕ ਰਾਜ, ਸੰਜੀਵ ਕਰਵਲ, ਸੁਨੀਲ ਸੈਣੀ, ਹਰਸ਼ ਪਰਾਸ਼ਰ, ਸ਼ੁਸ਼ਾਤ ਸ਼ਰਮਾ, ਮੁਕੇਸ਼ਵਰ ਸ਼ਰਮਾ, ਅਜੇ ਜਾਂਗਰਾ, ਪਾਰਸ ਸ਼ਰਮਾ, ਵਿਕਾਸ ਗੁਪਤਾ, ਨੀਰਜ, ਰਮਨ ਚੱਢਾ ਆਦਿ ਹਾਜ਼ਿਰ ਸਨ।