ਗੁਹਾਟੀ : ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਆਸਾਨ ਦੇ ਗੁਹਾਟੀ 'ਚ ਪੂਰਬ-ਉੱਤਰ ਖੇਤਰ ਦੇ ਸਭ ਤੋਂ ਵੱਡੇ ਆਡੀਟੋਰੀਅਮ 'ਜੋਤੀ-ਬਿਸ਼ਨੂ ਅੰਤਜਾਰਤਿਕ ਕਲਾ ਮੰਦਰ' ਦਾ ਸੋਮਵਾਰ ਨੂੰ ਉਦਘਾਟਨ ਕੀਤਾ। ਅਧਿਕਾਰੀਆਂ ਨੇ ਦੱਸਿਆ ਕਿ 291 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣੇ ਇਸ ਆਡੀਟੋਰੀਅਮ 'ਚ 5 ਹਜ਼ਾਰ ਦਰਸ਼ਕਾਂ ਦੇ ਬੈਠਣ ਦੀ ਵਿਵਸਥਾ ਹੈ ਅਤੇ ਇਹ ਸ਼ਹਿਰ ਦੇ ਖਾਨਾਪਾਰਾ ਖੇਤਰ 'ਚ 45 ਬੀਘਾ (14.85 ਏਕੜ) ਜ਼ਮੀਨ 'ਚ ਸਥਾਪਤ ਕੰਪਲੈਕਸ ਦਾ ਹਿੱਸਾ ਹੈ।
ਅਧਿਕਾਰੀਆਂ ਅਨੁਸਾਰ, ਕੰਪਲੈਕਸ 'ਚ ਮੁੱਖ ਆਡੀਟੋਰੀਅਮ ਤੋਂ ਇਲਾਵਾ ਮੌਜੂਦਾ ਹੋਰ ਸਹੂਲਤਾਂ 'ਚ ਇਕ ਕਨਵੇਂਸ਼ਨ ਸੈਂਟਰ, 5 ਵੀਆਈਪੀ ਸੁਈਟ, 450 ਵਾਹਨਾਂ ਲਈ ਬਹੁ ਪੱਧਰੀ ਕਾਰ ਪਾਰਕਿੰਗ ਖੇਤਰ, ਇਕ ਆਧੁਨਿਕ ਆਡੀਓ-ਵਿਜ਼ੁਅਲ ਸਿਸਟਮ ਅਤੇ ਡਿਜ਼ੀਟਲ ਬੁਨਿਆਦੀ ਢਾਂਚਾ ਸ਼ਾਮਲ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਇਹ ਪੂਰਬ-ਉੱਤਰ ਖੇਤਰ ਦਾ ਸਭ ਤੋਂ ਵੱਡਾ ਆਡੀਟੋਰੀਅਮ ਹੈ। ਮੁੱਖ ਮੰਤਰੀ ਹਿੰਮਤ ਵਿਸ਼ਵ ਸਰਮਾ ਨੇ ਐਤਵਾਰ ਨੂੰ ਕਿਹਾ ਸੀ ਕਿ ਪੂਰਾ ਕੰਪਲੈਕਸ ਗ੍ਰੀਨ ਊਰਜਾ ਨਾਲ ਸੰਚਾਲਿਤ ਹੋਵੇਗਾ ਅਤੇ ਆਡੀਟੋਰੀਅਮ ਦੀ ਛੱਤ 'ਤੇ ਸੌਰ ਪੈਨਲ ਲਗਾਏ ਜਾਣਗੇ। ਅਧਿਕਾਰੀਆਂ ਨੇ ਦੱਸਿਆ ਕਿ ਪ੍ਰੋਗਰਾਮ ਸਥਾਨ 'ਤੇ ਸ਼ਾਹ ਜਨਮਜਾਤ ਦਿਲ ਰੋਗ ਪ੍ਰੋਗਰਾਮ ਦੇ 1,000 ਲਾਭਪਾਤਰੀਆਂ ਨੂੰ ਸਨਮਾਨਤ ਵੀ ਕਰਨਗੇ।