ਨਿਰਦੇਸ਼ਕ ਇਮਤਿਆਜ਼ ਅਲੀ ਦੀ ਮਚ-ਅਵੇਟਿਡ ਰੋਮਾਂਟਿਕ ਡਰਾਮਾ ਫ਼ਿਲਮ ‘ਮੈਂ ਵਾਪਸ ਆਊਂਗਾ’ ਦੀ ਮੁੰਬਈ ’ਚ ਸਪੈਸ਼ਲ ਸਕ੍ਰੀਨਿੰਗ ਦਾ ਆਯੋਜਨ ਕੀਤਾ ਗਿਆ। 12 ਜੂਨ, 2026 ਨੂੰ ਸਿਨੇਮਾਘਰਾਂ ’ਚ ਰਿਲੀਜ਼ ਹੋਣ ਜਾ ਰਹੀ ਫ਼ਿਲਮ ਨੂੰ ਦੇਖਣ ਬਾਲੀਵੁੱਡ ਦੇ ਕਈ ਦਿੱਗਜ ਸਿਤਾਰੇ ਪੁੱਜੇ। ਫ਼ਿਲਮ ਦੇ ਸ਼ੁਰੂਆਤੀ ਰਿਵਿਊਜ਼ ਬੇਹੱਦ ਸਕਾਰਾਤਮਕ ਹਨ ਅਤੇ ਇਸ ਨੂੰ ਇਕ ਦਿਲ ਛੂਹ ਲੈਣ ਵਾਲੀ ਕਹਾਣੀ ਦੱਸਿਆ ਜਾ ਰਿਹਾ ਹੈ।
ਸਕ੍ਰੀਨਿੰਗ ਦੌਰਾਨ ਫ਼ਿਲਮ ਜਗਤ ਦੀਆਂ ਕਈ ਜਾਣੀਆਂ-ਪਛਾਣੀਆਂ ਹਸਤੀਆਂ ਨਜ਼ਰ ਆਈਆਂ, ਜਿਨ੍ਹਾਂ ’ਚ ਅਦਾਕਾਰਾ ਡੋਨਲ ਬਿਸ਼ਟ, ਅਹਿਸਾਸ ਚੰਨਾ, ਨਸੀਰੂਦੀਨ ਸ਼ਾਹ, ਸ਼ਰਮਨ ਜੋਸ਼ੀ, ਪ੍ਰੇਰਣਾ ਚੋਪੜਾ, ਕੇਨ ਘੋਸ਼, ਪ੍ਰੀਤੀ ਅਲੀ, ਇਦਾ ਅਲੀ, ਕਬੀਰ ਖ਼ਾਨ, ਮਿੰਨੀ ਮਾਥੁਰ, ਅਤੁਲ ਅਗਨੀਹੋਤਰੀ ਅਤੇ ਸੇਜਲ ਸ਼ਰਮਾ ਨੂੰ ਸਪਾਟ ਕੀਤਾ ਗਿਆ।
ਇਹ ਫ਼ਿਲਮ 1947 ਦੇ ਭਾਰਤ-ਪਾਕਿਸਤਾਨ ਵੰਡ ਦੇ ਪਿਛੋਕੜ ’ਤੇ ਬੁਣੀ ਗਈ ਪ੍ਰੇਮ ਕਹਾਣੀ ਹੈ। ਫ਼ਿਲਮ ’ਚ ਵੰਡ ਦੇ ਸਮੇਂ ਵਿਛੜੇ ਇਕ ਜੋੜੇ ਦੀ 78 ਸਾਲ ਪੁਰਾਣੀ ਅਧੂਰੀ ਦਾਸਤਾਨ ਨੂੰ ਆਧੁਨਿਕ ਦੌਰ ਨਾਲ ਜੋੜ ਕੇ ਦਿਖਾਇਆ ਗਿਆ ਹੈ। ਸੰਗੀਤ ਏ.ਆਰ. ਰਹਮਾਨ ਨੇ ਤਿਆਰ ਕੀਤਾ ਹੈ, ਜਿਸ ਨੂੰ ਜ਼ਬਰਦਸਤ ਰਿਸਪਾਂਸ ਮਿਲ ਰਿਹਾ ਹੈ।