ਹਫ਼ਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਮਜ਼ਬੂਤੀ ਨਾਲ ਖੁੱਲ੍ਹੇ ਸ਼ੇਅਰ ਬਾਜਾ਼ਰ ਦੀ ਕਲੋਜ਼ਿੰਗ ਗਿਰਾਵਟ ਨਾਲ ਹੋਈ। ਬਾਜ਼ਾਰ ਖੁੱਲ੍ਹਣ ਦੇ 10 ਮਿੰਟਾਂ ਬਾਅਦ ਹੀ ਗਿਰਾਵਟ ਅਤੇ ਵਿਕਰੀ ਦਾ ਦਬਾਅ ਦੇਖਿਆ ਗਿਆ। ਬਾਜ਼ਾਰ ਵਿੱਚ ਉੱਪਰਲੇ ਪੱਧਰਾਂ ਤੋਂ ਵਿਕਰੀ ਦੇਖਣ ਨੂੰ ਮਿਲੀ ਅਤੇ ਨਿਫਟੀ 50 ਸੂਚਕਾਂਕ 22,500 ਤੋਂ ਹੇਠਾਂ ਆ ਗਿਆ।
ਸੈਂਸੈਕਸ 547.65 ਅੰਕ ਭਾਵ 0.76 ਫ਼ੀਸਦੀ ਦੀ ਗਿਰਾਵਟ ਨਾਲ 71,924.68 ਦੇ ਪੱਧਰ ਤੇ ਬੰਦ ਹੋਇਆ ਹੈ। ਇਸ ਦੇ ਨਾਲ ਹੀ ਸੈਂਸੈਕਸ ਦੇ 7 ਸਟਾਕ ਵਾਧੇ ਨਾਲ ਅਤੇ 23 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ।
ਦੂਜੇ ਪਾਸੇ ਨਿਫਟੀ ਵੀ 157.10 ਅੰਕ ਭਾਵ 0.70 ਫ਼ੀਸਦੀ ਦੀ ਗਿਰਾਵਟ ਨਾਲ 22,363.35 ਦੇ ਪੱਧਰ 'ਤੇ ਬੰਦ ਹੋਇਆ ਹੈ।
ਸੈਂਸੈਕਸ 361.65 ਅੰਕ ਜਾਂ 0.50% ਵਧ ਕੇ 72,833.98 'ਤੇ ਖੁੱਲ੍ਹਿਆ, ਜਦੋਂ ਕਿ ਨਿਫਟੀ 122.05 ਅੰਕ ਜਾਂ 0.54% ਵਧ ਕੇ 22,642.50 'ਤੇ ਪਹੁੰਚ ਗਿਆ। ਵਪਾਰ ਦੌਰਾਨ, ਲਗਭਗ 1,921 ਸ਼ੇਅਰ ਵਧੇ, ਜਦੋਂ ਕਿ 733 ਵਿੱਚ ਗਿਰਾਵਟ ਆਈ, ਅਤੇ 220 ਬਿਨਾਂ ਕਿਸੇ ਬਦਲਾਅ ਦੇ ਰਹੇ।
BEL, M&M, ਕੋਟਕ ਬੈਂਕ, ਐੱਚਸੀਐੱਲ ਟੈਕਨਾਲੋਜੀਜ਼, ਬਜਾਜ ਫਾਇਨਾਂਸ , ਸਨ ਫਾਰਮਾ, ਟਾਈਟਨ ਸੈਂਸੈਕਸ ਦੇ ਸਭ ਤੋਂ ਵੱਧ ਲਾਭ ਲੈਣ ਵਾਲਿਆਂ ਵਿੱਚ ਸ਼ਾਮਲ ਸਨ, ਜਦੋਂ ਕਿ ਆਈਟੀਸੀ, ਟੈਕ ਮਹਿੰਦਰਾ, ਐਸਬੀਆਈ, ਟੀਸੀਐੱਸ, ਭਾਰਤੀ ਏਅਰਟੈੱਲ ਅਤੇ ਬਜਾਜ ਫਿਨਸਰਵ ਪ੍ਰਮੁੱਖ ਨੁਕਸਾਨ ਵਿਚ ਰਹਿਣ ਵਾਲਿਆਂ ਵਿੱਚ ਸ਼ਾਮਲ ਸਨ।