ਦੇਸ਼ ਦੇ 9 ਪ੍ਰਮੁੱਖ ਬੁਨਿਆਦੀ ਢਾਂਚਾ ਉਦਯੋਗਾਂ ਦੀ ਵਾਧਾ ਦਰ ਅਗਸਤ ’ਚ ਘਟ ਕੇ 4.8 ਫੀਸਦੀ ਰਹੀ। ਕੋਲਾ, ਕੁਦਰਤੀ ਗੈਸ, ਕੱਚੇ ਤੇਲ ਅਤੇ ਖਾਦ ਉਤਪਾਦਨ ’ਚ ਗਿਰਾਵਟ ਕਾਰਨ ਬੁਨਿਆਦੀ ਢਾਂਚਾ ਉਦਯੋਗਾਂ ਦੇ ਉਤਪਾਦਨ ਦੀ ਰਫਤਾਰ ਸੁਸਤ ਪਈ ਹੈ। ਸਰਕਾਰ ਵੱਲੋਂ ਜਾਰੀ ਅੰਕੜਿਆਂ ਤੋਂ ਇਹ ਜਾਣਕਾਰੀ ਮਿਲੀ।
ਬੁਨਿਆਦੀ ਢਾਂਚਾ ਉਦਯੋਗਾਂ ਦੇ ਉਤਪਾਦਨ ’ਚ ਪਿਛਲੇ ਸਾਲ ਅਗਸਤ ’ਚ 6.2 ਫੀਸਦੀ ਅਤੇ ਇਸ ਸਾਲ ਜੁਲਾਈ ’ਚ 5 ਫੀਸਦੀ ਦਾ ਵਾਧਾ ਹੋਇਆ ਸੀ। ਅੰਕੜਿਆਂ ਅਨੁਸਾਰ ਚਾਲੂ ਮਾਲੀ ਸਾਲ ’ਚ ਅਪ੍ਰੈਲ-ਅਗਸਤ ਦੌਰਾਨ ਇਨ੍ਹਾਂ ਪ੍ਰਮੁੱਖ ਬੁਨਿਆਦੀ ਢਾਂਚਾ ਉਦਯੋਗਾਂ ਦੀ ਵਾਧਾ ਦਰ 4.3 ਫੀਸਦੀ ਰਹੀ, ਜੋ ਬੀਤੇ ਮਾਲੀ ਸਾਲ 2025-26 ਦੀ ਇਸੇ ਮਿਆਦ ’ਚ 2.4 ਫੀਸਦੀ ਸੀ।