ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 1943 'ਚ ਅੱਜ ਹੀ ਦੇ ਦਿਨ ਪੋਰਟ ਬਲੇਅਰ 'ਚ ਤਿਰੰਗਾ ਲਹਿਰਾਉਣ ਲਈ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਨੂੰ ਯਾਦ ਕੀਤਾ। ਪੀ.ਐੱਮ. ਮੋਦੀ ਨੇ ਕਹਿਾ ਕਿ ਉਹ ਪਲ ਸਾਰਿਆਂ ਨੂੰ ਦਿਵਾਉਂਦਾ ਹੈ ਕਿ ਆਜ਼ਾਦੀ ਸਿਰਫ਼ ਉਮੀਦ ਨਾਲ ਨਹੀਂ ਸਗੋਂ ਮਿਹਨਤ, ਨਿਆਂ ਅਤੇ ਸੰਗਠਿਤ ਸੰਕਲਪ ਨਾਲ ਆਕਾਰ ਲੈਂਦੀ ਹੈ। ਆਜ਼ਾਦ ਹਿੰਦ ਫੌਜ ਜਾਂ 'ਇੰਡੀਅਨ ਨੈਸ਼ਨਲ ਆਰਮੀ' ਦੇ ਮੁਖੀ ਬੋਸ ਨੇ 30 ਦਸੰਬਰ 1943 ਨੂੰ ਪੋਰਟ ਬਲੇਅਰ 'ਚ ਪਹਿਲੀ ਵਾਰ ਭਾਰਤੀ ਰਾਸ਼ਟਰੀ ਝੰਡਾ ਲਹਿਰਾਇਆ ਸੀ।
ਪੀ.ਐੱਮ. ਮੋਦੀ ਨੇ 'ਐਕਸ' 'ਤੇ ਇਕ ਪੋਸਟ 'ਚ ਕਿਹਾ,''ਅੱਜ ਹੀ ਦੇ ਦਿਨ 1943 ਨੂੰ ਨੇਤਾਜੀ ਸੁਭਾਸ਼ ਚੰਦਰ ਬੋਸ ਨੇ ਸਾਹਸ ਤੇ ਵੀਰਤਾ ਨਾਲ ਪੋਰਟ ਬਲੇਅਰ 'ਚ ਤਿਰੰਗਾ ਲਹਿਰਾਇਆ ਸੀ। ਉਹ ਪਲ ਸਾਨੂੰ ਯਾਦ ਦਿਵਾਉਂਦਾ ਹੈ ਕਿ ਆਜ਼ਾਦੀ ਸਿਰਫ਼ ਉਮੀਦ ਨਾਲ ਨਹੀਂ ਸਗੋਂ ਮਿਹਨਤ, ਨਿਆਂ ਅਤੇ ਸੰਗਠਿਤ ਸੰਕਲਪ ਨਾਲ ਆਕਾਰ ਲੈਂਦੀ ਹੈ।''