ਨਿਤੇਸ਼ ਤਿਵਾੜੀ ਦੀ ਫਿਲਮ "ਰਾਮਾਇਣ" ਦੇ ਨਿਰਮਾਤਾਵਾਂ ਨੇ ਸ਼ਨੀਵਾਰ ਨੂੰ ਫਿਲਮ ਦਾ ਇੱਕ ਨਵਾਂ ਪੋਸਟਰ ਜਾਰੀ ਕੀਤਾ, ਜਿਸ ਵਿੱਚ ਰਣਬੀਰ ਕਪੂਰ, ਸਾਈ ਪੱਲਵੀ ਅਤੇ ਰਵੀ ਦੂਬੇ ਕ੍ਰਮਵਾਰ ਰਾਮ, ਸੀਤਾ ਅਤੇ ਲਕਸ਼ਮਣ ਦੀ ਭੂਮਿਕਾ ਵਿੱਚ ਨਜ਼ਰ ਆ ਰਹੇ ਹਨ। ਪੋਸਟਰ ਸ਼ਨੀਵਾਰ ਨੂੰ ਫਿਲਮ ਦੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਸਾਂਝਾ ਕੀਤਾ ਗਿਆ ਅਤੇ ਫਿਲਮ ਨਿਰਮਾਤਾ ਦੁਆਰਾ ਦੁਬਾਰਾ ਸਾਂਝਾ ਕੀਤਾ ਗਿਆ।
ਪੋਸਟਰ ਵਿੱਚ, ਰਾਮ ਦੇ ਰੂਪ ਵਿੱਚ ਕਪੂਰ ਸ਼ਾਂਤ, ਸੰਜਮੀ ਅਤੇ ਦਲੇਰ ਨਜ਼ਰ ਆ ਰਹੇ ਹਨ, ਜਦੋਂਕਿ ਸੀਤਾ ਦੇ ਰੂਪ ਵਿੱਚ ਪੱਲਵੀ ਵਿੱਚ ਕੋਮਲਤਾ, ਮਾਸੂਮੀਅਤ, ਭਗਤੀ, ਧੀਰਜ ਅਤੇ ਨਿਡਰਤਾ ਦੀ ਝਲਕ ਦਿਖਾਈ ਦਿੱਤੀ। ਉਥੇ ਹੀ ਲਕਸ਼ਮਣ ਦੇ ਰੂਪ ਵਿੱਚ ਦੂਬੇ ਵਫ਼ਾਦਾਰੀ ਅਤੇ ਪਿਆਰ ਨਾਲ ਭਰਪੂਰ ਨਜ਼ਰ ਆਏ। ਨਮਿਤ ਮਲਹੋਤਰਾ ਦੇ ਡੀਐਨਈਜੀ ਅਤੇ ਪ੍ਰਾਈਮ ਫੋਕਸ ਸਟੂਡੀਓ ਦੁਆਰਾ ਨਿਰਮਿਤ, "ਰਾਮਾਇਣ" ਵਿੱਚ ਆਸਕਰ ਜੇਤੂ ਫਿਲਮ ਨਿਰਮਾਤਾ ਹੰਸ ਜ਼ਿਮਰ ਅਤੇ ਗ੍ਰੈਮੀ ਪੁਰਸਕਾਰ ਜੇਤੂ ਸੰਗੀਤਕਾਰ ਜੇਮਸ ਨਿਊਟਨ ਹਾਵਰਡ, ਸੰਗੀਤ ਨਾਲ ਜੁੜਏ ਹਨ। ਫਿਲਮ ਵਿੱਚ ਯਸ਼ ਰਾਵਨ, ਸੰਨੀ ਦਿਓਲ ਹਨੂੰਮਾਨ ਅਤੇ ਵਿਵੇਕ ਓਬਰਾਏ ਵਿਦਯੁਤਜੀਹਵਾ ਦੇ ਕਿਰਦਾਰ ਵਿੱਚ ਹਨ। 'ਰਾਮਾਇਣ' ਹਿੰਦੀ, ਤਾਮਿਲ, ਤੇਲਗੂ, ਕੰਨੜ ਅਤੇ ਮਲਿਆਲਮ ਭਾਸ਼ਾਵਾਂ ਵਿੱਚ ਰਿਲੀਜ਼ ਹੋਵੇਗੀ।