ਨਵਾਸ਼ਹਿਰ (ਮਨੋਰੰਜਨ ਕਾਲੀਆ) : ਪੰਜਾਬ ਸਰਕਾਰ ਦੀ ਲੈਡ ਪੂਲਿੰਗ ਸਕੀਮ ਤਹਿਤ ਦੇ ਖਿਲਾਫ ਪਿੰਡ ਮਹਾਲੋ ਵਾਸੀਆ ਨੇ ਬੁੱਧਵਾਰ ਨੂੰ ਡਿਪੱਟੀ ਕਮਿਸ਼ਨਰ ਅੰਕੁਰਜੀਤ ਸਿੰਘ ਨੂੰ ਇਕ ਮੰਗ ਪੱਤਰ ਸੌਪਿਆ | ਇਸ ਤੋ ਪਹਿਲਾ ਪਿੰਡ ਦੀ ਪੰਚਾਇਤ ਨੇ 383 ਏਕੜ ਜਮੀਨ ਦੇਣ ਪ੍ਰਤੀ ਅਸਹਿਮਤੀ ਦਾ ਇਕ ਪ੍ਰਸਤਾਵ ਪਾਸ ਕੀਤਾ ਇਸ ਮੌਕੇ ਤੇ ਕੁਲਜਿੰਦਰ ਸਿੰਘ ਸਹੋਤਾ ਨੇ ਦੱਸਿਆ ਕਿ ਪਿੰਡ ਦੇ ਕਿਸਾਨਾ, ਖੇਤ ਮਜਦੂਰਾ ਅਤੇ ਜਮੀਨ ਮਾਲਿਕਾ ਨੇ ਸਰਬਸੰਮਤੀ ਨਾਲ ਫੈਸਲਾ ਲਿਆ ਹੈ ਕਿ ਪਿੰਡ ਦੀ ਇਹ ਉਪਜਾਊ ਜਮੀਨ ਜਿਸ ਵਿੱਚ ਸਾਲ 'ਚ ਤਿੰਨ –ਤਿੰਨ ਫਸਲਾ ਲਈਆ ਜਾ ਰਹੀਆ ਹਨ | ਸਦੀਆ ਤੋ ਪਿੰਡ ਵਾਸੀਆ ਦੀ ਰੋਜੀ ਰੋਟੀ ਦਾ ਸਾਧਨ ਰਹੀ ਹੈ | ਇਸ ਸਕੀਮ ਦੇ ਲਾਗੂ ਹੋਣ ਨਾਲ ਪਿੰਡ ਉਜੜ ਜਾਵੇਗਾ | ਅੱਜ ਦੇ ਇਕੱਠ ਵਿੱਚ ਲਾਗਲੇ ਪਿੰਡਾ, ਗੁੱਜਰਪੁਰ, ਜੱਬੋਵਾਲ ਅਤੇ ਮੱਲਪੁਰ ਦੇ ਕਿਸਾਨ ਵੀ ਹਾਜਰ ਸਨ | ਉਨਾ ਨੇ ਇਸ ਸਕੀਮ ਦੀ ਸਖਤ ਸ਼ਬਦਾ ਵਿੱਚ ਨਿੰਦਾ ਕਰਦਿਆ ਇਸ ਨੂੰ ਤੁਰੰਤ ਵਾਪਸ ਲੈਣ ਦੀ ਮੰਗ ਕੀਤੀ ਹੈ |
ਪੰਚ ਰੇਸ਼ਮ ਕੌਰ , ਕੁਲਵੀਰ ਸਿੰਘ ਨੰਬਰਦਾਰ , ਕੁਲਵਿੰਦਰ ਕੌਰ ਪੰਚ , ਗੁਰਪ੍ਰੀਤ ਸਿੰਘ ਪੰਚ , ਨੇ ਕਿਹਾ ਕਿ ਸਰਕਾਰ ਵੱਲੋ ਇਸ ਸਬੰਧੀ ਜਾਰੀ ਨੋਟੀਫਿਕੇਸ਼ਨ ਵਿੱਚ ਅਰਬਨ ਅਸਟੇਟ ਉਸਾਰਨ ਦੀ ਕੋਈ ਸਮਾ ਸੀਮਾ ਨਹੀ ਦਿੱਤੀ ਗਈ ਜੇਕਰ ਤਿੰਨ ਸਾਲ ਤੋ ਬਾਦ ਅਰਬਨ ਅਸਟੇਟ ਦੀ ਉਸਾਰੀ ਨਹੀ ਹੁੰਦੀ ਤਾਂ ਕਿਸਾਨਾ ਨੂੰ ਕੁੱਝ ਨਹੀ ਮਿਲੇਗਾ | ਉਨਾ ਸਰਕਾਰ ਨੂੰ ਚੇਤਾਵਨੀ ਦਿੰਦੇ ਹੋਏ ਕਿਹਾ ਕਿ ਜੇ ਸਰਕਾਰ ਨੇ ਇਸ ਸਕੀਮ ਨੂੰ ਜਲਦੀ ਲਾਗੂ ਕੀਤਾ ਤਾਂ ਉਹ ਇਸਦੇ ਖਿਲਾਫ ਜੋਰਦਾਰ ਸੰਘਰਸ਼ ਕਰਨਗੇ | ਉਨਾ ਦੱਸਿਆ ਕਿ ਇਸ ਮੰਗ ਪੱਤਰਾ ਦੀ ਨਕਲ ਗ੍ਰੇਟਰ ਲੁਧਿਆਣਾ, ਏਰੀਆ ਡਿਵੈਲਪਮੈਟ ਅਥਾਰਿਟੀ ਲੁਧਿਆਣਾ, ਐਸਡੀਐਮ ਨਵਾਂਸ਼ਹਿਰ ਅਤੇ ਤਹਿਸੀਲਦਾਰ ਨਵਾਂਸ਼ਹਿਰ ਨੂੰ ਭੇਜੀਆ ਗਈਆ ਹਨ |