ਭਾਰਤ ਅਤੇ ਦੱਖਣੀ ਏਸ਼ੀਆ ’ਚ ਊਬਰ ਦੇ ਐਪ ਆਧਾਰਿਤ ਟੈਕਸੀ ਸੇਵਾ ਕਾਰੋਬਾਰ ਦੀ ਅਗਵਾਈ ਕਰਨ ਤੋਂ ਬਾਅਦ ਪ੍ਰਭਜੀਤ ਸਿੰਘ ਹੁਣ ਭਾਰਤ ’ਚ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏ. ਆਈ.) ਖੇਤਰ ਦੀਆਂ ਸਭ ਤੋਂ ਮਹੱਤਵਪੂਰਨ ਲੀਡਰਸ਼ਿਪ ਭੂਮਿਕਾਵਾਂ ’ਚੋਂ ਇਕ ਸੰਭਾਲਣ ਜਾ ਰਹੇ ਹਨ। ਸੈਮ ਓਲਟਮੈਨ ਦੀ ਅਗਵਾਈ ਵਾਲੀ ਓਪਨ ਏ. ਆਈ. ਨੇ ਪ੍ਰਭਜੀਤ ਸਿੰਘ ਨੂੰ ਭਾਰਤ ਲਈ ਆਪਣਾ ਮੈਨੇਜਿੰਗ ਡਾਇਰੈਕਟਰ ਨਿਯੁਕਤ ਕਰਨ ਦਾ ਐਲਾਨ ਕੀਤਾ।
ਇਸ ਨਿਯੁਕਤੀ ਨਾਲ ਉਹ ਭਾਰਤ ’ਚ ਕੰਪਨੀ ਦੇ ਸਭ ਤੋਂ ਸੀਨੀਅਰ ਅਧਿਕਾਰੀ ਹੋਣਗੇ ਅਤੇ ਦੇਸ਼ ’ਚ ਕੰਪਨੀ ਦੀਆਂ ਰਣਨੀਤਕ ਸਰਗਰਮੀਆਂ ਦੀ ਅਗਵਾਈ ਕਰਨਗੇ। ਕੰਪਨੀ ਨੇ ਕਿਹਾ ਕਿ ਸਿੰਘ ਭਾਰਤ ’ਚ ਖਪਤਕਾਰ ਵਾਧੇ, ਉਦਯੋਗਾਂ ਵੱਲੋਂ ਏ. ਆਈ. ਅਪਣਾਉਣ, ਭਾਈਵਾਲੀਆਂ, ਰੈਗੂਲੇਟਰੀ ਗੱਲਬਾਤ ਅਤੇ ਸੰਚਾਲਨ ਸਮੇਤ ਸਾਰੇ ਪ੍ਰਮੁੱਖ ਖੇਤਰਾਂ ਦੀ ਜ਼ਿੰਮੇਵਾਰੀ ਸੰਭਾਲਣਗੇ। ਸਿੰਘ ਏਸ਼ੀਆ-ਪ੍ਰਸ਼ਾਂਤ ਖੇਤਰ ਦੇ ਮੈਨੇਜਿੰਗ ਡਾਇਰੈਕਟਰ ਕਿਰਨ ਮਣੀ ਦੇ ਅਧੀਨ ਕੰਮ ਕਰਨਗੇ ਅਤੇ ਸਤੰਬਰ ’ਚ ਆਪਣਾ ਚਾਰਜ ਸੰਭਾਲਣਗੇ।