ਸਵਦੇਸ਼ੀ ਮੇਲੇ ਵਿੱਚ ਹੱਥਾਂ ਵਿੱਚ ਭਾਰਤੀ ਮਿੱਟੀ ਦੇ ਬਰਤਨ ਫੜ ਕੇ ਬਚਪਨ ਦੀਆਂ ਯਾਦਾਂ ਵਿੱਚ ਵਾਪਸ ਆਈਆਂ -ਆਈਜੀ ਨਿਲੰਬਰੀ ਜਗਦਲੇ

ਲੁਧਿਆਣਾ(ਸਰਬਜੀਤ ਸੂਫ਼ੀ) : ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਕਿਸਾਨ ਗ੍ਰਾਊਂਡ ਵਿੱਚ ਲੱਗੇ ਸਵਦੇਸ਼ੀ ਮੇਲੇ ਦੇ ਛੇਵੇਂ ਦਿਨ ਆਈਜੀ ਫਰੀਦਕੋਟ ਰੇਂਜ ਮੈਡਮ ਨਿਲੰਬਰੀ ਜਗਦਲੇ ਨੇ ਮੇਲੇ ਦਾ ਦੌਰਾ ਕੀਤਾ ਅਤੇ ਸਵਦੇਸ਼ੀ ਉਤਪਾਦਾਂ ਦੀ ਖੂਬ ਪ੍ਰਸ਼ੰਸਾ ਕੀਤੀ।

ਸਵਦੇਸ਼ੀ ਮੇਲਾ ਆਯੋਜਕ ਕਮੇਟੀ ਦੇ ਮੈਂਬਰ ਗੁਰਦੀਪ ਗੋਸ਼ਾ, ਹਰੀਸ਼ ਦੁਆ ਅਤੇ ਮੋਹਿਤ ਗੋਇਲ ਨੇ ਉਨ੍ਹਾਂ ਨੂੰ ਮੇਲਾ ਸਥਲ ‘ਤੇ ਦੇਸ਼ ਭਰ ਤੋਂ ਆਏ ਭਾਰਤੀ ਉਤਪਾਦਾਂ ਦੇ ਸਟਾਲਾਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ। ਇਸ ਦੌਰਾਨ ਮੈਡਮ ਜਗਦਲੇ ਨੇ ਭਾਰਤ ਵਿੱਚ ਬਣੇ ਸਵਦੇਸ਼ੀ ਉਤਪਾਦ ਵੀ ਖਰੀਦੇ।
ਮੈਡਮ ਜਗਦਲੇ ਨੇ ਮਿੱਟੀ ਨਾਲ ਬਣੇ ਪਰੰਪਰਾਗਤ ਬਰਤਨਾਂ ਨੂੰ ਹੱਥਾਂ ਵਿੱਚ ਚੁੱਕ ਕੇ ਉਸ ਦੀ ਖੁਸ਼ਬੂ ਦਾ ਜ਼ਿਕਰ ਕਰਦਿਆਂ ਆਪਣੀ ਨਾਨੀ-ਦਾਦੀ ਦੇ ਸਮੇਂ ਨੂੰ ਯਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਗੋਬਰ ਦੇ ਉੱਪਲਿਆਂ ‘ਤੇ ਮਿੱਟੀ ਦੇ ਬਰਤਨਾਂ ਵਿੱਚ ਬਣਦਾ ਸਾਤਵਿਕ ਦੇਸੀ ਭੋਜਨ ਦਾ ਸੁਆਦ ਬਿਲਕੁਲ ਨਿਰਾਲਾ ਹੁੰਦਾ ਸੀ। ਉਨ੍ਹਾਂ ਸਵਦੇਸ਼ੀ ਜਾਗਰਣ ਮੰਚ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਇਸ ਮੇਲੇ ਨੇ ਉਨ੍ਹਾਂ ਨੂੰ ਬਚਪਨ ਦੇ ਦਿਨਾਂ ਵਿੱਚ ਵਾਪਸ ਲੈ ਗਿਆ ਹੈ।
ਮੇਲਾ ਪ੍ਰਮੁੱਖ ਗੁਰਦੀਪ ਸਿੰਘ ਗੋਸ਼ਾ ਨੇ ਕਿਹਾ ਕਿ ਸਵਦੇਸ਼ੀ ਜਾਗਰਣ ਮੰਚ ਰਾਹੀਂ ਭਾਰਤ ਦੀ ਪੁਰਾਤਨ ਸੰਸਕ੍ਰਿਤੀ ਨੂੰ ਦੁਬਾਰਾ ਜੀਵੰਤ ਕਰਨ ਲਈ ਯਤਨ ਕੀਤੇ ਜਾ ਰਹੇ ਹਨ ਅਤੇ ਆਧੁਨਿਕਤਾ ਦੀ ਦੌੜ ਵਿੱਚ ਗੁੰਮ ਹੋ ਰਹੀ ਪੁਰਾਤਨ ਸੰਸਕ੍ਰਿਤੀ ਨੂੰ ਬਚਾਉਣਾ ਹੀ ਸਵਦੇਸ਼ੀ ਮੇਲੇ ਦਾ ਮੁੱਖ ਮਕਸਦ ਹੈ। ਹਰਿਸ਼ ਦੁਆ ਨੇ ਕਿਹਾ ਕਿ ਸਵਦੇਸ਼ੀ ਅਪਣਾਏ ਬਿਨਾਂ ਭਾਰਤ ਦਾ ਭਵਿੱਖ ਅਧੂਰਾ ਹੈ।
ਸਵਦੇਸ਼ੀ ਮੇਲੇ ਦੇ ਸਪਨਕਾਰ ਮੋਹਿਤ ਗੋਇਲ ਨੇ ਕਿਹਾ ਕਿ ਪੁਰਾਤਨ ਭਾਰਤ ਦੀ ਵਿਰਾਸਤ ਨੂੰ ਸੰਭਾਲਦੇ ਹੋਏ ਸਵਦੇਸ਼ੀ ਅਪਣਾਉਣ ਦੀ ਲੋੜ ਹੈ। ਉਨ੍ਹਾਂ ਦੱਸਿਆ ਕਿ ਪੀਏਯੂ ਕਿਸਾਨ ਮੇਲੇ ਵਿੱਚ ਪਹੁੰਚੇ ਹਜ਼ਾਰਾਂ ਲੋਕਾਂ ਨੇ ਵਿਦੇਸ਼ੀ ਉਤਪਾਦਾਂ ਦੀ ਬਜਾਏ ਭਾਰਤੀ ਉਤਪਾਦਾਂ ਨੂੰ ਆਪਣੀ ਰੋਜ਼ਾਨਾ ਦੀਆਂ ਲੋੜਾਂ ਵਿੱਚ ਸ਼ਾਮਲ ਕਰਨ ਦਾ ਸੰਕਲਪ ਕੀਤਾ। ਦੂਜੇ ਪਾਸੇ ਸਕੂਲੀ ਬੱਚਿਆਂ ਨੇ ਵੀ ਮੇਲੇ ਵਿੱਚ ਸ਼ਮੂਲੀਅਤ ਕਰਕੇ ਆਤਮਨਿਰਭਰ ਭਾਰਤ ਦੇ ਸੁਪਨੇ ਨੂੰ ਸਾਕਾਰ ਕਰਨ ਵੱਲ ਕਦਮ ਵਧਾਏ।
ਇਸ ਮੌਕੇ ਪ੍ਰਸਿੱਧ ਮਹਿਲਾ ਚਾਰਟਰਡ ਅਕਾਊਂਟੈਂਟ ਸ਼੍ਰੀਮਤੀ ਸ਼ਾਲਿਨੀ ਗੁਪਤਾ, ਸਵਰਨਿਮ ਭਾਰਤਵਰਸ਼ ਫਾਊਂਡੇਸ਼ਨ ਦੇ ਜ਼ਿਲ੍ਹਾ ਪ੍ਰਧਾਨ ਸੀ.ਏ. ਅਸ਼ਵਨੀ ਗੁਪਤਾ, ਕੀਮਤੀ ਰਾਵਲ, ਰਾਸ਼ੀ ਅਗਰਵਾਲ, ਹਰਿਸ਼ ਦੁਆ, ਗੌਰਵ ਅਰੋੜਾ, ਸ਼ਿਆਮ ਸੁੰਦਰ ਵਰਮਾ, ਵਿਭੋਰ ਗਰਗ, ਸੰਦੀਪ ਗੋਇਲ, ਡਾ. ਨੇਹਾ, ਤੇਜਪਾਲ, ਵਿਪਨ ਵਿਨਾਇਕ, ਸਮਰਥਾ, ਮਯੰਕ ਵਸ਼ਿਸ਼ਠ, ਰਾਜਨ ਸਾਹੋਠ, ਮਨੀਸ਼ ਨੱਡਾ, ਜਤਿੰਦਰ ਜੀਤ ਪਾਲ, ਗੁਲਾਬ ਜੀ ਜੰਮੂ ਵਾਲੇ, ਭਾਨੂ ਪ੍ਰਤਾਪ ਜੰਮੂ ਵਾਲੇ, ਐਡਵੋਕੇਟ ਰਾਕੇਸ਼ ਭਾਟੀਆ, ਪ੍ਰਿੰਸ ਭਾਟੀਆ, ਆਸ਼ੀਸ਼ ਝਾ ਅਤੇ ਵਿਪੁਲ ਮਲਹੋਤਰਾ ਸਮੇਤ ਹੋਰ ਵੀ ਮੌਜੂਦ ਸਨ।