ਨਵੀਂ ਦਿੱਲੀ : ਮੰਗਲਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ ਵਿੱਚ ਰੁਪਇਆ 7 ਪੈਸੇ ਟੁੱਟ ਕੇ 95.68 ਰੁਪਏ ਪ੍ਰਤੀ ਡਾਲਰ 'ਤੇ ਆ ਗਿਆ । ਕੱਚੇ ਤੇਲ ਦੀਆਂ ਕੀਮਤਾਂ ਅਤੇ ਅਮਰੀਕੀ ਡਾਲਰ ਦੀ ਲਗਾਤਾਰ ਵਧਦੀ ਮੰਗ ਨਾਲ ਘਰੇਲੂ ਮੁਦਰਾ 'ਤੇ ਦਬਾਅ ਹੈ । ਵਿਦੇਸ਼ੀ ਕਾਰੋਬਾਰੀਆਂ ਨੇ ਦੱਸਿਆ ਕਿ ਬ੍ਰੇਂਟ ਕੱਚਾ ਤੇਲ ਦੀ ਕੀਮਤ ਦੇ ਨੇੜੇ 91 ਡਾਲਰ ਪ੍ਰਤੀ ਬੈਰਲ ਪਹੁੰਚਣ ਨਾਲ ਤੇਲ ਨਾਲ ਸੰਬੰਧਤ ਡਾਲਰ ਦੀ ਮੰਗ ਵਿੱਚ ਵਾਧਾ ਹੋਇਆ ਹੈ । ਇਸ ਦੇ ਨਾਲ ਹੀ ਭਾਰਤੀ ਰਿਜ਼ਰਵ ਬੈਂਕ ਦੀ ਰਿਆਇਤੀ ਐਫ.ਸੀ.ਐਨ.ਆਰ(ਬੀ) ਵਿਦੇਸ਼ੀ ਮੁਦਰਾ ਅਦਲਾ-ਬਦਲੀ ਸੁਵਿਧਾ ਨੂੰ ਅਨੁਮਾਨ ਨਾਲ ਪਹਿਲਾ ਬੰਦ ਕੀਤੇ ਜਾਣ ਨਾਲ ਭਵਿੱਖ ਵਿੱਚ ਡਾਲਰ ਨੂੰ ਲੈ ਕੇ ਚਿੰਤਾ ਵੀ ਵਧ ਗਈ ਹੈ ।
ਅੰਤਰਬੈਂਕ ਵਿਦੇਸ਼ੀ ਮੁਦਰਾ ਵਿਨਿਮਅ ਬਾਜ਼ਾਰ ਵਿੱਚ ਰੁਪਇਆ 95.68 ਪ੍ਰਤੀ ਡਾਲਰ 'ਤੇ ਖੁੱਲ੍ਹਿਆ ਜੋ ਪਿਛਲੀ ਬੰਦ ਕੀਮਤ ਨਾਲ 7 ਪੈਸੇ ਦੀ ਗਿਰਾਵਟ ਦਰਸਾਉਂਦਾ ਹੈ । ਰੁਪਇਆ ਸੋਮਵਾਰ ਨੂੰ 19 ਪੈਸੇ ਟੁੱਟ ਕੇ ਅਮਰੀਕੀ ਡਾਲਰ ਦੇ ਮੁਕਾਬਲੇ 95.61 'ਤੇ ਬੰਦ ਹੋਇਆ ਸੀ । ਇਸ ਦੌਰਾਨ ਦੁਨੀਆ ਦੀਆਂ 6 ਪ੍ਰਮੁੱਖ ਮੁਦਰਾਂ ਦੇ ਮੁਕਾਬਲੇ ਡਾਲਰ ਦੀ ਸਥਿਤੀ ਨੂੰ ਦਰਸਾਉਣ ਵਾਲਾ ਡਾਲਰ ਸੂਚਕਾਂਕ 0.01 ਫੀਸਦੀ ਟੁੱਟ ਕੇ 99.63 'ਤੇ ਰਿਹਾ । ਘਰੇਲੂ ਬਾਜ਼ਾਰ ਵਿੱਚ ਸੈਂਸੇਕਸ ਸ਼ੁਰੂਆਤੀ ਕਾਰੋਬਾਰ 'ਚ 278.32 ਅੰਕ ਟੁੱਟ ਕੇ 77,450.64 ਅੰਕ 'ਤੇ ਅਤੇ ਨਿਫਟੀ 57.65 ਅੰਕ ਦੀ ਗਿਰਾਵਟ ਨਾਲ 24,230.45 ਅੰਕ 'ਤੇ ਰਿਹਾ ।
ਅੰਤਰਰਾਸ਼ਟਰੀ ਤੇਲ ਮੰਨਕ ਬ੍ਰੇਂਟ ਕੱਚੇ ਤੇਲ ਦੀ ਕੀਮਤ 0.51 ਫੀਸਦੀ ਵਧ ਕੇ 91.34 ਡਾਲਰ ਪ੍ਰਤੀ ਬੈਰਲ 'ਤੇ ਪਹੁੰਚ ਗਿਆ । ਸ਼ੇਅਰ ਬਾਜ਼ਾਰ ਦੇ ਅੰਕੜਿਆਂ ਅਨੁਸਾਰ ਵਿਦੇਸ਼ੀ ਨਿਵੇਸ਼ਕਾਂ (FII) ਨੇ ਸੋਮਵਾਰ ਨੂੰ ਸ਼ੁੱਧ ਰੁਪ ਨਾਲ 2,535.10 ਕਰੋੜ ਰੁਪਏ ਦੇ ਸ਼ੇਅੜ ਵੇਚੇ ।