ਮੁੰਬਈ : ਬਾਲੀਵੁੱਡ ਸਟਾਰ ਅਜੈ ਦੇਵਗਨ ਨੇ ਫਿਲਮ 'ਰਾਜਾ ਸ਼ਿਵਾਜੀ' ਲਈ ਰਿਤੇਸ਼ ਦੇਸ਼ਮੁਖ ਦੀ ਸਖ਼ਤ ਮਿਹਨਤ ਦੀ ਪ੍ਰਸ਼ੰਸਾ ਕੀਤੀ ਹੈ। ਜੀਓ ਸਟੂਡੀਓਜ਼ ਅਤੇ ਮੁੰਬਈ ਫਿਲਮ ਕੰਪਨੀ ਦੁਆਰਾ ਨਿਰਮਿਤ, ਰਾਜਾ ਸ਼ਿਵਾਜੀ ਹੁਣ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਗਈ ਹੈ ਅਤੇ ਦਰਸ਼ਕਾਂ ਵਿੱਚ ਚਰਚਾ ਦਾ ਵਿਸ਼ਾ ਬਣ ਗਈ ਹੈ। ਫਿਲਮ ਦੇ ਨਾਲ ਇੱਕ ਵਿਸ਼ੇਸ਼ ਵੀਡੀਓ ਕਲਿੱਪ ਵੀ ਜਾਰੀ ਕੀਤੀ ਗਈ ਹੈ, ਜਿਸ ਵਿੱਚ ਅਜੈ ਦੇਵਗਨ ਅਤੇ ਰਿਤੇਸ਼ ਦੇਸ਼ਮੁਖ ਵਿਚਕਾਰ ਇੱਕ ਦਿਲਚਸਪ ਗੱਲਬਾਤ ਦਿਖਾਈ ਗਈ ਹੈ। ਇਸ ਗੱਲਬਾਤ ਵਿੱਚ, ਅਜੈ ਦੇਵਗਨ ਦੱਸਦੇ ਹਨ ਕਿ ਅੱਜ-ਕੱਲ੍ਹ ਲੋਕ ਐਵੇਂਜਰਸ, ਸੁਪਰਮੈਨ ਅਤੇ ਸਪਾਈਡਰ-ਮੈਨ ਵਰਗੀਆਂ ਸੁਪਰਹੀਰੋ ਫਿਲਮਾਂ ਨੂੰ ਪਸੰਦ ਕਰਦੇ ਹਨ ਪਰ ਉਹ ਸਾਨੂੰ ਇਹ ਵੀ ਯਾਦ ਦਿਵਾਉਂਦੇ ਹਨ ਕਿ ਸਾਡੇ ਆਪਣੇ ਇਤਿਹਾਸ ਵਿੱਚ ਅਜਿਹੇ ਅਸਲੀ ਹੀਰੋ ਰਹੇ ਹਨ, ਜਿਨ੍ਹਾਂ ਨੇ ਸੱਚਮੁੱਚ ਦੇਸ਼ ਲਈ ਮਹਾਨ ਕੁਰਬਾਨੀਆਂ ਦਿੱਤੀਆਂ ਹਨ।
ਫਿਲਮ ਵਿੱਚ ਛਤਰਪਤੀ ਸ਼ਿਵਾਜੀ ਮਹਾਰਾਜ ਦਾ ਕਿਰਦਾਰ ਨਿਭਾਉਣ ਵਾਲੇ ਰਿਤੇਸ਼ ਦੇਸ਼ਮੁਖ ਦਾ ਕਹਿਣ ਹੈ ਕਿ ਉਹ ਬਚਪਨ ਤੋਂ ਹੀ ਉਨ੍ਹਾਂ ਨੂੰ ਆਪਣਾ "ਪਹਿਲਾ ਸੁਪਰਹੀਰੋ" ਮੰਨਦੇ ਹਨ। ਇਸ ਪਿਆਰ ਅਤੇ ਪ੍ਰੇਰਨਾ ਨੇ ਉਨ੍ਹਾਂ ਨੂੰ ਰਾਜਾ ਸ਼ਿਵਾਜੀ ਬਣਾਉਣ ਲਈ ਪ੍ਰੇਰਿਤ ਕੀਤਾ। ਵੀਡੀਓ ਵਿੱਚ, ਅਜੈ ਦੇਵਗਨ, ਜਿਸਨੇ ਤਾਨਾਜੀ ਵਿੱਚ ਵੀਰ ਯੋਧਾ ਦੀ ਭੂਮਿਕਾ ਨਿਭਾਈ ਸੀ, ਫਿਲਮ ਲਈ ਰਿਤੇਸ਼ ਦੀ ਸਖ਼ਤ ਮਿਹਨਤ ਅਤੇ ਜਨੂੰਨ ਦੀ ਵੀ ਪ੍ਰਸ਼ੰਸਾ ਕਰਦੇ ਹਨ। ਉਹ ਕਹਿੰਦੇ ਹਨ ਕਿ ਇਸ ਕਿਰਦਾਰ ਨੂੰ ਰਿਤੇਸ਼ ਜਿੰਨੀ ਸੱਚਾਈ ਅਤੇ ਦਿਲ ਨਾਲ ਕੋਈ ਨਹੀਂ ਦਰਸਾ ਸਕਦਾ ਸੀ। ਹਿੰਦੀ ਅਤੇ ਮਰਾਠੀ ਦੋਵਾਂ ਭਾਸ਼ਾਵਾਂ ਵਿੱਚ ਰਿਲੀਜ਼ ਹੋਈ ਇਹ ਫਿਲਮ ਛਤਰਪਤੀ ਸ਼ਿਵਾਜੀ ਮਹਾਰਾਜ ਦੇ ਜੀਵਨ ਅਤੇ ਉਨ੍ਹਾਂ ਦੇ ਸ਼ਾਨਦਾਰ ਇਤਿਹਾਸ ਨੂੰ ਸ਼ਰਧਾਂਜਲੀ ਦਿੰਦੀ ਹੈ। ਇਹ ਫਿਲਮ ਜੀਓ ਸਟੂਡੀਓ ਦੁਆਰਾ ਪੇਸ਼ ਕੀਤੀ ਗਈ ਹੈ ਅਤੇ ਮੁੰਬਈ ਫਿਲਮ ਕੰਪਨੀ ਦੇ ਬੈਨਰ ਹੇਠ ਜੋਤੀ ਦੇਸ਼ਪਾਂਡੇ ਅਤੇ ਜੇਨੇਲੀਆ ਦੇਸ਼ਮੁਖ ਦੁਆਰਾ ਨਿਰਮਿਤ ਹੈ।