ਖਰੜ (ਪ੍ਰੀਤ ਪੱਤੀ) : ਸਾਬਕਾ ਵਿਦਿਆਰਥੀ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਭਲਾਈ ਸੰਸਥਾ (ਰਜਿ.)ਖਰੜ ਦੀ ਮੀਟਿੰਗ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਖਰੜ ਵਿਖੇ ਸ੍ਰੀ ਰਜਵੰਤ ਸਿੰਘ ਕਪੂਰ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਹੋਈ ਜਿਸ ਵਿੱਚ ਖਾਲਸਾ ਸਕੂਲ ਦੇ ਨੌਵੀਂ ਜਮਾਤ ਦੇ ਹੋਣਹਾਰ ਅਤੇ ਗਰੀਬ ਵਿਦਿਆਰਥੀਆਂ ਨੂੰ ਸਾਲ 2026-27 ਦੀ ਸਲਾਨਾ ਫੀਸ 5400-00 ਰੁਪਏ ਜਮਾਂ ਕਰਵਾਈ ਗਈ।ਇਹ ਰਕਮ ਸੰਸਥਾ ਦੇ ਮੈਂਬਰ ਅਵਤਾਰ ਸਿੰਘ ਵਾਲੀਆ ਵਲੋਂ ਡਾ ਖੁਸ਼ਹਾਲ ਸਿੰਘ ਬੈਂਸ ਦੀ ਯਾਦ ਵਿੱਚ ਜਾਰੀ ਕੀਤੀ ਗਈ। ਸੰਸਥਾ ਵਲੋਂ ਹੋਣਹਾਰ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕਰਨ ਅਤੇ ਵਿਦਿਆਰਥੀਆਂ ਨੂੰ ਲੈਕਚਰ ਦਿਵਾਉਣ ਲਈ ਪ੍ਰਿੰਸੀਪਲ ਸਾਹਿਬ ਵਲੋਂ ਛੇਤੀ ਹੀ ਸਮਾਂ ਦੇਣ ਬਾਰੇ ਦੱਸਿਆ ਗਿਆ। ਮੀਟਿੰਗ ਵਿੱਚ ਕਮਲਜੀਤ ਸਿੰਘ ਲੌਂਗੀਆ, ਗੁਣਵੰਤ ਸਿੰਘ , ਸੌਕਇੰਦਰ ਸਿੰਘ ਕੋਰਾ, ਸੁਰਿੰਦਰ ਸਿੰਘ ਜੰਡਪੁਰੀ, ਸੁਦਾਗਰ ਸਿੰਘ ਕੋਮਲ ਅਤੇ ਗੁਰਮੁੱਖ ਸਿੰਘ ਨਾਲ ਹੋਰ ਮੈਂਬਰ ਸ਼ਾਮਲ ਸਨ।