ਨਵੀਂ ਦਿੱਲੀ : ਦਿੱਲੀ 'ਚ 10 ਨਵੰਬਰ ਨੂੰ ਹੋਏ ਲਾਲ ਕਿਲ੍ਹਾ ਕਾਰ ਬਲਾਸਟ ਦੀ ਜਾਂਚ 'ਚ ਇੱਕ ਵੱਡਾ ਖੁਲਾਸਾ ਹੋਇਆ ਹੈ। ਪੁਲਿਸ ਨੂੰ ਮਿਲੀ ਨਵੀਂ CCTV ਫੁਟੇਜ ਤੋਂ ਪਤਾ ਲੱਗਾ ਹੈ ਕਿ 'ਫਿਦਾਈਨ' ਹਮਲਾਵਰ ਡਾਕਟਰ ਉਮਰ ਨਬੀ (Dr. Umar Nabi) ਨੇ ਧਮਾਕੇ ਤੋਂ ਪਹਿਲਾਂ ਤੁਰਕਮਾਨ ਗੇਟ (Turkman Gate) ਅਤੇ ਨਿਜ਼ਾਮੂਦੀਨ ਦਰਗਾਹ (Nizamuddin Dargah) ਦਾ ਦੌਰਾ ਕੀਤਾ ਸੀ। ਪੁਲਿਸ ਹੁਣ ਇਹ ਜਾਂਚ ਕਰ ਰਹੀ ਹੈ ਕਿ ਉਹ ਉੱਥੇ ਕਿਸੇ ਨੂੰ ਮਿਲਣ ਗਿਆ ਸੀ ਜਾਂ ਸਿਰਫ਼ ਮੱਥਾ ਟੇਕਣ।
ਦਰਗਾਹ 'ਚ 30 ਮਿੰਟ, ਪਾਰਕਿੰਗ 'ਚ 3 ਘੰਟੇ
ਪੁਲਿਸ ਨੂੰ Nizamuddin Dargah ਦੀ ਜੋ ਫੁਟੇਜ ਮਿਲੀ ਹੈ, ਉਸ 'ਚ ਉਹ ਦਰਗਾਹ 'ਚ ਜਾਂਦੇ ਹੋਏ ਦਿਸਿਆ ਹੈ। ਉਹ ਉੱਥੇ ਕਰੀਬ ਅੱਧਾ ਘੰਟਾ ਰੁਕਿਆ ਅਤੇ ਫਿਰ ਬਾਹਰ ਨਿਕਲ ਗਿਆ। ਪੁਲਿਸ ਟੀਮ ਹੁਣ ਤੁਰਕਮਾਨ ਗੇਟ (Turkman Gate) ਸਥਿਤ ਦਰਗਾਹ ਫੈਜ਼-ਏ-ਇਲਾਹੀ ਵੀ ਜਾਂਚ ਕਰਨ ਪਹੁੰਚੀ ਹੈ।
ਜਾਂਚ 'ਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਡਾ. ਉਮਰ ਨੇ ਧਮਾਕੇ ਤੋਂ ਪਹਿਲਾਂ ਆਪਣੀ Hyundai i20 ਕਾਰ ਨੂੰ ਸੁਨਹਿਰੀ ਮਸਜਿਦ ਦੀ ਪਾਰਕਿੰਗ 'ਚ ਕਰੀਬ ਤਿੰਨ ਘੰਟੇ ਤੱਕ ਖੜ੍ਹਾ ਰੱਖਿਆ ਸੀ।
ਪਾਰਕਿੰਗ 'ਚ ਅਜਿਹੀ ਥਾਂ ਲੁਕਾਈ ਕਾਰ, ਜਿੱਥੇ ਨਹੀਂ ਸੀ ਕੈਮਰਾ
CCTV ਫੁਟੇਜ ਤੋਂ ਪਤਾ ਲੱਗਾ ਕਿ ਉਹ ਸੋਮਵਾਰ (10 ਨਵੰਬਰ) ਦੁਪਹਿਰ 3:19 ਵਜੇ ਕਾਰ ਲੈ ਕੇ ਪਾਰਕਿੰਗ 'ਚ ਇਕੱਲਾ ਦਾਖਲ ਹੋਇਆ ਸੀ ਅਤੇ ਸ਼ਾਮ 6:25 ਵਜੇ (ਬਲਾਸਟ ਤੋਂ ਠੀਕ 27 ਮਿੰਟ ਪਹਿਲਾਂ) ਉੱਥੋਂ ਨਿਕਲਿਆ।
ਖਦਸ਼ਾ ਜਤਾਇਆ ਜਾ ਰਿਹਾ ਹੈ ਕਿ ਉਮਰ ਪਹਿਲਾਂ ਵੀ ਇਸ ਪਾਰਕਿੰਗ 'ਚ ਆਇਆ ਹੈ, ਕਿਉਂਕਿ ਉਸਨੇ ਆਪਣੀ ਕਾਰ ਨੂੰ ਅਜਿਹੀ ਥਾਂ ਪਾਰਕ ਕੀਤਾ ਸੀ, ਜਿੱਥੇ CCTV ਕੈਮਰਾ ਨਹੀਂ ਸੀ। (ਹਾਲਾਂਕਿ, ਪਾਰਕਿੰਗ ਦੇ entry ਅਤੇ exit ਗੇਟ 'ਤੇ ਉਹ ਕੈਮਰੇ 'ਚ ਕੈਦ ਹੋ ਗਿਆ)।
U-turn ਲੈਂਦਿਆਂ ਹੀ ਕੀਤਾ ਬਲਾਸਟ
ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਪਾਰਕਿੰਗ ਤੋਂ ਨਿਕਲਣ ਤੋਂ ਬਾਅਦ, ਉਮਰ ਕਾਰ ਲੈ ਕੇ ਨੇਤਾਜੀ ਸੁਭਾਸ਼ ਮਾਰਗ ਤੋਂ ਜਾਮਾ ਮਸਜਿਦ (Jama Masjid) ਅਤੇ ਲਾਲ ਕਿਲ੍ਹੇ (Red Fort) ਦੇ ਸਾਹਮਣਿਓਂ ਹੁੰਦਾ ਹੋਇਆ ਪੁਰਾਣੀ ਦਿੱਲੀ ਰੇਲਵੇ ਸਟੇਸ਼ਨ ਵੱਲ ਗਿਆ।
ਉੱਥੋਂ ਉਸਨੇ U-turn ਲਿਆ ਅਤੇ ਵਾਪਸ ਲਾਲ ਕਿਲ੍ਹੇ (Red Fort) ਕੋਲ ਆਇਆ। ਇੱਥੇ ਹੀ, ਲਾਲ ਬੱਤੀ (red light) ਕੋਲ, ਹੌਲੀ ਗਤੀ 'ਤੇ ਚੱਲਦੀ ਕਾਰ 'ਚ ਭਿਆਨਕ ਧਮਾਕਾ ਹੋ ਗਿਆ। ਪੁਲਿਸ ਨੇ ਇਨ੍ਹਾਂ ਸਾਰੀਆਂ ਫੁਟੇਜ (footage) ਨੂੰ ਜ਼ਬਤ ਕਰ ਲਿਆ ਹੈ।