ਨਵੀਂ ਦਿੱਲੀ : ਦਿੱਲੀ 'ਚ ਸੋਮਵਾਰ (10 ਨਵੰਬਰ) ਸ਼ਾਮ ਨੂੰ ਲਾਲ ਕਿਲ੍ਹਾ ਨੇੜੇ ਹੋਏ ਭਿਆਨਕ ਕਾਰ ਬਲਾਸਟ ਦੀ ਜਾਂਚ 'ਚ ਵੀਰਵਾਰ ਨੂੰ ਇੱਕ ਹੋਰ ਵੱਡਾ ਖੁਲਾਸਾ ਹੋਇਆ ਹੈ। ਦਿੱਲੀ ਪੁਲਿਸ ਅਤੇ ਫੋਰੈਂਸਿਕ ਟੀਮ ਨੂੰ ਅੱਜ ਬਲਾਸਟ ਸਾਈਟ ਨੇੜੇ, ਨਵੀਂ ਲਾਜਪਤ ਰਾਏ ਮਾਰਕੀਟ (Lajpat Rai Market) ਤੋਂ ਇੱਕ ਹੋਰ 'ਲਾਸ਼ ਦਾ ਟੁਕੜਾ' ਮਿਲਿਆ ਹੈ। ਉੱਥੇ ਹੀ ਦੂਜੇ ਪਾਸੇ ਦੱਸ ਦਈਏ ਕਿ ਜਾਂਚ ਏਜੰਸੀਆਂ ਨੇ ਫਰੀਦਾਬਾਦ ਤੋਂ ਗ੍ਰਿਫ਼ਤਾਰ ਅੱਤਵਾਦੀਆਂ ਡਾ. ਉਮਰ ਅਤੇ ਡਾ. ਮੁਜ਼ੱਮਿਲ ਦੀਆਂ 'ਡਾਇਰੀਆਂ' ਵੀ ਬਰਾਮਦ ਕੀਤੀਆਂ ਹਨ, ਜਿਨ੍ਹਾਂ ਤੋਂ 4 ਸ਼ਹਿਰਾਂ 'ਚ ਸੀਰੀਅਲ ਬਲਾਸਟ ਦੀ ਵੱਡੀ ਸਾਜ਼ਿਸ਼ ਦਾ ਪਰਦਾਫਾਸ਼ ਹੋਇਆ ਹੈ।
'ਫਿਦਾਈਨ' ਡਾ. ਉਮਰ ਦੀ DNA ਤੋਂ ਹੋਈ ਪੁਸ਼ਟੀ
ਇਹ ਖ਼ਬਰ ਉਦੋਂ ਆਈ ਹੈ ਜਦੋਂ ਬੁੱਧਵਾਰ ਨੂੰ ਹੀ ਫੋਰੈਂਸਿਕ DNA ਟੈਸਟਿੰਗ ਤੋਂ ਇਹ ਪੁਸ਼ਟੀ ਹੋ ਗਈ ਸੀ ਕਿ ਲਾਲ ਕਿਲ੍ਹਾ ਨੇੜੇ ਕਾਰ 'ਚ ਧਮਾਕਾ ਕਰਨ ਵਾਲਾ 'ਫਿਦਾਈਨ' ਹਮਲਾਵਰ ਡਾਕਟਰ ਉਮਰ ਉਨ ਨਬੀ (Dr. Umar Un Nabi) ਹੀ ਸੀ। ਉਸਦਾ DNA ਸੈਂਪਲ ਉਸਦੀ ਮਾਂ ਦੇ ਸੈਂਪਲ ਨਾਲ 100% ਮੈਚ ਕਰ ਗਿਆ ਹੈ।
'ਡਾਇਰੀ' ਨੇ ਖੋਲ੍ਹੇ 4 ਸ਼ਹਿਰਾਂ ਦੀ ਸਾਜ਼ਿਸ਼ ਦੇ ਰਾਜ਼
ਪੁਲਿਸ ਨੂੰ ਇਹ ਡਾਇਰੀਆਂ ਮੰਗਲਵਾਰ ਅਤੇ ਬੁੱਧਵਾਰ ਨੂੰ ਡਾ. ਉਮਰ ਦੇ ਕਮਰਾ ਨੰਬਰ ਚਾਰ ਅਤੇ ਮੁਜ਼ੱਮਿਲ ਦੇ ਕਮਰਾ ਨੰਬਰ 13 ਤੋਂ ਮਿਲੀਆਂ ਹਨ। ਸੂਤਰਾਂ ਮੁਤਾਬਕ, ਇਨ੍ਹਾਂ ਡਾਇਰੀਆਂ 'ਚ 8 ਨਵੰਬਰ ਤੋਂ 12 ਨਵੰਬਰ ਤੱਕ ਦੀਆਂ ਤਾਰੀਖਾਂ ਲਿਖੀਆਂ ਹਨ, ਜੋ यह ਦਰਸਾਉਂਦਾ ਹੈ ਕਿ ਇਸ ਦੌਰਾਨ ਹਮਲੇ ਦੀ ਪਲਾਨਿੰਗ (planning) ਚੱਲ ਰਹੀ ਸੀ।
ਡਾਇਰੀ 'ਚ ਕੋਡ ਵਰਡ ਤੋਂ ਇਲਾਵਾ 25 ਲੋਕਾਂ ਦੇ ਨਾਂ ਵੀ ਹਨ, ਜਿਨ੍ਹਾਂ 'ਚੋਂ ਜ਼ਿਆਦਾਤਰ ਜੰਮੂ-ਕਸ਼ਮੀਰ (Jammu-Kashmir) ਅਤੇ ਫਰੀਦਾਬਾਦ (Faridabad) ਦੇ ਰਹਿਣ ਵਾਲੇ ਹਨ।