ਨਵੀਂ ਦਿੱਲੀ : Real Estate ਸੈਕਟਰ ਤੋਂ ਅੱਜ (ਵੀਰਵਾਰ) ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਇਨਫੋਰਸਮੈਂਟ ਡਾਇਰੈਕਟੋਰੇਟ (ED) ਨੇ Jaypee Infratech Ltd ਦੇ MD ਮਨੋਜ ਗੌੜ (Manoj Gaur) ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਇਹ ਕਾਰਵਾਈ ਮਨੀ ਲਾਂਡਰਿੰਗ ਰੋਕਥਾਮ ਐਕਟ (PMLA) ਤਹਿਤ ਕੀਤੀ ਗਈ ਹੈ, ਜਿਸ ਵਿੱਚ ਉਨ੍ਹਾਂ 'ਤੇ ਹਜ਼ਾਰਾਂ ਘਰ ਖਰੀਦਦਾਰਾਂ ਨਾਲ ਧੋਖਾਧੜੀ ਅਤੇ ਕਰੋੜਾਂ ਰੁਪਏ ਦੀ money laundering ਦਾ ਗੰਭੀਰ ਦੋਸ਼ ਹੈ।
ਕਰੋੜਾਂ ਦੀ 'ਹੇਰਾਫੇਰੀ' ਦਾ ਦੋਸ਼
ED ਦਾ ਦੋਸ਼ ਹੈ ਕਿ Jaypee Infratech Ltd ਨੇ ਆਪਣੇ Real Estate ਪ੍ਰੋਜੈਕਟਾਂ ਲਈ ਘਰ ਖਰੀਦਦਾਰਾਂ ਤੋਂ ਜੋ ਪੈਸਾ ਲਿਆ, ਉਸਨੂੰ Jaypee Associates Limited (JAL) ਅਤੇ ਹੋਰ ਜੁੜੀਆਂ ਹੋਈਆਂ ਕੰਪਨੀਆਂ ਵਿੱਚ ਲਗਾ ਕੇ ਉਨ੍ਹਾਂ ਦੀ ਗਲਤ ਵਰਤੋਂ ਕੀਤੀ ਗਈ।
ਦੋਸ਼ ਹੈ ਕਿ Manoj Gaur ਰਾਹੀਂ ਇਨ੍ਹਾਂ ਕੰਪਨੀਆਂ ਨੇ ਕਰੋੜਾਂ ਰੁਪਏ ਦੀ ਗੜਬੜੀ ਕੀਤੀ ਹੈ। ਇਸ ਧੋਖਾਧੜੀ 'ਚ ਕਈ ਨਿਵੇਸ਼ਕਾਂ ਦਾ ਪੈਸਾ ਅਟਕਿਆ ਹੋਇਆ ਹੈ ਅਤੇ ਉਨ੍ਹਾਂ ਨੂੰ ਅਜੇ ਤੱਕ ਨੁਕਸਾਨ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
2017 'ਚ ਦਰਜ ਹੋਈਆਂ ਸਨ ਕਈ FIR
ਇਹ ਮਾਮਲਾ ਸਾਲ 2017 'ਚ ਉਦੋਂ ਸੁਰਖੀਆਂ 'ਚ ਆਇਆ ਸੀ, ਜਦੋਂ ਘਰ ਖਰੀਦਦਾਰਾਂ (homebuyers) ਨੇ ਬਿਲਡਰ ਖਿਲਾਫ਼ ਜ਼ੋਰਦਾਰ ਪ੍ਰਦਰਸ਼ਨ ਕੀਤਾ ਸੀ ਅਤੇ ਦੋਸ਼ ਲਾਇਆ ਸੀ ਕਿ ਉਨ੍ਹਾਂ ਦੇ ਪੈਸੇ ਦੀ ਗਲਤ ਵਰਤੋਂ ਕੀਤੀ ਗਈ ਹੈ, ਜਿਸ ਤੋਂ ਬਾਅਦ ਕਈ FIR (ਐਫਆਈਆਰ) ਦਰਜ ਕੀਤੀਆਂ ਗਈਆਂ ਸਨ।