ਪ੍ਰੀਤ ਪੱਤੀ
ਖਰੜ - ਇਲਾਕੇ ਦੇ ਪ੍ਰਸਿੱਧ ਵਿੱਦਿਅਕ ਸੰਸਥਾ, ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ, ਖਰੜ ਵਿੱਚ ਇੱਕ ਸਮਾਗਮ ਆਯੋਜਿਤ ਕੀਤਾ ਗਿਆ । ਇਸ ਮੌਕੇ ਸਕੂਲ ਦੇ ਪੁਰਾਣੇ ਵਿਦਿਆਰਥੀ ਅਤੇ ਪਿੰਡ ਝਿੰਗੜਾ ਦੇ ਜੰਮਪਲ , ਸ. ਅਮਰਾਓ ਸਿੰਘ ਗਿੱਲ ( ਯੂ.ਐਸ.ਏ. ) ਜੋ ਕਿ ਵਰਤਮਾਨ ਸਮੇਂ ਅਮਰੀਕਾ ਵਿੱਚ ਰਹਿ ਰਹੇ ਹਨ, ਨੇ ਸਕੂਲ ਨੂੰ ਇੱਕ ਬਹੁਮੁੱਲਾ ਪ੍ਰੋਜੈਕਟਰ ਭੇਂਟ ਕੀਤਾ ।
ਇਹ ਪ੍ਰੋਜੈਕਟਰ ਅੱਜ ਦੇ ਡਿਜੀਟਲ ਯੁਗ ਵਿੱਚ ਵਿਦਿਆਰਥੀਆਂ ਨੂੰ ਆਧੁਨਿਕ ਸਿੱਖਿਆ ਪ੍ਰਦਾਨ ਕਰਨ ਵਿੱਚ ਬਹੁਤ ਸਹਾਇਕ ਸਿੱਧ ਹੋਵੇਗਾ । ਸ. ਅਮਰਾਓ ਸਿੰਘ ਗਿੱਲ ਨੇ ਕਿਹਾ ਕਿ ਉਹਨਾਂ ਦਾ ਮਕਸਦ ਸਕੂਲ ਨੂੰ ਤਕਨੀਕੀ ਤੌਰ ਤੇ ਮਜ਼ਬੂਤ ਕਰਨਾ ਹੈ ਤਾਂ ਜੋ ਇੱਥੇ ਦੇ ਵਿਦਿਆਰਥੀ ਸਮੇਂ ਦੇ ਹਾਨੀ ਬਣ ਸਕਣ।
ਸਰਦਾਰ ਜਸਵੀਰ ਸਿੰਘ ਧਨੋਆਂ ਪ੍ਰਿੰਸੀਪਲ ਅਤੇ ਸਾਬਕਾ ਵਿਦਿਆਰਥੀ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਭਲਾਈ ਸੰਸਥਾ ਖਰੜ ਦੇ ਮੈਂਬਰਾਂ ਵੱਲੋਂ ਸ. ਗਿੱਲ ਦਾ ਤਹਿ ਦਿਲੋਂ ਧੰਨਵਾਦ ਕਰਦਿਆਂ ਕਿਹਾ ਕਿ ਇਸ ਦਾਨ ਨਾਲ ਵਿਦਿਆਰਥੀਆਂ ਦੀ ਪੜ੍ਹਾਈ ਦਾ ਪੱਧਰ ਹੋਰ ਉੱਚਾ ਹੋਵੇਗਾ । ਇਸ ਮੌਕੇ ਸ. ਭਜਨ ਸਿੰਘ ਸ਼ੇਰਗਿਲ , ਸ. ਐਸ.ਆਈ. ਸਿੰਘ ਕੋਰਾ , ਡਾ. ਸੁਦਾਗਰ ਸਿੰਘ ਕੋਮਲ , ਸ. ਰਾਜਵੰਤ ਸਿੰਘ ਕਪੂਰ , ਸ. ਅਮਨਦੀਪ ਸਿੰਘ , ਸ. ਇਕਬਾਲ ਸਿੰਘ ਸੋਹਲ , ਸ. ਗੁਰਮੁਖ ਸਿੰਘ , ਸ. ਤਰਸੇਮ ਸਿੰਘ ਹਾਜ਼ਰ ਸਨ ਜਿਨਾਂ ਨੇ ਸ.ਅਮਰਾਓ ਸਿੰਘ ਗਿੱਲ ਦਾ ਇਸ ਨੇਕ ਉਪਰਾਲੇ ਦੀ ਭਰਪੂਰ ਪ੍ਰਸੰਸਾ ਕੀਤੀ।