ਸੁਨਾਮ ਊਧਮ ਸਿੰਘ ਵਾਲਾ (ਰਮੇਸ਼ ਗਰਗ) : ਸਥਾਨਕ ਸ਼੍ਰੀ ਰਾਮ ਆਸ਼ਰਮ ਮੰਦਰ ਦੇ ਵਿੱਚ ਸਪਤਾਹ ਦੇ ਪਹਿਲੇ ਦਿਨ ਪ੍ਰਸਿੱਧ ਕਥਾਵਾਚਕ ਸਵਾਮੀ ਗੋਪਾਲ ਸ਼ਾਸਤਰੀ ਜੀ ਨੇ ਸੰਗਤਾਂ ਨੂੰ ਨਿਹਾਲ ਕੀਤਾ।
ਕਥਾ ਦੇ ਪਹਿਲੇ ਦਿਨ ਸਵਾਮੀ ਜੀ ਨੇ ਭਗਵਾਨ ਰਾਮ ਅਤੇ ਹਨੂੰਮਾਨ ਜੀ ਦੇ ਪ੍ਰਸੰਗਾਂ ਦਾ ਵਰਣਨ ਕਰਦਿਆਂ ਕਿਹਾ ਕਿ ਜਦੋਂ ਹਨੂੰਮਾਨ ਜੀ ਲੰਕਾ ਗਏ ਸਨ, ਤਾਂ ਪੂਰੀ ਲੰਕਾ ਵਿੱਚ ਉਨ੍ਹਾਂ ਨੂੰ ਕੇਵਲ ਇੱਕੋ ਘਰ ਅਜਿਹਾ ਮਿਲਿਆ ਜਿੱਥੇ ਪ੍ਰਭੂ ਰਾਮ ਦਾ ਨਾਮ ਲਿਖਿਆ ਹੋਇਆ ਸੀ ਅਤੇ ਉਸਦੇ ਵਿਹੜੇ ਵਿੱਚ ਤੁਲਸੀ ਦਾ ਪੌਦਾ ਲੱਗਿਆ ਹੋਇਆ ਸੀ।
ਉਨ੍ਹਾਂ ਦੱਸਿਆ ਕਿ ਜਦੋਂ ਵਿਭੀਸ਼ਣ ਸਵੇਰੇ ਉੱਠਿਆ ਤਾਂ ਉਸਨੇ ਸਭ ਤੋਂ ਪਹਿਲਾਂ ਰਾਮ-ਨਾਮ ਦਾ ਸਿਮਰਨ ਕੀਤਾ। ਸਵਾਮੀ ਜੀ ਨੇ ਇਸ ਘਟਨਾ ਰਾਹੀਂ ਸਿਮਰਨ ਅਤੇ ਭਗਤੀ ਦੀ ਮਹੱਤਤਾ 'ਤੇ ਚਾਨਣਾ ਪਾਇਆ।
ਕਮੇਟੀ ਪ੍ਰਧਾਨ ਤਰੁਣ ਬਾਂਸਲ ਨੇ ਸ਼ਹਿਰ ਨਿਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਵੱਧ-ਚੜ੍ਹ ਕੇ ਇਸ ਕਥਾ ਵਿੱਚ ਸ਼ਾਮਲ ਹੋਣ ਅਤੇ ਅਧਿਆਤਮਿਕ ਆਨੰਦ ਪ੍ਰਾਪਤ ਕਰਨ।
ਕਥਾ ਦੇ ਮੁੱਖ ਯਜਮਾਨ ਸੰਦੀਪ ਜਿੰਦਲ ਅਤੇ ਰੀਤੂ ਜਿੰਦਲ ਹਨ। ਇਸ ਤੋਂ ਇਲਾਵਾ ਅਸ਼ੋਕ ਬਾਂਸਲ ਅਤੇ ਸੁਸ਼ੀਲਾ ਰਾਣੀ ਨੇ ਵੀ ਯਜਮਾਨ ਵਜੋਂ ਸੇਵਾਵਾਂ ਨਿਭਾਈਆਂ।
ਇਸ ਮੌਕੇ ਤਰੁਣ ਬਾਂਸਲ, ਅਸ਼ੋਕ ਵਰਮਾ, ਕ੍ਰਿਸ਼ਨ ਸਿੰਗਲਾ, ਗੁਰਦਿਆਲ ਗਰਗ, ਰਜਿੰਦਰ ਗਰਗ, ਗਗਨਦੀਪ ਗਰਗ, ਮਹਿੰਦਰ ਸਿੰਘ, ਓਮ ਪ੍ਰਕਾਸ਼ ਬਲੇਚਾ, ਸੌਰਵ ਜੈਨ, ਸੁਰੇਸ਼ ਗਰਗ, ਕਾਨਗੋ, ਮਾਸਟਰ ਰਾਜ, ਸੰਦੀਪ ਜਿੰਦਲ, ਅਸ਼ੋਕ ਬਾਂਸਲ ਸਮੇਤ ਕੀਰਤਨ ਮੰਡਲੀਆਂ ਅਤੇ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਮੌਜੂਦ ਸਨ।
ਪਹਿਲੇ ਦਿਨ ਦੀ ਕਥਾ ਦੌਰਾਨ ਸ਼ਰਧਾਲੂਆਂ ਵਿੱਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲਿਆ ਅਤੇ ਉਨ੍ਹਾਂ ਨੇ ਬੜੇ ਪ੍ਰੇਮ ਨਾਲ ਸਵਾਮੀ ਜੀ ਦੇ ਵਿਚਾਰਾਂ ਦਾ ਆਨੰਦ ਮਾਣਿਆ।