ਖਰੜ (ਪ੍ਰੀਤ ਪੱਤੀ) : ਸ੍ਰੀ ਰਾਮਲੀਲਾ ਡਰਾਮਾਟਿਕ ਕਲੱਬ ਖਰੜ ਵੱਲੋਂ ਇਲਾਕਾ ਨਿਵਾਸੀ ਦੇ ਸਹਿਯੋਗ ਨਾਲ ਪਹਿਲਾ ਵਿਸ਼ਾਲ ਭਗਵਤੀ ਜਾਗਰਨ ਬੜੀ ਸ਼ਰਧਾ ਦੇ ਉਤਸਾਹ ਨਾਲ 28 ਮਾਰਚ 2026 ਦਿਨ ਸ਼ਨੀਵਾਰ ਨੂੰ ਰਾਮਲੀਲਾ ਗਰਾਊਂਡ ਨੇੜੇ ਪੁਲਿਸ ਸਟੇਸ਼ਨ ਖਰੜ ਵਿਖੇ ਕਰਾਇਆ ਜਾ ਰਿਹਾ ਹੈ। ਕਲੱਬ ਦੇ ਪ੍ਰਬੰਧਕ ਨੇ ਦੱਸਿਆ ਕਿ ਜਾਗਰਨ ਦੀ ਸ਼ੁਰੂਆਤ 9 ਵਜੇ ਜੋਤੀ ਪ੍ਰਚੰਡ ਨਾਲ ਕੀਤੀ ਜਾਵੇਗੀ ਇਸ ਤੋਂ ਪਹਿਲਾਂ ਸ਼ਾਮ 7 ਵਜੇ ਤੋਂ ਪ੍ਰਭੂ ਦੀ ਇੱਛਾ ਤੱਕ ਵਿਸ਼ਾਲ ਭੰਡਾਰਾ ਵਰਤਾਇਆ ਜਾਵੇਗਾ ਇਸ ਮੌਕੇ ਮੁੱਖ ਗਾਇਕ ਅਤੇ ਕਲਾਕਾਰ ਯੋਗੀ ਸ਼ਰਮਾ ਐਂਡ ਪਾਰਟੀ ਨਾਜੀਮਾ ਖਾਨ ਸ਼ੀਤਲ ਲਾਡਲੀ ਆਪਣੀਆਂ ਭੇਟਾਂ ਰਾਹੀਂ ਸੰਗਤਾਂ ਨੂੰ ਨਿਹਾਲ ਕਰਨਗੇ।
ਇਸ ਮੌਕੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਮੌਜੂਦਾ ਸੰਸਦ ਮੈਂਬਰ ਤੇ ਕਲੱਬ ਦੇ ਸਰਪਰਸ ਚਰਨਜੀਤ ਸਿੰਘ ਚੰਨੀ ਅਤੇ ਨਗਰ ਕੌਂਸਲ ਖਰੜ ਦੀ ਪ੍ਰਧਾਨ ਬੀਬੀ ਅੰਜੂ ਚੰਦਰ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਰਕੇ ਆਸ਼ੀਰਵਾਦ ਪ੍ਰਾਪਤ ਕਰਨਗੇ ਪ੍ਰਬੰਧਕਾਂ ਨੇ ਸਮੂਹ ਇਲਾਕਾ ਨਿਵਾਸੀਆਂ ਨੂੰ ਇਸ ਜਾਗਰਨ ਵਿੱਚ ਪਹੁੰਚ ਕੇ ਮਾਤਾ ਰਾਣੀ ਦਾ ਆਸ਼ੀਰਵਾਦ ਪ੍ਰਾਪਤ ਕਰਨ ਦੀ ਅਪੀਲ ਕੀਤੀ ਇਸ ਮੌਕੇ ਮੁੱਖ ਅਹੁਦੇਦਾਰ ਤਾਰਾ ਚੰਦ ਗੁਪਤਾ ਚੇਅਰਮੈਨ , ਪ੍ਰਧਾਨ ਸ਼ਿਵ ਚਰਨ (ਪਿੰਕੀ ), ਸੀਨੀਅਰ ਮੀਤ ਪ੍ਰਧਾਨ ਵਰਿੰਦਰ ਭਾਮਾ , ਜਨਰਲ ਸਕੱਤਰ ਯੋਗੇਸ਼ ਕਪਿਲ (ਯੋਗੀ) , ਕੈਸ਼ੀਅਰ ਹਰਗੋਪਾਲ ਵਰਮਾ (ਬਿਲੂ) , ਜੁਆਇੰਟ ਸਕੱਤਰ ਜਗਦੀਸ਼ ਧੀਮਾਨ , ਸਟੋਰ ਇੰਚਾਰਜ ਸਰਬਜੀਤ (ਵਿੱਕੀ ) , ਜਨਰਲ ਡਾਇਰੈਕਟਰ ਪਰਵੀਨ ਕੁਮਾਰ , ਪ੍ਰੈਸ ਸਕੱਤਰ ਐਡਵੋਕੇਟ ਪੰਕਜ ਚੱਢਾ , ਹੇਮੰਤ ਸੈਣੀ (ਮਿੱਕੀ), ਸ਼ਾਮ ਸੁੰਦਰ ਲਾਂਭਾ , ਅਜੇ ਕੁਮਾਰ ਬਾਬੂ , ਦੀਪਕ ਸੈਣੀ ਆਦਿ ਮੌਜੂਦ ਸਨ।