ਮੁੰਬਈ : ਬਾਲੀਵੁੱਡ ਅਦਾਕਾਰ ਅਤੇ ਫਿਲਮ ਨਿਰਮਾਤਾ ਵੀਰ ਦਾਸ ਨੇ ਆਪਣੀ ਦੂਜੀ ਨਿਰਦੇਸ਼ਤ ਫਿਲਮ "ਬਾਰਾ ਨੰਬਰਜ" ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ। ਫਾਊਂਡ-ਫੁੱਟੇਜ ਫਾਰਮੈਟ ਵਿੱਚ ਬਣੀ ਇਹ ਫਿਲਮ ਇੱਕ ਮਨੋਵਿਗਿਆਨਕ ਥ੍ਰਿਲਰ ਹੈ। ਵੀਰ ਦਾਸ ਨਿਰਦੇਸ਼ਕ, ਨਿਰਮਾਤਾ ਅਤੇ ਅਦਾਕਾਰ ਦੀ ਜ਼ਿੰਮੇਵਾਰੀ ਨਿਭਾ ਰਹੇ ਹਨ।
"ਬਾਰਾ ਨੰਬਰਜ਼" ਦਾ ਸਹਿ-ਨਿਰਮਾਣ ਥਰਡ ਫਰੇਮ ਸਟੂਡੀਓਜ਼ ਦੇ ਜੈਫ ਲਾਜ਼ਰਸ ਅਤੇ ਕੌਸ਼ਿਕ ਸ਼੍ਰੀਨਿਵਾਸਨ, ਨਰੇਸ਼ ਮਲਿਕ ਅਤੇ ਵੀਰ ਦਾਸ ਦੀ ਜਾਜ਼ੂ ਪ੍ਰੋਡਕਸ਼ਨ ਨੇ ਕੀਤਾ ਹੈ। ਕਵੀ ਸ਼ਾਸਤਰੀ ਕ੍ਰਿਏਟਿਵ ਨਿਰਮਾਤਾ ਹਨ। ਫਿਲਮ ਵਿੱਚ ਸ਼ੀਬਾ ਚੱਢਾ, ਸੁਹੇਲ ਨਈਅਰ, ਅਰੁਣੋਦਯ ਸਿੰਘ, ਅਹਿਸਾਸ ਚੰਨਾ, ਅਤੁਲ ਕੁਲਕਰਨੀ, ਨਿਹਾਰਿਕਾ ਲਿਆਰਾ ਦੱਤ, ਸ਼੍ਰਿਆ ਪਿਲਗਾਂਵਕਰ, ਪੂਜਾ ਸਰੂਪ ਅਤੇ ਨਵੀਨ ਕੌਸ਼ਿਕ ਮੁੱਖ ਭੂਮਿਕਾਵਾਂ ਵਿੱਚ ਹਨ।