ਖਰੜ (ਪ੍ਰੀਤ ਪੱਤੀ) : ਰੋਟਰੀ ਕਲੱਬ ਖਰੜ ਦੇ ਆਈ ਡੋਨੇਸ਼ਨ ਮੋਟੀਵੇਟਰ ਤੇ ਅਸਿਸਟੈਂਟ ਗਵਰਨਰ ਜ਼ੋਨ-8 (ਰੋਟਰੀ ਜ਼ਿਲ੍ਹਾ 3080) ਹਰਪ੍ਰੀਤ ਸਿੰਘ ਰੇਖੀ ਵੱਲੋਂ ਅੱਜ ਆਪਣੀ 37ਵੀਂ ਸਾਲ ਗ੍ਰਹਿ ਮੌਕੇ ਤੇ 64ਵੀਂ ਵਾਰ ਰੋਟਰੀ ਬਲੱਡ ਬੈਂਕ ਸੈਕਟਰ-37 ਵਿਖੇ ਖੂਨ ਦਾਨ ਕੀਤਾ ਗਿਆ। ਰੇਖੀ ਦਾ ਖੂਨਦਾਨ ਵਾਲਾ ਸਿਲਸਿਲਾ ਕਈ ਸਾਲਾਂ ਤੋਂ ਚੱਲ ਰਿਹਾ ਹੈ ਪਰ ਇਹ ਆਪਣੇ ਜਨਮ ਦਿਨ ਤੇ ਸਾਲ ਗ੍ਰਹਿ ਦੇ ਮੌਕੇ ਤੇ ਖੂਨਦਾਨ ਕਰਨਾ ਨਹੀਂ ਭੁੱਲਦੇ। ਇੰਨ੍ਹਾਂ ਬਾਰੇ ਇਹ ਵੀ ਜ਼ਿਕਰਯੋਗ ਹੈ ਕਿ ਇਹ “ਜਿਉਂਦੇ ਜੀ ਖੂਨਦਾਨ ਤੇ ਜਾਂਦੇ ਜਾਂਦੇ ਅੱਖਾਂ ਦਾਨ” ਦੇ ਫ਼ਲਸਫ਼ੇ ਤੇ ਆਪਣਾ ਧਿਆਨ ਲਗਾਇਆ ਹੋਇਆ ਹੈ। ਇੰਨ੍ਹਾਂ ਵੱਲੋਂ ਮਰਨ ਉਪਰੰਤ ਪਰਿਵਾਰਾਂ ਨੂੰ ਜਾਗਰੁਕ ਕਰਕੇ 87 ਲੋਕਾਂ ਦੀਆਂ ਅੱਖਾਂ ਦਾਨ ਕਰਵਾ ਚੁੱਕੇ ਹਨ ਤੇ ਹੁਣ 174 ਲੋਕਾਂ ਨੂੰ ‘ਦ੍ਰਿਸ਼ਟੀ ਦਾ ਤੋਹਫਾ’ ਮਿਲ ਚੁੱਕਿਆ ਹੈ। ਇੱਕੇ ਇਹ ਵੀ ਦੱਸਣਯੋਗ ਹੈ ਕਿ ਇਹ ਰੈੱਡ ਕਰਾਸ ਮੁਹਾਲੀ ਦੇ ਪੈਟਰਨ ਵੀ ਹਨ।