ਨਵੀਂ ਦਿੱਲੀ : ਕਾਂਗਰਸ ਨੇ ਵੀਰਵਾਰ ਨੂੰ ਕਿਹਾ ਕਿ ਨਿੱਜੀ ਕਾਰਪੋਰੇਟ ਨਿਵੇਸ਼ 'ਚ ਤੇਜ਼ੀ ਦੀ ਕਮੀ ਦੇਸ਼ ਦੇ ਸਾਹਮਣੇ ਸਭ ਤੋਂ ਗੰਭੀਰ ਚੁਣੌਤੀ ਹੈ ਅਤੇ ਆਰਥਿਕ ਸ਼ਕਤੀ ਦਾ ਵਧਦਾ ਕੇਂਦਰੀਕਰਨ ਨਿਵੇਸ਼ ਵਾਧੇ ਨੂੰ ਪ੍ਰਭਾਵਿਤ ਕਰ ਰਿਹਾ ਹੈ। ਪਾਰਟੀ ਦੇ ਜਨਰਲ ਸਕੱਤਰ ਜੈਰਾਮ ਰਮੇਸ਼ ਨੇ ਇਹ ਦੋਸ਼ ਵੀ ਲਗਾਇਆ ਕਿ ਹੁਣ 'ਰਾਜਨੀਤਕ ਸੁਰੱਖਿਆ ਪ੍ਰਾਪਤ' ਨਿੱਜੀ ਨਿਵੇਸ਼ ਹੀ ਵਿਆਪਕ ਨਿੱਜੀ ਨਿਵੇਸ਼ ਨੂੰ ਪਿੱਛ ਧੱਕ ਰਿਹਾ ਹੈ।
ਰਮੇਸ਼ ਨੇ 'ਐਕਸ' 'ਤੇ ਇਕ ਖ਼ਬਰ ਸਾਂਝੀ ਕੀਤੀ, ਜਿਸ 'ਚ ਕਿਹਾ ਗਿਆ ਹੈ ਕਿ 31 ਮਾਰਚ 2026 ਨੂੰ ਖ਼ਤਮ ਵਿੱਤ ਸਾਲ 'ਚ ਭਾਰਤ ਦੇ ਕੁੱਲ ਨਿੱਜੀ ਪੂੰਜੀਗਤ ਖਰਚੇ ਦਾ ਇਕ-ਤਿਹਾਈ ਹਿੱਸਾ ਇਕੱਲੇ ਅਡਾਨੀ ਸਮੂਹ ਦਾ ਹੈ। ਉਨ੍ਹਾਂ ਕਿਹਾ,''ਨਿੱਜੀ ਕਾਰਪੋਰੇਟ ਨਿਵੇਸ਼ 'ਚ ਤੇਜ਼ੀ ਦੀ ਕਮੀ ਭਾਰਤ ਦੀ ਸਭ ਤੋਂ ਗੰਭੀਰ ਚੁਣੌਤੀ ਹੈ। ਇਸ ਦੇ ਪਿੱਛੇ ਕਈ ਕਾਰਨ ਹੈ, ਜਿਨ੍ਹਾਂ 'ਚ ਅਸਲ ਮਜ਼ਦੂਰੀ 'ਚ ਠਹਿਰਾਅ ਸ਼ਾਮਲ ਹੈ, ਜਿਸ ਨਾਲ ਸਾਰੇ ਉਮਰ ਵਰਗਾਂ 'ਚ ਉਪਭੋਗ ਵਾਧਾ ਪ੍ਰਭਾਵਿਤ ਹੋ ਰਿਹਾ ਹੈ। ਇਸ ਤੋਂ ਇਲਾਵਾ, ਉੱਚੀ ਮਹਿੰਗਾਈ ਦਰ ਕਾਰਨ ਘਰੇਲੂ ਬਚਤ ਦਰ 'ਚ ਵੀ ਤੇਜ਼ ਗਿਰਾਵਟ ਆਈ ਹੈ।''
ਜੈਰਾਮ ਰਮੇਸ਼ ਦਾ ਕਹਿਣਾ ਹੈ ਕਿ ਨਿੱਜੀ ਕਾਰਪੋਰੇਟ ਨਿਵੇਸ਼ 'ਚ ਸੁਸਤੀ ਦਾ ਇਕ ਕਾਰਨ ਇਨਫੋਰਸਮੈਂਟ ਏਜੰਸੀਆਂ, ਟੈਕਸ ਅਧਿਕਾਰੀਆਂ ਅਤੇ ਜਾਂਚ ਏਜੰਸੀਆਂ ਦੇ 'ਰੈੱਡ ਰਾਜ਼' ਤੋਂ ਪੈਦਾ ਹੋਇਆ ਡਰ ਅਤੇ ਦਬਾਅ ਦਾ ਮਾਹੌਲ ਵੀ ਹੈ। ਉਨ੍ਹਾਂ ਦੋਸ਼ ਲਗਾਇਆ ਕਿ ਨਿਵੇਸ਼ ਸੰਬੰਧ ਪ੍ਰਮੁੱਖ ਨੀਤੀਆਂ 'ਚ ਇਕਸਾਰਤਾ ਅਤੇ ਪਾਰਦਰਸ਼ਤਾ ਦੀ ਕਮੀ ਅਤੇ ਚੀਨੀ ਆਯਾਤ 'ਚ ਲਗਾਤਾਰ ਵਾਧਾ, ਜਿਸ ਨੇ ਘਰੇਲੂ ਨਿਰਮਿਤ ਵਸਤੂਆਂ ਦੇ ਬਾਜ਼ਾਰ ਨੂੰ ਨੁਕਸਾਨ ਪਹੁੰਚਾਇਆ ਹੈ, ਵੀ ਇਸ ਲਈ ਜ਼ਿੰਮੇਵਾਰ ਹੈ। ਰਮੇਸ਼ ਨੇ ਕਿਹਾ ਕਿ ਆਰਥਿਕ ਸ਼ਕਤੀ ਦਾ ਵਧਦਾ ਕੇਂਦਰੀਕਰਨ ਵੀ ਨਿਵੇਸ਼ ਵਾਧੇ ਨੂੰ ਉਤਸ਼ਾਹਤ ਕਰ ਰਿਹਾ ਹੈ।