ਮੁੰਬਈ : ਸਨ ਪਿਕਚਰਸ ਨੇ ਆਪਣੀ ਬਹੁਤ ਉਡੀਕੀ ਜਾ ਰਹੀ ਤਮਿਲ ਰੋਮਾਂਟਿਕ ਐਕਸ਼ਨ ਥ੍ਰਿਲਰ ਫਿਲਮ 'ਡੀਸੀ' ਦਾ ਟ੍ਰੇਲਰ ਰਿਲੀਜ਼ ਕੀਤਾ ਹੈ। ਇਹ ਫਿਲਮ 7 ਅਗਸਤ 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ ਅਤੇ ਧਰਮਾ ਪ੍ਰੋਡਕਸ਼ਨ ਇਸਦੀ ਉੱਤਰੀ ਭਾਰਤ ਵੰਡ ਨੂੰ ਸੰਭਾਲੇਗਾ। ਅਪਰਾਧ, ਜਨੂੰਨ ਅਤੇ ਸੰਘਰਸ਼ ਦੀ ਪਿੱਠਭੂਮੀ 'ਤੇ ਬਣੀ ਇਸ ਫਿਲਮ ਦਾ ਨਿਰਦੇਸ਼ਨ ਅਰੁਣ ਮਾਥੇਸ਼ਵਰਨ ਦੁਆਰਾ ਕੀਤਾ ਗਿਆ ਹੈ। ਫਿਲਮ ਦੀ ਇੱਕ ਖਾਸ ਗੱਲ ਇਹ ਹੈ ਕਿ ਸੁਪਰਹਿੱਟ ਫਿਲਮਾਂ ਦੇ ਨਿਰਦੇਸ਼ਕ ਲੋਕੇਸ਼ ਕਨਗਰਾਜ ਪਹਿਲੀ ਵਾਰ ਕਿਸੇ ਫਿਲਮ ਵਿੱਚ ਅਦਾਕਾਰ ਵਜਦੋਂ ਨਜ਼ਰ ਆਉਣਗੇ। ਉਨ੍ਹਾਂ ਵਾਮਿਕਾ ਗੱਬੀ ਮੁੱਖ ਭੂਮਿਕਾ ਨਿਭਾ ਰਹੀ ਹੈ।
ਟ੍ਰੇਲਰ ਵਿੱਚ ਦਮਦਾਰ ਐਕਸ਼ਨ, ਭਾਵਨਾਤਮਕ ਦ੍ਰਿਸ਼ਾਂ ਅਤੇ ਸ਼ਾਨਦਾਰ ਵਿਜ਼ੂਅਲ ਦੀ ਝਲਕ ਦੇਖਣ ਨੂੰ ਮਿਲਦੀ ਹੈ। ਫਿਲਮ ਵਿੱਚ ਲੋਕੇਸ਼ ਕਨਗਰਾਜ ਦੇਵਦਾਸ ਦੀ ਭੂਮਿਕਾ ਨਿਭਾ ਰਹੇ ਹਨ, ਜਿਸਦਾ ਹਿੰਸਕ ਅਤੀਤ ਉਸਨੂੰ ਕਾਨੂੰਨ ਅਤੇ ਅਪਰਾਧ ਦੀ ਦੁਨੀਆ ਵਿਚਕਾਰ ਸਭ ਤੋਂ ਵੱਡਾ ਨਿਸ਼ਾਨਾ ਬਣਾ ਦਿੰਦਾ ਹੈ। ਉਥੇ ਹੀ ਵਾਮਿਕਾ ਗੱਬੀ ਚੰਦਰਾ ਦੇ ਕਿਰਦਾਰ ਵਿੱਚ ਨਜ਼ਰ ਆਵੇਗੀ, ਜਿਸਦੀ ਜ਼ਿੰਦਗੀ ਦੇਵਦਾਸ ਦੇ ਸਾਹਮਣੇ ਆਉਣ ਤੋਂ ਬਾਅਦ ਇੱਕ ਅਚਾਨਕ ਮੋੜ ਲੈਂਦੀ ਹੈ। ਉਨ੍ਹਾਂ ਦੀ ਪ੍ਰੇਮ ਕਹਾਣੀ ਵਿਸ਼ਵਾਸਘਾਤ, ਕੁਰਬਾਨੀ ਅਤੇ ਖ਼ਤਰੇ ਦੇ ਵਿਚਕਾਰ ਅੱਗੇ ਵਧਦੀ ਹੈ।
ਸਨ ਪਿਕਚਰਜ਼ ਇਸ ਤੋਂ ਪਹਿਲਾਂ ਪਹਿਲਾਂ "ਜੇਲਰ," "ਬੀਸਟ," "ਅੰਨਾਥੇ," ਅਤੇ "ਸਰਕਾਰ" ਵਰਗੀਆਂ ਸਫਲ ਫਿਲਮਾਂ ਪੇਸ਼ ਕਰ ਚੁੱਕਾ ਹੈ। ਦਰਸ਼ਕ "ਡੀਸੀ" ਨੂੰ ਲੈ ਕੇ ਵੀ ਉਤਸ਼ਾਹਿਤ ਹਨ। ਫਿਲਮ ਵਿੱਚ ਸੰਜਨਾ ਕ੍ਰਿਸ਼ਨਾਮੂਰਤੀ ਵੀ ਇੱਕ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਵੇਗੀ।