ਖਰੜ (ਮੋਹਾਲੀ) (ਪ੍ਰੀਤ ਪੱਤੀ) : ਅੱਜ ਖਰੜ ਵਿਖੇ ਜ਼ਿਲ੍ਹਾ ਕਾਂਗਰਸ ਕਮੇਟੀ ਮੋਹਾਲੀ ਦੇ ਪ੍ਰਧਾਨ ਕਮਲ ਕਿਸ਼ੋਰ ਸ਼ਰਮਾ ਦੀ ਅਗਵਾਈ ਹੇਠ ਮਨਰੇਗਾ ਬਚਾਓ ਸੰਗਰਾਮ ਤਹਿਤ ਹੋਣ ਵਾਲੀ ਮਹਾਂ ਰੈਲੀ ਦੀਆਂ ਤਿਆਰੀਆਂ ਸ਼ੁਰੂ ਕੀਤੀਆਂ ਗਈਆਂ।
ਇਸ ਮੌਕੇ ’ਤੇ ਇੰਡੀਅਨ ਨੈਸ਼ਨਲ ਕਾਂਗਰਸ ਦੀ ਸਕੱਤਰ ਅਤੇ ਪੰਜਾਬ ਦੀ ਸਹਿ ਪ੍ਰਭਾਰੀ ਸ਼੍ਰੀ ਹੀਨਾ ਕਵਾਰੇ ਅਤੇ ਮੋਹਾਲੀ ਦੇ ਕੋਆਰਡੀਨੇਟਰ ਮਨਜੀਤ ਸਿੰਘ ਝਲਬੂਟੀ ਦੀ ਹਾਜ਼ਰੀ ਨਾਲ ਜ਼ਿਲ੍ਹਾ ਮੋਹਾਲੀ ਦੀ ਪੂਰੀ ਕਾਂਗਰਸ ਲੀਡਰਸ਼ਿਪ ਇਕ ਮੰਚ ’ਤੇ ਇਕੱਠੀ ਹੋਈ।
ਮੀਟਿੰਗ ਦੌਰਾਨ 28 ਤਾਰੀਖ਼ ਨੂੰ ਬਰਨਾਲਾ ਵਿੱਚ ਹੋਣ ਜਾ ਰਹੀ ਰਾਹੁਲ ਗਾਂਧੀ ਜੀ ਦੀ ਮਹਾਂ ਰੈਲੀ ਨੂੰ ਇਤਿਹਾਸਕ ਬਣਾਉਣ ਲਈ ਵਿਸਥਾਰਪੂਰਵਕ ਰਣਨੀਤੀ ਤਿਆਰ ਕੀਤੀ ਗਈ। ਮੋਹਾਲੀ ਜ਼ਿਲ੍ਹੇ ਦੇ ਸਾਰੇ ਬਲਾਕ ਪ੍ਰਧਾਨ, ਸਿਟੀ ਪ੍ਰਧਾਨ, ਮੰਡਲ ਪ੍ਰਧਾਨ, ਮਹਿਲਾ ਕਾਂਗਰਸ, ਯੂਥ ਕਾਂਗਰਸ ਅਤੇ ਵੱਖ-ਵੱਖ ਸੰਗਠਨਾਂ ਦੇ ਅਹੁਦੇਦਾਰਾਂ ਨੂੰ ਆਪਣੀ-ਆਪਣੀ ਜ਼ਿੰਮੇਵਾਰੀ ਸੌਂਪੀ ਗਈ।
ਇਸ ਮੌਕੇ ਪੰਜਾਬ ਕਾਂਗਰਸ ਦੀ ਸਹਿ ਪ੍ਰਭਾਰੀ ਹੀਨਾ ਕਾਬਰੇ ਨੇ ਕਿਹਾ ਕਿ ਕੇਂਦਰ ਦੀ ਭਾਜਪਾ ਸਰਕਾਰ ਵੱਲੋਂ ਮਨਰੇਗਾ ਯੋਜਨਾ ਨੂੰ ਕਮਜ਼ੋਰ ਕਰਨ ਦੀ ਨੀਤੀ ਦੇ ਖ਼ਿਲਾਫ਼ ਕਾਂਗਰਸ ਪਾਰਟੀ ਸੜਕ ਤੋਂ ਸੰਸਦ ਤੱਕ ਸੰਘਰਸ਼ ਕਰੇਗੀ ਅਤੇ ਮਹਾਂ ਰੈਲੀ ਰਾਹੀਂ ਲੋਕਾਂ ਦੀ ਆਵਾਜ਼ ਬੁਲੰਦ ਕੀਤੀ ਜਾਵੇਗੀ। ਮਨਰੇਗਾ ਨੂੰ ਪੂਰਨ ਤੌਰ ’ਤੇ ਬਹਾਲ ਕਰਵਾਉਣ ਅਤੇ ਪੇਂਡੂ ਮਜ਼ਦੂਰਾਂ ਦੇ ਹੱਕਾਂ ਦੀ ਆਵਾਜ਼ ਬੁਲੰਦ ਕਰਨ ਲਈ ਰਾਹੁਲ ਗਾਂਧੀ ਜੀ 28 ਫਰਵਰੀ ਨੂੰ ਬਰਨਾਲਾ ਦੀ ਧਰਤੀ ’ਤੇ ਪਹੁੰਚ ਰਹੇ ਹਨ।
ਮੌਜੂਦਾ ਭਾਜਪਾ ਸਰਕਾਰ ਦੀਆਂ ਗਲਤ ਨੀਤੀਆਂ ਕਾਰਨ ਅੱਜ ਮਨਰੇਗਾ ਵਰਗੀਆਂ ਲੋਕ-ਪੱਖੀ ਸਕੀਮਾਂ ਖਤਰੇ ਵਿੱਚ ਹਨ। ਰਾਹੁਲ ਗਾਂਧੀ ਜੀ ਦੀ ਅਗਵਾਈ ਵਿੱਚ ਕਾਂਗਰਸ ਪਾਰਟੀ ਹਰ ਹੱਥ ਨੂੰ ਕੰਮ ਅਤੇ ਹਰ ਕਾਮੇ ਨੂੰ ਸਨਮਾਨ ਦਿਵਾਉਣ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹੈ।
ਆਓ, ਵੱਧ ਤੋਂ ਵੱਧ ਗਿਣਤੀ ਵਿੱਚ ਬਰਨਾਲਾ ਪਹੁੰਚ ਕੇ ਮਨਰੇਗਾ ਬਚਾਓ ਸੰਗਰਾਮ ਨੂੰ ਮਜ਼ਬੂਤ ਕਰੀਏ ਅਤੇ ਪੇਂਡੂ ਭਾਰਤ ਦੀ ਆਵਾਜ਼ ਨੂੰ ਇਕੱਠੇ ਹੋ ਕੇ ਬੁਲੰਦ ਕਰੀਏ।
ਇਸ ਮੌਕੇ ਉਪਰ ਹਾਜ਼ਰ ਹੋਏ ਸਾਰੇ ਆਗੂਆਂ ਅਤੇ ਵਰਕਰ ਸਾਹਿਬਾਨ ਦਾ ਕਮਲ ਕਿਸ਼ੋਰ ਸ਼ਰਮਾ ਵੱਲੋਂ ਤਹਿ ਦਿਲੋਂ ਧੰਨਵਾਦ ਕੀਤਾ ਗਿਆ। ਉਨ੍ਹਾਂ ਨੇ ਸਾਰੇ ਸਾਥੀਆਂ ਨੂੰ ਸੰਬੋਧਨ ਕਰਦਿਆਂ 28 ਤਾਰੀਖ਼ ਨੂੰ ਰਾਹੁਲ ਗਾਂਧੀ ਜੀ ਦੀ ਹੋਣ ਜਾ ਰਹੀ ਮਹਾਂ ਰੈਲੀ ਨੂੰ ਸਫਲ ਬਣਾਉਣ ਲਈ ਵੱਧ ਤੋਂ ਵੱਧ ਗਿਣਤੀ ਵਿੱਚ ਪਹੁੰਚਣ ਦੀ ਅਪੀਲ ਵੀ ਕੀਤੀ।
ਕਮਲ ਕਿਸ਼ੋਰ ਸ਼ਰਮਾ ਨੇ ਕਿਹਾ ਕਿ ਹਰ ਆਗੂ ਅਤੇ ਵਰਕਰ ਆਪਣੀ-ਆਪਣੀ ਜ਼ਿੰਮੇਵਾਰੀ ਨਿਭਾਉਂਦਿਆਂ ਰੈਲੀ ਦੀ ਕਾਮਯਾਬੀ ਲਈ ਪੂਰੀ ਤਾਕਤ ਨਾਲ ਕੰਮ ਕਰੇ, ਤਾਂ ਜੋ ਮਨਰੇਗਾ ਬਚਾਓ ਸੰਗਰਾਮ ਨੂੰ ਹੋਰ ਮਜ਼ਬੂਤੀ ਮਿਲ ਸਕੇ।
ਇਸ ਮੌਕੇ ਉਪਰੋਕਤ ਆਗੂਆਂ ਤੋਂ ਇਲਾਵਾ ਸਰਦਾਰ ਬਲਬੀਰ ਸਿੰਘ ਸਿੱਧੂ (ਪੰਜਾਬ ਦੇ ਸਾਬਕਾ ਸਿਹਤ ਮੰਤਰੀ), ਵਿਜੈ ਸ਼ਰਮਾ ਟਿੰਕੂ (ਖਰੜ ਹਲਕਾ ਇੰਚਾਰਜ), ਕਮਲਜੀਤ ਚਾਵਲਾ, ਨਰਿੰਦਰ ਸਿੰਘ ਰੰਗੀ, ਸਵਰਨਜੀਤ ਕੌਰ (ਜ਼ਿਲ੍ਹਾ ਮਹਿਲਾ ਕਾਂਗਰਸ ਪ੍ਰਧਾਨ), ਯਾਦਵਿੰਦਰ ਸਿੰਘ ਕੰਗ, ਅਮਿਤ ਬਾਵਾ (ਡੇਰਾਬੱਸੀ), ਕਰਨੈਲ ਸਿੰਘ (ਬਲਾਕ ਪ੍ਰਧਾਨ, ਡੇਰਾਬੱਸੀ), ਜਸਪ੍ਰੀਤ ਗਿੱਲ (ਬਲਾਕ ਪ੍ਰਧਾਨ, ਮੋਹਾਲੀ), ਪਰਦੀਪ ਸਿੰਘ (ਮੋਹਾਲੀ ਦਿਹਾਤੀ ਪ੍ਰਧਾਨ), ਅਮਰਿੰਦਰ ਸਿੰਘ ਰੋਮੀ ਕੰਗ, ਗੁਰਿੰਦਰ ਸਿੰਘ ਬੈਦਵਾਨ (ਬਲਾਕ ਪ੍ਰਧਾਨ, ਖਰੜ), ਕੁਲਜੀਤ ਸਿੰਘ ਬੇਦੀ, ਦੀਪਕ ਕੌਸ਼ਲ (ਖਰੜ ਸਿਟੀ ਪ੍ਰਧਾਨ), ਮੋਹਨ ਸਿੰਘ ਬਠਲਾਣਾ, ਰਾਕੇਸ਼ ਕਾਲੀਆ (ਕੁਰਾਲੀ), ਮਦਨ ਸਿੰਘ (ਪ੍ਰਧਾਨ, ਮਜਰੀ ਬਲਾਕ), ਮਨਜੀਤ ਸਿੰਘ ਨਵਾਂਗਰਾਓਂ , ਸੀਮਾ ਧੀਮਾਨ (ਕੁਰਾਲੀ), ਮਨਜੀਤ ਕੋਰ ਸੋਨੂੰ,ਇਕਬਾਲ ਚੰਨੀ, ਸੁਸ਼ਾਂਤ ਕੌਸ਼ਿਕ (ਜ਼ਿਲ੍ਹਾ ਪ੍ਰਧਾਨ, ਲੀਗਲ ਸੈੱਲ), ਹੰਸਰਾਜ (ਚੇਅਰਮੈਨ, ਐਸ.ਸੀ. ਸੈੱਲ ਮੋਹਾਲੀ), ਕਮਲਜੀਤ ਸਿੰਘ ਸਿੱਧੂ (ਨਵਾਂਗਰਾਓਂ), ਸਰਬਜੀਤ ਕੌਰ ਸੈਣੀ, ਰਵੀ ਵੜੈਚ (ਜਨਰਲ ਸਕੱਤਰ, ਯੂਥ ਕਾਂਗਰਸ), ਸ਼ੇਰ ਸਿੰਘ ਗੋਰਾਇਆ, ਮੰਗਤ ਖਾਨ ਸਪੋਕਮੈਨ ਜਿਲ੍ਹਾ ਕਾਂਗਰਸ ਕਮੇਟੀ ਮੋਹਾਲੀ,ਮਲਾਘਰ ਸਿੰਘ (ਸਾਬਕਾ ਐਮ.ਸੀ.), ਨਿਰਮਲ ਸਿੰਘ ਹਰਲਾਲਪੁਰ, ਵਿਸ਼ਾਲ ਬੱਟੂ, ਵਿਕਾਸ ਕਪੂਰ, ਹਰਵਿੰਦਰ ਸਿੰਘ ਦੇਸੂਮਾਜਰਾ,ਪਾਰਸ ਸ਼ਰਮਾ, ਵਿਜੈ ਸ਼ਰਮਾ, ਅਰੁਣ (ਕੁਰਾਲੀ), ਅਤੇ ਜਸਪਾਲ ਸਿੰਘ ਸਮੇਤ ਵੱਡੀ ਗਿਣਤੀ ਵਿੱਚ ਕਾਂਗਰਸ ਦੇ ਆਗੂ, ਅਹੁਦੇਦਾਰ ਅਤੇ ਵਰਕਰ ਸਾਹਿਬਾਨ ਮੌਜੂਦ ਰਹੇ।